រាជធានីភ្នំពេញ៖   សមត្ថកិច្ចប៉ុស្តិ៍នគរបាលរដ្ឋបាលបឹងសាឡាងបានធ្វើការឃាត់ខ្លួនជនសង្ស័យម្នាក់អាយុ១២ឆ្នាំយកមកសាកសួរនាំបន្ទាប់ពីបានទទួលពាក្យបន្តឹងថាកុមារាដែលជាជនសង្ស័យបានធ្វើសកម្មភាពចាប់រំលោភទៅកុមារីអាយុ៤ឆ្នាំម្នាក់។ ហេតុការណ៍នេះកើតហេតុឡើងកាលពីវេលាម៉ោង៦និង៣០នាទីយប់ថ្ងៃទី១១ខែមិថុនាឆ្នាំ២០១៨ត្រង់ចំណុចបន្ទប់ជួលអត់លេខ ស្ថិតក្នុងភូមិទី២ សង្កាត់បឹងសាឡាង ខណ្ឌទួលគោក។ កុមារាដែលជាជនសង្ស័យត្រូវសមត្ថកិច្ចខ្លួនខាងលើមានឈ្មោះសៀង សាក់ អាយុ១២ឆ្នាំរៀននៅសលាបឋមសិក្សាបឹងសាឡាង ស្នាក់នៅបន្ទប់ជួលកន្លែងកើតហេតុខាងលើ។ចំណែកឯកុមារីរងគ្រោះមានឈ្មោះ ត.ស.ល អាយុ៤ឆ្នាំ ស្នាក់នៅជាក្រុមគ្រួសារក្នុងបន្ទប់ជួលក្បែរកន្លែងកើតហេតុ។ បើកតាមសម្តីស្ត្រីម្នាក់មានឈ្មោះ ឆែម លី អាយុ៤៦ឆ្នាំលក់ផ្លែឈើនៅផ្សារដើមគដែលត្រូវជាយាយរបស់កុមារីរងគ្រោះបានរៀបរាប់ប្រាប់អោយដឹងថាពួគាត់បានមកស្នាក់នៅកន្លែងកើតហេតុអស់រយះពេលជាងមួយឆ្នាំមកហើយ។ជារៀងរាល់ថ្ងៃពេលដែលគាត់និងឪពុកម្តាយរបស់កុមារីរងគ្រោះចេញទៅលក់ផ្លែឈើនៅផ្សារដើមគអស់ គឺបានទុកកុមារីរងគ្រោះឲ្យលោកតាដែលពិការជើងនិងមានជំងឺទឹកនោមផ្អែមប្រចាំកាយមើលថែនៅឯផ្ទះ។ ប្រភពពីម្តាយបន្តទៀតថានៅមុនពេលកើតហេតុពួកគាត់ក៏បានត្រលប់មកពីលក់ផ្លែឈើនៅផ្សារដើមគរវិញ លុះដល់វេលាកើតហេតុលោកយាយរបស់កុមារីរងគ្រោះក៏បាននាំកុមារីរងគ្រោះទៅងូតទឹក ហើយខណះពេលដែលកំពុងតែងូតទឹកកុមារីរងគ្រោះក៏ចេះតែស្រែថាឈឺត្រង់ប្រដាប់ភេទ។ បន្ទប់មកលោកយាយរបស់កុមារីរងគ្រោះក៏បានចាប់កុមារីរងគ្រោះពិនិត្យមើលត្រង់ប្រដាប់ភេទក៏ឃើញមានស្នាមដាច់រលាត់ រួចក៏បានសួរទៅចៅស្រីដែលជាកុមារីរងគ្រោះជាពីរទៅបីដង ហើយកុមារីរងគ្រោះក៏បានរៀបរាប់ប្រាប់ទៅលោកយាយរបស់ខ្លួនថា កុមារាដែលជាជនសង្ស័យខាងលើបានចាប់រំលោភនាងកាលពីថ្ងៃ។ ប្រភពដដែលបន្តទៀតថាបន្ទាប់ពីចៅស្រីដែលជាកុមារីរងគ្រោះបានរៀបរាប់សាច់រឿងប្រាប់ហើយក៏បានរាយការណ៍ជូនមេភូមិក៏ដូនជាសមត្ថកិច្ចមូលដ្ឋានចុះមកធ្វើការឃាត់ខ្លួនជនសង្ស័យខាងលើយកមកសាកសួរនាំនៅប៉ុស្តិ៍នគរបាលរដ្ឋបាលបឹងសាឡាងភ្លាមៗតែម្តង។ ដោយឡែកកុមារីរងគ្រោះត្រូវបានក្រុមគ្រួសារដឹកយកទៅយកទៅមន្តីរពេទ្យសម្ភពក្រុងធ្វើការពិនិត្យដោយខាងមន្ទីរពេទ្យមិនបានចេញលិទ្ធផលមកក្រុមគ្រួសាររបស់កុមារីជនរងគ្រោះនោះទេដោយប្រាប់រងចាំសមត្ថកិច្ចឬមានតិការពីតុលារការទើបអាចប្រគោលលិទ្ធផលត្រួតពិនិត្យនេះបាន។ បើតាមសម្តីពីសមត្ថកិច្ចមូលដ្ឋានបានឲ្យដឹងថាបន្ទាប់ពីធ្វើការសាកសួរនាំទៅលើកុមារាដែលជាជនសង្ស័យខាងលើរួចមកជនសង្ស័យបានឆ្លើយសារភាពថាខ្លួនពិជាបានធ្វើសកម្មភាពរំលោភទៅលើកុមារីរងគ្រោះខាងលើពិបាកមែន។ ដោយកាលពីវេលាម៉ោង៣និង៣០នាទីរសៀល ថ្ងៃកើតហេតុរូបគេនិងក្មេងជាច្រើនអ្នកទៀតរួមទាំងកុមារីរងគ្រោះបានលេងបាយលុកបាយឡរ នៅខាងមុខបន្ទប់ជួលដែលជាកន្លែងកើតហេតុ។ លុះមួយស្ទុះក្រោយមករូបគេក៏បានដើរចូលទៅក្នុងបន្ទប់ជួលរបស់រូបគេ ខណះពេលដែលឪពុកម្តាយចេញទៅធ្វើការអស់ ពេលនោះកុមារីរងគ្រោះក៏បានដើរចូលទៅតាមរូបគេដល់ក្នុងបន្ទប់ ភ្លាមនោះកុមារាដែលជាជនសង្ស័យក៏ចាប់អោបកុមារីរងគ្រោះ ហើយស្រាតខោរបស់នាងរួចផ្តួលនាងទៅនិងឥដ្ឋការ៉ូ ហើយក៏បានធ្វើការចាប់រំលោភទៅលើកុមារីរងគ្រោះតែម្តង។ ប៉ុន្តែមិនបានសម្រេចនេះទេរួចក៏នាំកុមារីរងគ្រោះចេញពីក្នុងបន្ទប់របស់គេវិញទៅ។ ចំពោះមូលហេតុដែលបណ្តាលឲ្យរូបគេកើតមានកាមតណ្ហាចាប់រំលោភទៅលើកុមារីរងគ្រោះខាងលើនោះ គឺព្រោះតែរូបគេបានចូលទៅលេងហ្គេមនៅក្នុងណេតមួយកន្លែងដែលនៅជិតនិងកន្លែងដែលគេស្នាក់នៅ ហើយគេតែងតែបើកមើលរឿងអះអាភាសជាច្រើនដងរហូតកើតមានតណ្ហា ឈានទៅដល់ការចាប់រំលោភកុមារីរងគ្រោះតែម្តងទៅ។ ក្រោយពេលកើតហេតុក្រុមគ្រួសាររបស់កុមារីរងគ្រោះបានទៅធ្វើការដាក់ពាក្យបន្តឹងនៅប៉ុស្តិ៍នគរបាលរដ្ឋាបាលបឹងសាឡាង។      បច្ចុប្បន្នកុមារាដែលជាជនសង្ស័យខាងលើត្រូវបានសមត្ថកិច្ចប៉ុស្តិ៍នគរបាលរដ្ឋាបាលបឹងសាឡាងកសាងសំណុំរឿងបញ្ចូនទៅឃុំខ្លួនបណ្តោះអាសន្ននៅអធិការដ្ឋាននគរបាលខណ្ឌទួលគោកដើម្បីចាត់ការបន្ត៕

យន្តហោះម្បាំងនៅលើនាវាផ្ទុកយន្តហោះអាមេរិក​ USS George H.W Bush ​បានបើកការវាយប្រហារទៅលើក្រុម​IS ​នៅក្នុងប្រទេសស៊ីរី  ដោយវាយប្រហារចេញពីដែនសមុទ្រមេឌីទែរ៉ាណេ។ការវាយប្រហារធ្វើឡើងនៅថ្ងៃទី​៦ខែមិថុនា ឆ្នាំ​២០១៧។ មេបញ្ជាការកងទ័ពអាមេរិកនៅលើនាវាផ្ទុកយន្តហោះខាងលើ លោក​ Kenneth Whitesell បានប្រកាសថា​«យើងបន្តវាយប្រហារទៅលើគោលដៅ របស់ក្រុម​ IS នៅក្នុងប្រទេសស៊ីរី  គឺជាការអនុវត្ត តាមកិច្ចសន្យាជាមួយសម្ព័ន្ធមិត្ត និងដៃគូរក្នុងតំបន់​ ពីសកម្មភាពវាយប្រហារទៅលើក្រុមភេរវកម្ម។ នាវាផ្ទុកយន្តហោះUSS George H.W Bush ​ធ្លាប់បានចូលរួម​វាយប្រហារ​ក្រុម​ IS ​ពីដែនសមុទ្រ មេឌីទែរ៉ាណេកាលពីដើម​ខែ​មីនា  ក្រោយមកក៏បានចាកចេញទៅបំពេញភារកិច្ចផ្សេងទៀត។ អាមេរិកចាប់ផ្តើមយុទ្ធនាការ «ដកទាំងឭស» ក្រុមភេរវកម្ម​​ IS នៅក្នុងប្រទេសស៊ីរីនិងអីរ៉ាក់ ចាប់តាំងពីខែស៊ីហា ឆ្នាំ​២០១៤។ មកទលពេលនេះអាមេរិកបានវាយប្រហារ តាមដែនអាកាសសរុប ​១៧.០០០លើក ទីលើទីតាំង របស់ក្រុម ភេរវកម្ម ។​ មន្ទីបញ្ចកោណអាមេរិក បានបញ្ចាក់ថា ប្រាក់ចំណាយសម្រាប់ ការវាយប្រហារនោះគិត ត្រឹមថ្ងៃ ទី ៣០ខែមេសាឆ្នាំ​២០១៧ គឺ ៣,១ពាន់លានដុល្លារ។ សកម្មភាពវាយប្រហារខាងលើ របស់ នាវាផ្ទុកយន្តហោះ​USS George H.W Bush ​បានធ្វើឡើងក្នុងពេលដេលកម្លាំងទាហានជនជាតិឃឺដ ដែលអាមេរិកគាំទ្រ បានបើកការវាយប្រហារជាទ្រងទ្រាយធំ ទៅលើទីក្រុង  Raqqa  រដ្ឋធានីរបស់ក្រុម​ IS នៅក្នុងប្រទេសស៊ីរី។ ក្រុមទាហានជនជាតិឃឺដ ទើបតែទទួលបានការផ្តាល់អាវុធពីអាមេរិក ដើម្បីវាយប្រហារទៅលើក្រុមភេរវកម្ម។ នៅក្នុងព្រិត្តិការណ៍មួយផ្សេងទៀត អាមេរិកបានបើកការវាយប្រហារទៅលើទាហាន របស់ប្រធានាធិបតីអាលអា សាដ​ នៅពេលដែលទាហាន ទាំងនោះបានចូលទៅកាន់តំបន់ហាមប្រាំ ។​បើទោះបីមានការប្រឆាំងពីរុស្ស៊ី តែអាមេរិកនៅតែវាយប្រហារដដែល។ នៅថ្ងៃទី​៦ខែមិថុនា សម្ព័ន្ធមិត្តប្រឆាំងក្រុមភេរវកម្ម IS ដឹកនាំដោយអាមេរិក បានបើកការវាយប្រហារតាមដែនអាកាសទៅលើទីតាំង កម្លាំងទាហានរដ្ឋាភីបាលស៊ីរី​ ដែលចូលទៅកាន់តំបន់ ជិតស្រុក​ At Tanf ។ តាមការប្រកាសរបស់ទីបញ្ចាការ កងទ័ពអាមេរិក  CENTCOM បានបញ្ចាក់ថា ការវាយប្រហារខាងលើ​ ធ្វើឡើងនៅក្នុងតំបន់ ជិតស្រុក​ At Tanf ​ដែលជាដំបន់ហាមប្រាំ​ របស់ទាហានលោកខាងលិច​ឈរជើង។ សារព័ត៌មាន​ Sputnik បានដកស្រងការប្រកាសរបស់ ទីបញ្ចាការកងទ័ពអាមេរិក​បានឲ្យដឹងថា បើទោះបីមានការប្រមាណ តែកម្លាំងទាហានរដ្ឋាភិបាលស៊ីរីនៅតែចូលទៅទីនោះ​ ដោយមានអាវុធទំនើបៗជាច្រើន។ តំបន់បញ្ជៀសសង្គ្រាម​មាន ទំហុំ ៥៥គីឡូម៉ែត្រ បានបង្កើតឡើង ឡោមព័ទ្ធជុំវិញ ស្រុក​ At Tanf ជាទីតាំងដែលអាមេរិកដាក់ទាហាននៅទីនោះ សម្រាប់វាយប្រហារ ក្រុម​ IS ។ បើមានទាហានណាមួយចូលទៅកាន់តំបន់នេះនឹងរងការវាយប្រហារពីទាហានអាមេរិកជាមិនខាន៕    

ទោះជាមានការធានាសុវត្ថិភាពកំរិតខ្ពស់ ពីក្រុមហ៊ុនអាកាសចរណ៍យ៉ាងណាក៍ដោយ ក៍អ្នកធ្វើដំណើរមួយចំនួននៅតែមានអារម្មណ៍ភ័យខ្លាច រាល់ពេលជិះយន្តហោះម្តងៗ។ នេះក៏ដោយសារ តែងតែមានឧប្បទ្ទវហេតុកើតឡើងជារឿយៗ ដែលបានបង្កអោយមានមនុស្សស្លាប់ និងរបូសជាច្រើននាក់ក្នុងមួយឆ្នាំៗ។ ដូច្នេះ អ្នកមានដែលឆ្ងល់ដែរឬទេថា ហេតុអ្វីបានជាគេមិនដាក់អោយមានឆ័ត្រយោងតាមយន្តហោះសម្រាប់អ្នកដំណើរ ទុកសម្រាប់លោតចុះចេញពីយន្តហោះ ក្នុងពេលមានអាសន្ន? បើតាមការបកស្រាយរបស់លោក Jim Crouch ប្រធានផ្នែកសុវត្ថិភាព និងការហ្វឹកហាត់នៃសមាគមន៍លោតឆ័ត្រយោងសហរដ្ឋអាមេរិក៖ មូលហេតុចំបងគឺដោយសារ អ្នកដំណើរទាំងនោះមិនបានទទួលការហ្វឹកហាត់សម្រាប់ការលោតឆ័ត្រយោងពេលមានអាសន្ន។ តាមធម្មតាការលោតឆ័ត្រយោងគឺ តែងតែមានការរៀបចំទីកន្លែងសម្រាប់លោតចុះ ដើម្បីចុះអោយចំកន្លែងដែលមានសុវត្ថិភាពគ្រប់គ្រាន់។ ចំណែកឯកំពស់នៃការលោតឆ័ត្រយោងក៏ត្រូវស្ថិតក្នុងរយៈកំពស់មួយកំណត់ផងដែរ។ ជាទូទៅយន្តហោះ ធ្វើការហោះហើរក្នុងរយៈកំពស់ប្រហែល ៣៥០០០ ហ្វីត ដែលមិនអាចធ្វើការលោតឆ័ត្រយោងបានឡើយ។ លោកបានបន្ថែមថា រយៈកំពស់ចាប់ពី ១៨០០០ ហ្វីត ឡើងទៅ គឺពិតជាគ្រោះថ្នាក់បំផុតសម្រាប់ការលោតឆ័ត្រ។ គ្រោះថ្នាក់អាចកើតមានត្រង់ថា នៅរយៈកំពស់ខ្ពស់ពេកបែបហ្នឹង នឹងធ្វើអោយមានកង្វះអុកស៊ីសែន និងមានសំពាធខ្សល់ខ្ពស់ក្នុងពេលលោតចេញពីយន្តហោះ ដែលអាចធ្វើអោយសន្លប់បាត់ស្មារតីបាន។ ក្រៅពីនេះ កំដៅអាកាសធាតុក៏ជាបញ្ហា ដោយសារស្ថិតត្រង់រយៈកំពស់ ៣៥០០០ ហ្វីតនេះ (ខ្ពស់ជាស្តង់ដារនៃការលោតឆ័ត្រ ៣ដង) អាកាសធាតុអាចធ្លាក់ដល់ -៣០ ហ្វារិនហៃ (ប្រហែល -១៧,៧ អង្សាសេ) ឬអាចទាបជាងនេះ ដែលរាងកាយមនុស្សមិនអាចទ្រទ្រង់បានឡើយ ដែលអាចធ្វើអោយភ្នែក ច្រមុះ និងមាត់ក្លាយជាកកស្ងួត ហើយសួតក៏អាចនឹងផ្ទុះភ្លាមៗផងដែរ។ ប្រសិនបើមានហេតុការចម្លែកកើតឡើង ដែលបរិយាកាសមិនចុះត្រជាក់ខ្លាំងដូចការបញ្ជាក់ខាងលើ ក៏វានៅតែមានគ្រោះថ្នាក់ដដែលសម្រាប់ការលោតបែបនោះដោយហេតុថា យន្តហោះមានល្បឿនយ៉ាងតិច ១៥០ ម៉ាយក្នុងមួយម៉ោង (ប្រហែល ២៤១ គីឡូម៉ែតក្នុងមួយម៉ោង) ដែលធ្វើអោយងាយរងគ្រោះថ្នាក់ដោយកំលាំងខ្យល់បាន។ ហើយរឿងដែលសំខាន់នោះគឺថាយន្តហោះដឹកអ្នកដំណើរមិនអាចបើកទ្វាក្នុងរយៈកំពស់ខ្ពស់បែបនោះបានឡើយ។ មូលហេតុចុងក្រោយមួយទៀតគឺថា ឧបករណ៍លោតឆ័ត្រយោង១សម្រាប់ មានទម្ងន់ចាប់ពី ៦គីឡូក្រាម ដល់ ១៨គីឡូក្រាម ដែលយន្តហោះពិបាកក្នុងការផ្ទុកសម្រាប់អ្នកធ្វើដំណើរ។ ដូច្នេះ ដោយសារមូលហេតុទាំងអស់ខាងលើនេះហើយ ទើបក្រុមហ៊ុនអាកាសចរណ៍មិនអាចផ្តល់ឆ័ត្រយោងសម្រាប់អ្នកធ្វើដំណើរក្នុងពេលហោះហើរបាន៕   ប្រែសម្រួលដោយ៖ សិរីវុធ

រាជធានីភ្នំពេញ៖  កាលពីថ្ងៃត្រង់ទី០៧ ខែមិថុនា ឆ្នាំ២០១៧ក្នុងពិធីសន្និសីទកាសែតការប្រកួតបាល់ទាត់កម្ពុជានិងឥណ្ឌូនេស៊ីនោះ មានក្មេងៗជាច្រើននាក់មកស្កាត់ជួប កីឡាករក្នុងដួងចិត្តរបស់ពួកគេគឺចាន់ វឌ្ឍនាកា ដែលទើបមកពីប្រទេសជប៉ុន ចូលរួមជាមួយក្រុមជម្រើសជាតិថ្ងស្អែកនេះ។ ក្នុងចំណោមក្មេងនិងអ្នកគាំទ្រនោះ មានក្មេងម្នាក់ដែលមានមុខដូចរលាកភ្លើង មើលទៅគួរអាណិតបានរង់ចាំដើម្បីថតជាមួយ “បង កា” អស់រយៈមួយពេលព្រឹក ដែលធ្វើឱ្យកីឡាកររូបនេះមានទឹកចិត្តសប្បាយរីករាយ និងត្រេកអរយ៉ាងខ្លាំង។ ជាមួយគ្នាក្នុងពិធីសន្និសីទកាសែតការប្រកួតបាល់ទាត់កម្ពុជានិងឥណ្ឌូនេស៊ីនោះ ចាន់ វឌ្ឍនាកា បានបញ្ជាក់ដល់ក្រុមសារព័ត៌មានថា លោកបានវាយតម្លៃក្រុមជម្រើសជាតិថ្មីមើលឃើញថា មានភាពរីកចម្រើនជាងមុន បើទោះបីដាក់កីឡាករវ័យក្មេងឬកីឡាករថ្នាល់ច្រើននាក់ក៏ដោយ។ លោកក៏រំពឹងទុកថា ការប្រកួតមិត្តភាពជាមួយឥណ្ឌូនេស៊ី ថ្ងៃទី០៨ មិថុនា នឹងទទួលបានបទពិសោធន៍ថ្មី៕ដោយ បូរិន  

រាជធានីភ្នំពេញ៖  តារាសម្តែងកញ្ញាឯក សុវណ្ណារត្ន័បានប្រើភាពស្និតស្នាលប្លែកជាមួយតារាប្រុសវ័យក្មេងរលកក្រោយរហូតអាចនឹងចាប់ដៃគូប្រសិនបើអាចទៅរួច។គេមិនដឹងថាពួកគេសុីជម្រៅទឹកចិត្តបែបណាឡើយទើបឆ្លងដល់ប្រកាសបែបនេះ។ ទំនាក់ទំនងយ៉ាងចម្លែកជាមួយតារាក្មេងរូបសង្សារ គឺលោក សឿន នរៈពិសិដ្ឋ ដែលជាតារារះថ្មីហើយទើបនឹងឡើងកូដផង។ យ៉ាងណាមិញភាគីខាងស្រីប្រកាសថា អ្នកនាងចាត់ទុកប្រុសក្មេងជាដៃគូខ្លួនត្រឹមតែជាប្អូនប្រុសក្នុងសិល្បៈប៉ុណ្ណោះគឺមិនមែនស្នេហាដូចអ្វីដែលគេយល់ឃើញឡើយ។ មិនមែនត្រឹមតែលើហ្វេសប៊ុកប៉ុណ្ណោះទេដែលតារាប្រុសស្រីទាំង២រមែងថតបង្ហោះកៀកកើយអមដោយសំណេរផ្អែមល្ហែមមិនខុសពីគូស្នេហ៍ខុសវ័យ សូម្បីតែនៅកន្លែងថតរឿងក៏គេឃើញតារាចម្រៀងវ័យ និងជាតារាសម្ដែង អ្នកនាង ឯក សុវណ្ណរ័ត្ន ធ្វើខ្លួនស្និទ្ធិស្នាលមិនសូវសមភ្នែកជាមួយប្រុសក្មេងគឺលោក សឿន នរៈពិសិដ្ឋ ធ្វើអោយមានការសង្ស័យពីទំនាក់ទំនងដែលអ្នកទាំងពីរអះអាងថាជាបងប្អូនរបស់ពួកគេផងដែរ។ បើទោះជាអ្នកទាំងពីរនៅតែបានច្រានចោលដំណឹងស្នេហា និងថាអ្វីៗគ្រាន់តែជាបងស្រី និងប្អូនប្រុស ក៏ការអះអាងរបស់ ភាគីទាំង២មិនសូវមានជឿ និងថាសកម្មភាពដែលបានស្ដែងឡើងគឺលើសបន្តិចពីបងប្អូន។ អ្នកសិល្បៈមួយចំនួនសុទ្ធតែបង្ហាញពីការទើសភ្នែកសម្រាប់អ្នកទាំងពីរ ខណៈដែល ឯក សុវណ្ណរ័ត្ន បានប្រកាសតបនឹងការយល់ឃើញថា មិនខ្វល់ សំខាន់អោយអ្នកនាង និងលោក សឿន នរៈពិសិដ្ឋ កាន់តែជិតស្និទ្ធគ្នាច្រើនឡើង។ អ្នកនាងថាប្រុសក្មេងដែលអ្នកនាងពាក់ព័ន្ធជាបុគ្គលគួរអោយចូលចិត្ត និងបានចាត់ទុកអ្នកនាងមិនខុសពីពីបងស្រីម្នាក់ ទើបអ្នកនាងព្យាយាមខ្នះខ្នែងអោយគេបានចូលសិល្បៈសម្ដែងយ៉ាងពេញទំហឹង បន្ទាប់ពីគេចូលប្រឡូកការងារសិល្បៈប្រមាណជា២ឆ្នាំទៅហើយ តែទទួលបានផ្លែផ្កាស្ដួចស្ដើង។ អ្នកនាងថា លោក សឿន នរៈពិសិដ្ឋ គឺជាប្អូនប្រុសល្អ ហើយក៏ជាតារា ដែលមានការព្យាយាម និងខ្នះខ្នែងសម្រាប់សិល្បៈផងដែរ ទើបអ្នកនាងចេះតែចេញមុខទៅសុំផលិតករនេះទៅសុំផលិតករនោះ អោយលោកបានសម្ដែងព្រោះតែការអាណិត។ យ៉ាងណាមិញ អ្នកនាងថាដោយសារតែលោកក៏ជាតារាដែលមានសមត្ថភាព និងទេពកោសល្យផងទេ ទើបទទួលបានជោគជ័យក្រោយពីអ្នកនាងចេញមុខដឹកដៃ និងនាំផ្លូវ។ លោក សឿន នរៈពិសិដ្ឋ បញ្ជាក់ថាលោកមិនខ្វល់រឿងអ្នកណាថាចោទថាលោកតោងកាលីបតារាសម្ដែងដែលមានអាយុបង ឬវ័យច្រើនជាងនោះទេព្រោះតែលោកចង់ល្បីនោះទេ ដោយសារតែលោកយល់ថារវាងខ្លួន និងអ្នកនាងបានចាត់ទុកគ្នាត្រឹមជាបងស្រី និងប្អូនប្រុសរួចទៅហើយ។ លោកថាទំនាក់ទំនងរវាងលោក និងអ្នកនាង ពិតជាស្អិតរមួតរហូតដល់មានគេច្រលំច្រើនឡើងថាស្រីចាស់ស្រឡាញ់ប្រុសក្មេងមែន ប៉ុន្តែលោកថាមិនខ្វល់នោះទេសំខាន់អ្នកនាងឯក សុវណ្ណរ័ត្ន មិនបានគិតអ្វីចំពោះលោកលើសពីប្អូន។ លោកថានៅក្នុងរយៈពេលចុងក្រោយ ការងារសិល្បៈមានការឈានឡើងដោយទើបបញ្ចប់ការសម្ដែង និងនៅសម្ដែងក្នុងរឿង«កំលោះយំក្រមុំសើច»របស់My TV និងរឿង«ទូកបាត់ច្រវ៉ា»របស់ទូរទស្សន៍PNN ជាដើម ដោយមិនទាន់រាប់បញ្ចូលការសម្ដែងភាពយន្តដែលមិនទាន់ថតបានច្រើនភាគរយផ្សេងទៀតនៅឡើយ។