MENU
|
នៅថ្ងៃទី២៧ខែមីនា ក្រុម រដ្ឋអាជ្ញាកូរ៉េខាងត្បូង បានស្នើរ តុលាការចេញច្បាប់ចាប់ខ្លួន អតីតប្រធានាធិបតីលោកស្រី ផាក់គឹនហេ ពាក់ព័ន្ធនិងអំពើពុករលួយ។ក្រុមរដ្ឋអាជ្ញា ប្រទេសនេះបានបញ្ចាក់ថា ការចាប់ខ្លួនលោកស្រី ផាក គឹនហេ គឺស្រប់ទៅនឹងច្បាប់ ។
សារព័ត៌មាន Korea Times បានផ្សាយថា អតីតប្រធានាធិបតីផាក់គឹនហេ ប្រឈមនិងការចោទប្រកាន់ជាច្រើន ក្នុងនោះមាន ការទួលប្រាក់សំណូក គេងអំណាច ដាក់គំនៀប និងធ្វើឲ្យបែកធ្លាក់ ព័ត៌មានសម្ងាត់របស់ជាតិ ពាក់ព័ន្ធនិងមិត្តភក្តិជិតស្និតបំផុតរបស់លោកស្រីអតីតប្រធានាធិបតីគឺ លោកស្រី Choi Soon Sil ។
ប្រសិនបើតុលាការ សម្រេចចេញដីការចាប់ខ្លួននោះ លោកស្រីផាក់គឹនហេ នឹងក្លាយជា អតីតប្រធានាធិបតីទី៣នៅក្នុងប្រទេសនេះដែលត្រូវតុលាការចាប់ខ្លួន ជាប់ពាក់ព័ន្ធនិងបទព្រហ្មទណ្ឌ បន្ទាប់ពីអតីតប្រធានាធិបតី Roh Tae Woo និង Chun Doo Hwan ។
គួរបញ្ជាក់ថា ពាក់ព័ន្ធនឹងរឿងអាស្រូវអំពើពុករលួយខាងលើនេះ ដែលលោកស្រី ផាក គឹនហេ ត្រូវបានក្រុមសមាជិកសភាចោទប្រកាន់ ប្រឆាំងនឹងលោកស្រីកាលពីអំឡុងខែធ្នូ ឆ្នាំ២០១៦ និងត្រូវបានតុលាការធម្មនុញ្ញសម្រេចផ្អាកតំណែងរបស់លោកស្រីរយៈពេល ៦ខែ និងក្រោយមកលោកស្រី ត្រូវបានតុលាការសម្រេចគាំទ្របទចោទប្រកាន់ និងបណ្ដេញចេញពីតំណែងកាលពីដើមខែមិនា កន្លងទៅនេះ។
នៅពេលនេះដែរ កូរ៉េខាងជើងបានរៀបចំការបើឆ្នោត ជ្រើសរើសប្រធានាធិបតីថ្មី នៅថ្ងៃទី៩ខែឧសភាខាងមុខ។ ក៏ប៉ុន្តែការបោះឆ្នោតជាផ្លូវការនឹងត្រូវគណកម្មធិការរៀបចំការបោះឆ្នោត ជាតិ ប្រកាស់នៅពេលដ៏ខ្លីខាងមុខបន្ទាប់ពីជួបប្រជុំ គណកម្មធិការរៀបចំការបោះឆ្នោត រួចរាល់។ តាមច្បាប់កូរ៉េខាងត្បូង ការបោះឆ្នោតនឹងត្រូវធ្វើឡើងក្នុងរយៈពេល ៦០ថ្ងៃ ក្រោយតុលាការរដ្ឋធម្មនុញ្ញប្រទេសនេះ បានសម្រេចដកដំណែងប្រធានាធិបតី ផាក់គឹនហេ នៅថ្ងៃទី១០ខែមីនា កន្លងមក។
ស្ថានភាពនយោបាយ នៅក្នុងប្រទេសកូរ៉េខាងត្បូងកាន់តែអាក្រក់ទៅ ដោយសារវិបត្តិនៅក្នុងប្រទេស និងការសងសឹកទណ្ឌកម្មពីប្រទេសចិន ដោយសារ តែប្រទេសនេះបានសម្រេចឲ្យអាមេរិកដាក់មីស៊ីលវាយស្ទាក់ នៅក្នុងទីក្រុងសេអ៊ូល ៕