នៅថ្ងៃទី​២៥ខែមេសា មន្ត្រីទទួលបន្ទុកកិច្ចពិភាក្សាស្តីពីកម្មវិធីបរិមាណូរបស់កូរ៉េខាងជើង អាមេរិក ជប៉ុននិងកូរ៉េខាងត្បូងបានជួបពិភាក្សាគ្នានៅទីក្រុងតូក្យូប្រទេសជប៉ុន​ លើបញ្ហាអាវុធ នៅកូរ៉េខាងជើង។

សារព័ត៌មានយ៉ុនហាប់របស់កូរ៉េខាងត្បូងបានផ្សាយថា  ជំនួបពិភាក្សាត្រីភាគីស្តីពីកម្មវិធីបរមាណូកូរ៉េខាងជើង ធ្វើឡើងក្នុងពេលដែលកូរ៉េខាងជើង ត្រៀមលក្ខណសាកល្បងគ្រាប់បរិមាណូជាលើកទី​៦ ក្នុងឧកាសខួបគំរប់ ៨៥ឆ្នាំថ្ងៃ បង្កើនកម្លាំងទាហានកូរ៉េខាងជើង ថ្ងៃទី​២៥ខែមេសា ។

ក្រៅពីពិភាក្សាស្តីអំពីការដាក់ទណ្ឌកម្មកូរ៉េខាងជើង ប្រទេសទាំង​៣​ក៏បានស្នើរដល់ប្រទេសចិន​មានសកម្មភាព រារាំងកូរ៉េខាងជើង បន្តកម្មវិធីបរមាណូ និងស្វែងរកដំណោះស្រាយបញ្ចប់តែម្តង ។

ប្រទេសទាំង​៣ក៏បានលើកឡើង​ពី កិច្ចពិភាក្សាជាមួយកូរ៉េខាងជើង ប្រសិនបើ ទីក្រុងព្យុយ៉ាង បញ្ចប់ ការឌឺដង ក្នុងកម្មវិធីបរមាណូរបស់ខ្លួន។

កន្លងមក នៅថ្ងៃទី​២៤ខែមេសា នាយករដ្ឋមន្ត្រីជប៉ុន លោក​ស៊ីនហ្ស៊ូអាបេ និងប្រធានាធិបតីអាមេរិកដូណាលត្រាំ បានឯកភាពគ្នា នៅក្នុងជំនួបពិភាក្សាតាមទូរស័ព្ទ  ក្នុងការទប់ទលជាមួយកូរ៉េខាងជើង ដោយប្រទេសទាំងពីរត្រូវបង្កើនការ តាមដានសកម្មភាពរបស់កូរ៉េខាងជើង ។

នៅក្នុងព្រិត្តិការមួយផ្សេងទៀតដែលពាក់ព័ន្ធនោះដែរ នៅព្រឹកថ្ងៃអង្គារនេះ បានចាប់ផ្ដើមធ្វើសមយុទ្ធយោធា ដែលទំនងជាសមយុទ្ធ មានទ្រង់ទ្រាយធំបំផុត ដើម្បីប្រារព្ធព្រឹត្តិការណ៍ ខួបលើកទី៨៥ នៃថ្ងៃបង្កើតកងកម្លាំងយោធា របស់ខ្លួន ​ប៉ុន្ដែគេនៅមិនទាន់ឃើញពីសកម្មភាព មិនប្រក្រតីណាមួយ ដែលឈានដល់ការធ្វើតេស្ដនុយក្លេអ៊ែរ ឫក៏មីស៊ីលផ្លោងឆ្លងទ្វីប នោះទេ នេះបើយោងតាមការចុះផ្សាយ របស់ ទីភ្នាក់ងារសារព័ត៌មានយុនហាប់ នៅថ្ងៃទី២៥ ខែមេសា ឆ្នាំ២០១៧។

ប្រភពព័ត៌មានដដែលបានឲ្យដឹងទៀតថា ប្រទេសកម្មុនិស្ដកូរ៉េខាងជើង បានចាប់ផ្ដើមធ្វើសមយុទ្ធយោធា នៅជុំវិញទីក្រុងកំពង់ផែវូសាន តំបន់ភាគខាងកើតប្រទេស ហើយមេដឹកនាំផ្ដាច់ការ របស់របបមួយនេះ លោក គីម ជុងអ៊ុន ក៏មានវត្តមានចូលរួម ក្នុងព្រឹតិ្តការណ៍នេះដែរ ​ស្របពេលដែលនាវាមុជទឹក ដំណើរការដោយថាមពលនុយក្លេអ៊ែរ របស់សហរដ្ឋអាមេរិក បានចូលចត នៅក្នុងប្រទេសកូរ៉េខាងត្បូង ​ត្រៀមទទួលវត្តមាននាវាផ្ទុកយន្ដហោះចម្បាំង បំពាក់អាវុធនុយក្លេអ៊ែរ ដែលនឹងមកដល់ក្នុងពេលឆាប់ៗនេះ៕

• អាមេរិក
• ជប៉ុន
• កូរ៉េខាងត្បូង