បន្ទាយមានជ័យ៖ សេចក្តីរាយការណ៍បានឲ្យដឹងថា គិតមកដល់ម៉ោង១០ និង៥៥នាទីព្រឹក ថ្ងៃទី២៣ ខែកុម្ភៈ ឆ្នាំ២០១៧នេះនៅស្ពានព្រំដែនប៉ោយប៉ែតកំពុងមានការកកស្ទះខ្លាំងនៅឡើយ ។

សូមរំលឹកថា កាលពីវេលាម៉ោង៩ និង១៥នាទីព្រឹក ថ្ងៃទី២៣ ខែកុម្ភៈ ឆ្នាំ២០១៧ ក្រុមអ្នករទេះត្រីបានលើកគ្នាបិតស្ពានព្រំដែនកម្ពុជា.ថៃក្រុងប៉ោយប៉ែត ដើម្បីឲ្យខាងភាគីថៃបញ្ចុះតម្លៃភាស៊ីលើខេងត្រីរបស់ពួកគាត់ ។

ប្រភពព័ត៌មានដដែលបានឲ្យដឹងថា ក្រុមកម្មករបាននាំគ្នាអូសរទេះត្រីត្រឡប់មកវិញដោយខឹងសម្បារយ៉ាងខ្លាំងក៏នាំគ្នាបិតស្ពានព្រំដែនតែម្តង ដោយនាំគ្នានិយាយថា ខាងថៃនៅតែបន្តទារថ្លៃក្នុង១ខេង១៥០០បាត(ប្រាក់ថៃ)ដូចដើម ។ ទោះជាយ៉ាងក៏ដោយខាងផ្លូវថ្មើរជើងទាំងសងខាងស្ពានព្រំដែន អ្នកដំណើរជាតិ និងអន្តរជាតិ ធ្វើដំណើរទៅមកជាលក្ខណៈធម្មតាទេ ។

សូមបញ្ជាក់ថា ក្រុមអាជីវករនាំត្រីទៅថៃបាននាំគ្នាខឹងសម្បារយ៉ាងខ្លាំងដែលគយថៃទារភាស៊ីឡើងថ្លៃជាបន្តបន្ទាប់តាមអំពើចិត្ត ។ ក្រុមអាជីវករនិយាយថាតម្លៃដំបូងក្នុង១ខេងសណ្ដោងដែលមានត្រីរ៉ស់ជាង១០០គីឡូក្រាម គយថៃទារភាស៊ីត្រឹមតែ៣៨០បាតប៉ុណ្ណោះ លុះមកដល់ថ្ងៃនេះ ខាងគយថៃទារ១ខេងដល់រហូត១៥០០បាតពួកគាត់ក៏ដែរតែខាងគយថៃតម្រូវអោយថ្លឹងលើជញ្ជីងទៅវិញទើបធ្វើឲ្យពួកគាត់ពិបាកក្នុងការប្រកបរកស៊ីត្រីហើយណាមួយទៀតខាងគយថៃឡើងថ្លៃហួសហេតុពេកទើបពួកគាតហ៊ាន់ដាច់ចិត្ត។

• ក្រុមកម្មករ
• ប្រទេសថៃ
• ច្រកទ្វារ
• ព្រំដែន