នៅទីក្រុងធំៗរបស់ប្រេស៊ីលមានពលរដ្ឋរាប់សិបពាន់នាក់ដង្ហែក្បួនបាតុកម្មកាលពីថ្ងៃទី​៤ខែធ្នូ​ ប្រឆាំងនិងអំពើពុករលួយកាន់តែខ្លាំងឡើងនៅក្នុងប្រទេសនេះ។

នៅទីក្រុង​ Brasilia ពលរដ្ឋរាប់សិបពនាក់ ប្រមូលផ្តុំគ្នា នៅមុខអាគារដ្ឋសភា បង្ហាញការខឹងសម្បាយ៉ាងខ្លាំង ចំពោះព័ត៌មានលេចឬថា សភាបានចូលរួមក្នុងអំពើពុករលួយនៅពេលដែលបានអនុញ្ញាឲ្យ អ្នកដំណាងរាស្ត្រទាំងអស់ រួចផុតពីការចោទប្រកាន់។ ព័ត៌មានខាងលើ  បានធ្វើឲ្យពលរដ្ឋប្រេស៊ីលខឹងស្បាយ៉ាងខ្លាំង  ក្នុងពេលដែលរដ្ឋាភិបាលកំពុងប្រឈមនិង អំពើពុករលួយបង្ករការផ្ញាក់ផ្អើលជាងពីរឆ្នាំកន្លងមក។

ក្នុងពេលជាមួយគ្នានោះ ពលរដ្ឋរាប់សិបពាន់នាក់បានដង្ហែក្បួនធ្វើបាតុកម្ម​នៅទីក្រុង​ Rio De Janeiro និង​ Sao Paulo។ក្រុមបាតុករភាគច្រើនបាន ស្លៀកពាក់សម្លៀកបំពាក់ពណ៌បៃតងនិងលឿង​ដែលជាពណ៌ទងជាតិរបស់ប្រេស៊ីល ។ ពលរដ្ឋបង្ហាញការគាំទ្រ ដល់សកម្មភាពស្រាវជ្រាវ ទៅលើក្រុមហ៊ុនប្រេងជាតិ​Petrobras ។ និងក្រុមហ៊ុនសាងសង់ជាច្រើនផ្សេងទៀត។

តាមការសន្និដ្ឋានមានពលរដ្ឋប្រមាណ​១៥ពាន់នាក់ធ្វើបាតុកម្មនៅទីក្រុង Sao Paulo ។ ក្រៅពីនេះនៅមានបាតុកម្មនៅទីក្រុងជាច្រើន ទៀតដែលមានបាតុករចូលរួមប្រមាណ ៤០មឺននាក់ ។ បានតុកម្មកើតឡើងក្នុងបរិយាកាស សន្តិភាព។

បច្ចុប្បន្ន អ្នកនយោបាយ ប្រេស៊ីជាង​៥០នាក់ ក្នុងនោះមានតំណាងរាស្ត្រជាច្រើន រួមទាំងអភិបាលរដ្ឋ ស្ថិតនៅក្នុងបញ្ចិស្រាវជ្រាវ ជាប់ពាក់ព័ន្ធនិងការប្រើប្រាស់មូលនិធិ​មានតម្លៃជាង​៤ពាន់លានដុល្លារ ។

ជាមួយគ្នានោះរឿងអាស្រាវរបស់ក្រុមហ៊ុនរដ្ឋ​Petrobras រួមជាមួយវិបត្តិសេដ្ឋកិច្ចជាតិបានធ្វើឲ្យពលរដ្ឋប្រេស៊ីបង្ហាញការខឹងសម្បាយ៉ាងខ្លាំង៕

• ពលរដ្ឋ
• ប្រេស៊ីល
• បាតុកម្ម
• ពុករលួយ