ប្រធានាធិបតីកូរ៉េខាងត្បូងលោកស្រីផាកយ៉ុងហេ បានធ្វើការកែទម្រងគណរដ្ឋមន្ត្រីដោយក្នុងនោះបានផ្លាសប្តូរដំណែនងនាយករដ្ឋមន្ត្រី ឧប្បនាយករដ្ឋមន្ត្រីទទួលបន្ទុកសេដ្ឋកិច្ចនិង រដ្ឋមន្ត្រីទទួលបន្ទុកសន្តិសុខសុវត្ថភាពពលរដ្ឋ។
នៅថ្ងៃទី២ខែវិច្ឆិកា ការិយាល័យវិមានប្រធានាធិបតីកូរ៉េខាងត្បូងបានប្រកាសឲ្យដឹងថាប្រធានាធិបតីផាកយ៉ុងហេ បានធ្វើការរុះរើគណរដ្ឋមន្ត្រី ដោយផ្លាសប្តូរដំណែងនាយករដ្ឋមន្ត្រីផងដែរ។ ការកែទម្រងលើកនេះកើតឡើងចំពេលដែលស្ថានភាពនយោបាយនៅក្នុងប្រទេសធ្លាក់ក្នុងសភាពច្របូកច្របលដោយសារតែមិត្តភក្តិយូឆ្នាំរបស់លោកស្រីប្រធានាធិបតី គឺលោកស្រី Choi Soon Sil ។
នៅក្នុងការកែទម្រងនោះ លោក Kim Byong Joon ត្រូវបានជ្រើសរើសធ្វើជានាយករដ្ឋមន្ត្រីថ្មី។ លោកគីម ធ្លាប់ជាអគ្គលេខាធិការរបស់អតីតប្រធានាធិបតី Roh Moo Hyun ។ ក្រៅពីនេះ លោកYim Jong yong ប្រធានគណកម្មធិការសេវាកម្មហិរញ្ញវត្ថុត្រូវបានតែងតាំងធ្វើជាឧប្បនាយករដ្ឋមន្ត្រី ទទួលបន្ទុកហិរញ្ញវត្ថុ។ ក្រៅពីនេះនៅមានការផ្លាសប្តូរដំណែងជាច្រើនផ្សេងទៀត។
ប្រធានាធិបតីផាកយ៉ុងហេ កំពុងប្រឈមនិងរឿងអាស្រូវ ពីសន្តរកថា និងឯកសាមួយចំនួនទៅឲ្យលោកស្រីChoi ដែលជាមិត្តភក្តិជាង៤០ឆ្នាំត្រួតពិនិត្យ ។ លោកស្រីChoi រងការមន្ទិលសង្ស័យថា បានប្រើប្រាសទំនាក់ទំនងដ៏ល្អនោះជ្រៀតជ្រេកចូលកិច្ចការប្រទេសជាតិ ក្នុងនោះមានបញ្ហាហិរញ្ញវត្ថុ ដែលជាចំណុចរសើបបំផុត ។
លោកស្រីChoi ក៏ត្រូវបានឃាត់ខ្លួនសួរនាំ លើបញ្ហាខាងលើផងដែរ។ ប្រធានាធិបតីផាកយ៉ុងហេ កំពុងតែកាន់ដំណែង ឆ្នាំទី៤ក្នុងមួយអាណ្ណាត្តិ៥ឆ្នាំ។ វិបត្តិនយោបាយខាងលើបានគម្រាមកំហែងដល់ការគែទម្រងនយោបាយក្នុងរយៈពេលចុងក្រោយនេះ។ គណបក្សកាន់អំណាចព្រមទាំងក្រុមប្រឆាំងបានស្នើរឲ្យបង្កើតរដ្ឋាភិបាលជម្រុះ៕