MENU
|
ក្រុមឧទ្ទាមដែលមានទំនាក់ទំនងជាមួយក្រុមអិស្លាមIS បានបើកការវាយប្រហារទៅលើមន្ទីឃុំឃាំងមួយនៅក្នុងប្រទេសហ្វីលីបីនរំដោះអ្នកទោស២៨នាក់ដែលជាបក្សពួករបស់គេ។
សារព័ត៌មានThe Wall Street Journal កាលពីថ្ងៃទី២៨ខែសីហាបានដកស្រងសម្តីមន្ត្រីហ្វីលីពីនបានឲ្យដឹងថា ខ្មាន់កាំភ្លើងជាច្រើនរូបបានបើកការវាយប្រហារទៅលើមន្ទីឃុំឃាំងនៅភាគខាងត្បូងប្រទេសហ្វីលីពីន រំដោះអ្នកទោស២៨នាក់ ដែលជាអ្នកទោសសម្លាប់មនុស្សដ៏គ្រោះថ្នាក់។
ជាក់ស្តែងកាលពីថ្ងៃទី២៧ខែសីហា មានខ្មាន់កាំភ្លើងជាង៥០នាក់ប្រដាប់ដោយអាវុធ មកពីក្រុម Maute មានទំនាក់ទំនងជាមួយក្រុមIS បានវាយប្រហារទៅលើមន្ទីឃុំឃាំង Marawi ស្ថិតនៅក្នុងខេត្តLanao Del Sur លើកោះមីនដាណាវ រំដោះបក្ខពួរបស់ពួគេដែលបានចាប់ខ្លួនកាលពីមួយសប្តាហ៍កន្លងមក។
តាមប្រសាសន៍លោក Agustine Tello ស្នងការប៉ូលិសខេត្ត Lanao Del Sur បានឲ្យដឹងថាអ្នកទោស២៨នាក់បានរត់គេចខ្លួនបាត់ ដោយសារតែការវាយប្រហាររបស់ក្រុម Maute ។ អ្នកទោសដែលបានរំដោះរបស់ក្រុម Maute ត្រូវបានចាប់ខ្លួនកាលពីថ្ងៃទី២២ខែសីហា ក្រោយពេលប៉ូលិសបានរកឃើញគ្រាប់បែកកែឆ្នៃ និងកាំភ្លើងខ្លីនជាច្រើននៅក្នុងរថយន្តដឹងទំនិញដែលបញ្ជារដោយក្រុមខ្មាន់កាំភ្លើងខាងលើ។
គួរបញ្ចាក់ផងដែរថា ក្រុមខ្មានកាំភ្លើង Maute គឺជាក្រុម អិស្លាមជ្រុលនិយមួយក្នុងចំណោមច្រើនក្រុម នៅលើកោះ មីនដាណាវស្ថិតនៅភាគខាងត្បូងហ្វីលីពីន។ ខ្មាន់កាំភ្លើងដែលវាយប្រហាររំដោះអ្នកទោសនោះកាន់ទងជាតិពណ៌ខ្មៅ របស់ក្រុមIS ។
ពាក់ព័ន្ធនិងប្រទេសហ្វីលីពីននោះដែរ ប្រធានាធិបតីRodrigo Duterte បានធ្វើឲ្យពលរដ្ឋទាំងក្នុងនិងក្រៅប្រទេសខឹងសម្បាយ៉ាងខ្លាំង ក្រោយពេលដែលលោកបានប្រកាសថា អ្នកទោសគ្រឿងញៀនមិនម៉ែនជាមនុស្ស។
ចាប់តាំងពីលោកឡើងកាន់តំណែងកាលពីខែឧសភាកន្លងមក យុទ្ធនាការប្រឆំាងជនល្មើសជួញដូរគ្រឿងញៀន បានសម្លាប់មនុស្សជាង២០០០នាក់ ហើយ ដែលជាចំនួនយ៉ាងច្រើនបំផុតមិនធ្លាប់មាននៅលើពិភពលោកពីការប្រឆាំងគ្រឿងញៀន។
ជាមួយនិងការស្លាប់យ៉ាងច្រើននោះបានធ្វើឲ្យក្រុមការពារសិទ្ធិមនុស្សថ្កោលទោសយ៉ាងខ្លាំង ។ អគ្គលេខាធិការអង្គការសហប្រជាជាតិលោកបានគីមូនបានចាត់ទុកសកម្មភាពខាងលើរបស់រដ្ឋាភិបាលហ្វីលីពីនគឺជារឿងខុសច្បាប់ បំពាន់ទៅលើសិទ្ធមនុស្សយ៉ាងធ្ងន់ ដោយសម្លាប់មនុស្សក្រៅប្រព័ន្ធតុលាការ។
ការថ្កោលទោសទៅលើប្រធានាធបតីកាន់តែខ្លាំងឡើង ហើយចោទប្រកាន់លោកថាបានប្រព្រឹតបទឧក្រិត្តប្រឆាំងមនុស្សជាតិ ក្រោយពេលដែល ប្រធានាធិបតីបានប្រកាសថា ក្រុមជួញដូរគ្រឿងញៀនមិនមែនជាមនុស្សឡើយ។
នៅពេលនេះដែរក្រុមការពារសិទ្ធមនុស្សបានបើកការសើមអង្គេតទៅលើសកម្មភាពប្រឆាំងគ្រឿងញៀនរបស់ប្រធានាធិបតីឌូទឺតេ តើបានរំលោភបំពាន់ទៅលើសិទ្ធិមនុស្សយ៉ាងធ្ងន់។ នៅក្នុងសង្គ្រាមប្រឆាំងគ្រឿងញៀននោះបានធ្វើឲ្យជនស្លូតត្រងជាច្រើនក្លាយជាជងរង្គ្រោះនៅក្នុងសង្គ្រាមនោះ។
ជាក់ស្តែង ក្មេងស្រីទើបតែអាយុ៥ឆ្នាំម្នាក់បានស្លាប់នៅក្នុងយុទ្ធនាការបោសសម្អាត់គ្រឿងញៀនរបស់រដ្ឋាភិបាលហ្វ៊ីលីពីនធ្វើឲ្យមានការថ្កោលទោសយ៉ាងខ្លាំងពីគ្រប់មជ្ឈដ្ឋាន ។
កាលពីថ្ងៃទី២៧ ខែសីហា បណ្តាញព័ត៌មានស៊ីអ៊ិនអ៊ិន បានផ្សាយថា តាមរបាយការណ៍ពីអង្គការឃ្លាំមើលសិទ្ធិមនុ្សបានបញ្ជាក់ថា ក្មេងស្រី អាយុ៥ឆ្នាំ មានឈ្មោះថាDanica May Garcia បានស្លាប់ដោយសារតែបុរសពីរនាក់ជិះម៉ូតូហើយបាញ់ចំក្បាលកុមារីនោះ ពេលកំពុងតែញំាអាហារជាមួយគ្រួសារនៅក្នុងភោជនីយដ្ឋាន ។
មន្ត្រីនៅក្នុងខេត្ត Pangasinan បានឲ្យដឹងថា គោលដៅនៃការបាញ់ប្រាហារនៅគឺសម្តីទៅលើជីតារបស់កុមារីខាងលើ ក្រោយពេល ដែលលោកតា ឈ្មោះMaximo Garcia បានចេញសារភាពចំពោះបូលិស ដើម្បីឲ្យប៉ូលិសលុបឈ្មោះចេញពីបញ្ចី អ្នកដែលប្រើប្រាស់គ្រឿងញៀន និងមនុស្សមួយចំនួនទៀត ។
ក្រោយមកលោក ក៏បានវិលត្រឡប់ទៅផ្ទុះវិញ ។ តែទីបំផុត លោកក៏នៅតែរងការបាញ់ប្រហារ ក្រៅពីចៅស្រីស្លាប់ លោកក៏រងរបួសធ្ងន់ដោយត្រូវ៣គ្រាប់ផងដែរ ។ ពេលនេះ លោកកំពុងសម្រាប់ព្យាបាលនៅក្នុងមន្ទីរពេលក្រោមការការពារយ៉ាងតឹងតែងពីប៉ូលិស ។
ស្នងការប៉ូលិសខេត្ត Dagupan លោក Neil Miroបញ្ចាក់ថា «យើងមានសាក្សីអាចកណត់អត្តសញ្ញាណជនដៃដល់បាញ់ប្រហារនោះ » ។ លោកបន្តទៀតថា លោក Maximo Garcia បានចេញសារភាពពីទោះប្រើប្រាស់គ្រឿងញៀន ទាំងនោះហើយយើងមានហេតុផលច្បាស់លាសដើម្បីបញ្ជាក់ថា ការបាញ់ប្រហារនោះពាក់ព័ន្ធនិការជួញដូរគ្រឿងញៀន ។ ប៉ូលិសសង្ស័យថា មេក្លោងជួញដូរគ្រឿងញៀនជាអ្នកនៅពីក្រោយ ។
ប៉ុន្តែបើទោះបី ក្រុមជួញដូរគ្រឿងញៀន ឬក៏ប៉ូលិសជាអ្នកបាញ់សម្លាប់នោះ តែការស្លាប់របស់ក្មេងស្រីអាយុ៥ឆ្នាំគឺជាលទ្ធផលនៃសង្គ្រាមប្រឆាំងការជួញដូរគ្រឿង ញៀនរបស់ប្រធានាធិបតី ឌូទឺទេរ ។