នៅថ្ងៃទី​២៩ខែមករានេះជប៉ុនបានដាក់បង្ហាញយន្តហោះចម្បាំងបំបាំងកាយជាលើកដំបូងដែលផលិតដោយបច្ចេកវិទ្យខ្លួនឯង ហើយយន្តហោះនោះនិងធ្វើការហោះហើរសាកល្បងនៅខែកុម្ភៈខាងមុខ។ក្រសួងការពារជាតិជប៉ុនបានឲ្យដឹងថា​យន្តហោះចម្បាំងបំបាំងកាយផលិតដោយខ្លួនឯងមានឈ្មោះ​X-2 បានដាក់បង្ហាញនៅក្នុងអាកាសយានដ្ឋានទីក្រុង​Komaki ។ យន្តហោះនេះនឹងធ្វើការហោះហើរសាល្បងនៅពាក់កណ្តាលខែកុម្ភៈមុនពេលដាក់ឲ្យប្រើប្រាស់។យន្តហោះចម្បាំងបំបាំងកាយ​X-2 ផលិតឡើយដោយក្រុមហ៊ុន​Mitsubishi Heavy Industries  មានប្រវែង ១៤,២ម៉ែត្រ ទទឹង៩,១មែត្រ ជាយន្តហោះទំនើបបំផុតសម្រាប់ស្នងដំណែងយន្តហោះ​F-2 ដែលផលិតរួមជាមួយអាមេរិក។

បច្ចុប្បន្ន មានតែអាមេរិក រុស្ស៊ីនិងចិនប៉ុណ្ណោះដែលអន្តរជាតិទទួលស្គល់ថាជាប្រទេសទទួលបានជោគជ័យក្នុងការផលិតយន្តហោះចម្បាំងបំបាំងកាយមានមនុស្សបើក។ កាផលិតយន្តហោះខាងលើជប៉ុនត្រូវចំណាយប្រាក់រហូតដល់ទៅ​៣៣២លានដុល្លារ ។

កាលពីខែវិច្ឆិការកន្លងមក យន្តហោះដឹកអ្នកដំណើរដំបូងគេបង្អសដែលផលិតដោយជប៉ុនបានដាក់ឲ្យប្រើប្រាស់ជាលើកដំបូង ផលិតដោយក្រុមហ៊ុន​Mitsubishi Heavy Industries ។ សកម្មភាពខាងលើគឺជាមូលដ្ឋានគ្រឹះក្នុងការផលិតយន្តហោះស៊ីវិលនិងយោធារបស់ជប៉ុននាពេលអានាគត់ ដោយបញ្ចប់ការអាស្រ័យទៅលើយន្តហោះរបស់ក្រុមហ៊ុនអាមេរិក៕

• ជប៉ុន
• យន្តហោះចម្បាំង