កាលពីថ្ងៃទី២៧ខែមករា សិស្សរាប់ពាន់នាក់មកពីសាលារៀន​៦កន្លែងនៅក្នុងប្រទេសបារាំង​និង​១៤កន្លែងនៅក្នុងប្រទេសអង់គ្លេសត្រូវបានបិទទ្វា​ជាបន្ទាន់អនុញ្ញាត្តិឲ្យសិស្សត្រឡប់​ទៅផ្ទះភ្លាមៗ ក្រោយពេលរងការគម្រាំកំហែងវាយប្រហារគ្រាប់បែក។ប៉ូលិសបារាំងបានឲ្យដឹងថា​សាលារៀន​៦កន្លែងដែលមានភាពល្បីល្បាញ នៅទីក្រុងប៉ារីសដូច​ជាសាលារៀន  Charlemagne, Fenelon, Montaigne. Condorcet, Henri​​ IV និង Louis Le Grand សុទ្ធសឹងតែទទួលបានការហៅទូរស័ព្ទពីមនុស្សមិនស្គល់អត្តសញ្ញាណ ដោយបានគម្រមថា​និងមានការវាយប្រហារគ្រាប់បែក ក្នុងអំឡុង​ម៉ោង​១០និង​២០នាទី ដល់ម៉ោង​១១និង​២០ថ្ងៃ​ត្រង។ ភ្លាមៗនោះសិស្សនិស្សិតទាំងអស់ត្រូវបានជម្លៀសទៅកាន់តំបន់មានសុវត្ថភាព។ ស្ថានភាពបានដាក់ក្នុងអាសន្ន​រហូតដល់រសៀល ក្រោយពេលក្រុមអ្នកឯកទេសរកមិនឃើញ​មានគ្រាប់បែកណាមួយត្រូវបានគេដាក់បង្កៃនៅទីនោះ។​ប្រទេសបារាំងកំពុងស្ថិតនៅក្នុងគ្រា​មាន​អាសន្នចាប់តាំងពីក្រុមអិស្លាមបង្កើតរដ្ឋបើកការវាយប្រហារសម្លាប់មនុស្ស​១៣០នាក់នៅកណ្តាលទីក្រុងប៉ារីសកាលពីថ្ងៃទី​១៣ខែវិច្ឆិការឆ្នាំ​២០១៥។

ក្នុងពេលជាមួយគ្នានោះដែរ​មានសាលារៀននៅទីក្រុងឡុង ៤ខ្នង​ត្រូវបិទទ្វា ៦ខ្នង​នៅទីក្រុង ​West Midlands និង ៤ខ្នងស្ថិតនៅ​ Cornwall ត្រូវបិទទ្វាផងដែរក្រោយរងការគម្រាំកំ​ហែងវាយ​ប្រហារគ្រាបបែកដូចនៅ​ក្នុងប្រទេសបារាំង។​ ប៉ូលិសអង់គ្លេសបានជម្លៀសសិស្ស និងស្សិតទំា​ងអស់ទៅកាន់តំបន់មានសុវត្ថភាពចៀសវាងហេតុការអាក្រក់កើតឡើងជាយថាហេតុ។

• អង់គ្លេស
• បារាំង