ឥណ្ឌូនេស៊ី៖ ក្រុមអិស្លាមបង្កើតរដ្ឋ​IS បានបង្កើនវត្តមាននៅក្នុងប្រទេសឥណ្ឌូនេស៊ី​ ដោយមានគោលដៅបង្កើតប្រទេសអិស្លាមថ្មីនៅក្នុងប្រទេសដែលមានសាសនិកអិស្លាមច្រើនបំផុតនៅលើពិភពលោក។ ប្រធានការិយាល័យសន្តិសុខអូស្ត្រាលីបានប្រមានថា ក្រុម IS កំពុងតែគម្រាំកំហែង​ដល់ប្រទេសជាច្រើននៅក្នុងតំបន់អាស៊ី។

ប្រធានការិយាល័យសន្តិសុខប្រទេសអូស្ត្រាលីប្រចាំអាស៊ីលោក​ George Brandis បានបញ្ចាក់ថា «ក្រុម​ ISបានបង្កើន​វត្តមាននៅក្នុងប្រទេសឥណ្ឌូនេស៊ីដែលជាប្រទេសមានពលរដ្ឋកាន់សាសនាអិស្លាមច្រើនបំផុតនៅលើពិភពលោក »។ លោកបន្តទៀតថា ក្រុម​ ISបានគម្រាមកំហែង​ដល់ប្រទេសអូស្ត្រាលី​និងប្រទេសជាច្រើននៅអឺរ៉ុបនិងអាមេរិក។

ការប្រកាសរបស់ប្រធានសន្តិសុខអូស្ត្រាលីកើតឡើងក្រោយពេលដែល ប៉ូលិសឥណ្ឌូនេស៊ីបាន រកចាប់បានជនសង្ស័យ​៩នាក់ និងទងជាតិក្រុម​ ISទៀតផង​ ។ការចាប់ខ្លួនខាងលើកើត​ឡើងមុនការវាយប្រហារនៅកណ្តាលទីក្រុងចាការតា បណ្តាលឲ្យមានអ្នកស្លាប់និងរងរបួសជាច្រើន។ ការវាយប្រហារនោះអាចជាការសងសឹកដល់ប៉ូលិសឥណ្ឌូនេស៊ីដែលបានចាប់ខ្លួនបក្ខពួករបស់ពួគេ៕

• ក្រុមអិស្លាម
• ឥណ្ឌូនេស៊ី