ភ្នំពេញ៖ យោងតាមគេហទំព័ររបស់សម្តេច ហ៊ុន​ សែន​ ផ្ទាល់បានមានប្រសាសន៏ថាៈ មុននេះបន្តិច មិត្តកំសត់កម្ររបស់ខ្ញុំគឺ នាយឧត្តមសេនីយ ញ៉ឹក ហួន បានលាចាកពីក្រុមគ្រួសារ ពីមិត្តភ័ក្តិ ពីខ្ញុំរៀងរហូតហើយ។ រយះពេល៤៦ឆ្នាំដែលយើងស្គាល់គ្នា ពិសេសគ្រាដែលលំបាកបំផុតនាយប់ថ្ងៃទី២០ខែ

មិថុនា ឆ្នាំ១៩៧៧ ពេលដែលយើងចាប់ផ្តើមវាយពួកប៉ុល ពត ។ បងបានប្តូរផ្តាច់ការពារជីវិតខ្ញុំ ដោយសុខចិត្តស្លាប់ខ្លួនឯងក្នុងចំការមីន។

យើងជាប់គុកជាមួយគ្នា ស៊ីអត់ស៊ីឃ្លានជាមួយគ្នា បារីមួយដើមជក់ជាមួយគ្នា។ល។ យើងបានកសាងកងទ័ពជាមួយគ្នាដើម្បីវាយពួក ប៉ុលពត ។ បងមានអាយុច្រើនជាងខ្ញុំ តែបងគោរពខ្ញុំ ពេលខ្ញុំមិនស្រួលខ្លួនបងចាប់ខ្ញុំកោសខ្យល់ប្រៀបដូចបងថែទាំប្អូន។ ពេលលំបាកយើងយំទាំងអស់គ្នា តែពេលនេះបងលែងបានយំទៀតហើយនៅឡើយតែខ្ញុំត្រូវបន្តយំស្តាយស្រណោះ​

បង។

សូមជូនដំណើរបងត្រឹមនេះ តែបងនៅតែស្ថិតក្នុងបេះដូងខ្ញុំរហូតខ្ញុំអស់ជីវិត៕

• នាយឧត្តមសេនីយ៏ ញ៉ឹក ហួន
• មរណៈភាព