កណ្តាលៈ​​ កាលពីវេលាម៉ោង១​និង​៣៥​នាទីថ្ងៃទី​១៦ ខែ មករា​ ចំណុចគីឡូម៉ែត្រលេខ៤១-៤២ ស្ថិតក្នុងភូមិ ស្ទឹងឃុំសំរោងធំ ស្រុកកៀនស្វាយ ខេត្តកណ្តាល។ ដែលបង្ករឡើងដោរថយន្តនិងម៉ូតូ បណ្ដាលឲ្យស្លាប់មនុស្ស០២នាក់ប្រុសម្នាក់ និង​ ស្រ្តី​ម្នាក់​ ព្រមទាំងខូចខាតម៉ូតូ០១គ្រឿងទាំងស្រុង និងរថយន្ត០១គ្រឿង។ 

នៅថ្ងៃម៉ោងកើតហេតុខាងលើ រថយន្តម៉ាក Hiyunday ពណ៌សពាក់ផ្លាកលេខ ព្រៃវែង 3A-0144 បើកបរដោយឈ្មោះមិនស្គាល់(គេចខ្លួន)បើកបរក្នុងទិសដៅពីអ្នកលឿងទៅ ភ្នំពេញ មកដល់ចំណុចកើតហេតុ បានបុកលើម៉ូតូម៉ាកC125 ពណ៌ខ្មៅ ពាក់ផ្លាកលេខ កណ្ដាល1Q-6645បើកបរដោយឈ្មោះកង សុខ ភេទប្រុស អាយុប្រហែល ៤៦ឆ្នាំមានទីលំនៅក្នុងភូមិ​សំរោងក្អែរ ឃុំសំរោងធំ ស្រុកកៀនស្វាយ មុខរបរ រត់ម៉ូតូឌុបនៅផ្សារសំរោងធំ។ មុនកើតហេតុជនរងគ្រោះបានឌុបអ្នកដំណើរចេញ​ពីផ្សារសំរោងធំមា្នក់ឈ្មោះ ឃុត សុផល ភេទស្រីអាយុប្រហែល ៤៤ឆ្នាំ នៅភូមិបន្លិច ឃុំមានជ័យ ស្រុកពាមរ៌(ព្រៃវែង) មកដល់ចំណុច កើតហេតុបាន បើកម៉ូតូវ៉ារថយន្ត១គ្រឿងក្នុងទិសដៅស្របពីភ្នំពេញទៅអ្នកលឿងដែរ រួចហើយក៏ជ្រុល​ចង្កូតមកបុកនឹងរថយន្តនៅខាងស្ដាំដៃ បណ្ដាលឲ្យស្លាប់ទាំង០២នាក់ នៅកន្លែងកើតហេតុ។

ក្រោយកើតហេតុសមត្ថកិច្ចប៉ុស្ដិ៍ជំនាញ ចុះដល់កន្លែងកើតហេតុ​ បន្តនីតិវិធីស្រាវជ្រាវរកអ្នកបើកបរ និងធ្វើការប្រគល់សពដល់ក្រុមគ្រួសារយកទៅធ្វើបុណ្យតាមប្រពៃណី ចំណែកមធ្យោ​បាយទាំង០២គ្រឿង ត្រូវបានសមត្ថកិច្ចយកទៅរក្សាទុកនៅអធិការដ្ឋាននគរបាលស្រុក កៀនស្វាយ ដើម្បីចាត់ការតាមនីតិវិធី។\

• គ្រោះថ្នាក់ចរាចរណ៏
• ស្រុកកៀនស្វាយ