ក្រុមអិស្លាមបង្កើតរដ្ឋ​IS បានចេញមុខទទួលខុសត្រូវពីការវាយប្រហារបង្ហូរឈាមនៅក្នុងប្រទេសស​ឥណ្ឌូសេនស៊ី។ ចំណែកប៉ូលិសឥណ្ឌូនេស៊ីបានបញ្ចាក់ថា ប្រាកដជាក្រុមអិស្លាមបង្កើតរដ្ឋជាអ្នកវាយប្រហារ។​​​​​ ​​​​រូបភាពដែលប៉ូលិសឥណ្ឌូនេស៊ីទទួលបាន បង្ហាញឲ្យឃើញថា​ បុរសម្នាក់​ស្លៀកឈុតខ្មៅ ពាក់មួក ដៃកាន់កាំភ្លើង ដើរនៅតំបន់​Jalan MH Thamrin ជិតទីផ្សាទំនើប​Sarinah កាលពីថ្ងៃទី​១៤ខែមករា។ រូបភាពមូយទៀតបង្ហាញឲ្យឃើញថា បុរសខាងលើបានតម្រង់កាំភ្លើងសម្តៅទៅ​ហ្វូងមនុស្ស។

សារព័ត៌មានរ៉យទ័របានផ្សាយថា តាមព័ត៌មានដែលគាំទ្រ​ក្រុម​IS បានផ្សាយព័ត៌មានពីការប្រកាសទទួលខុសត្រូវរបស់ក្រុម​IS ពីការវាយប្រហារនៅទីក្រុង ចាការតា។ សារព័ត៌មាន​Aamaaq ផ្សាយថា «ក្រុមទាហាន​IS បានបើកការវាយប្រហារសម្តៅទៅលើក្រុមបរទេសនិងកម្លាំងសន្តិសុខការពាររដ្ឋធានីរបស់ឥណ្ឌូនេស៊ី»។

អ្នកនាំពាក្យកម្លាំងប៉ូលិសឥណ្ឌូនេស៊ីលោក​ Anton Charliyan បានប្រកាសថា ក្រុម​IS បានប្រ​មានពីការវាយប្រហារមួយនៅក្នុងប្រទេសនេះធ្វើឲ្យគគ្រើកពិភពលោក។ លោកបន្តទៀតថា​ក្រុម​អិស្លាមបានឡើងគម្រោងយ៉ាងយូក្នុងការវាយប្រហារខាងលើ។

ចំណែកសារព័ត៌មាន​CNN បានដកស្រងការប្រកាសរបស់ក្រសួងមហាផ្ទៃឥណ្ឌូនេស៊ីបញ្ចាក់ថា ប៉ូលិសបានចាប់ខ្លួនមនុស្ស​៧នាក់ជាប់សង្ស័យពាក់ព័ន្ធការវាយប្រហារខាងលើ។ មនុស្ស​ទាំង​៧នាក់ស្លាប់នៅក្នុងការវាយប្រហារនោះ មាន ជនជាតិកាណាដាម្នាក់ ជនជាតិឥណ្ឌូនេស៊ីម្នាក់ និង៥នាក់ផ្សេងទៀត ។ ក្រៅពីនេះនៅមានមនុស្ស​១៥នាក់រងរបួសកក្នុងនោះមានប៉ូលិស​៥នាក់ផងដែរ។

• ឥណ្ឌូនេស៊ី
• អ៊ីស្លាម
• ISIS