រាជធានីភ្នំពេញ៖   នគរបាលព្រហ្មទណ្ឌកំរិតធ្ងន់ក្រសួងមហាផ្ធៃ កាលពីព្រឹកថ្ងៃទី ០៥ មេសា ឆ្នាំ ២០១៧ បានបង្ហាញមុខបុរសនិងស្ត្រីជនជាតិចិន២នាក់ប្ដីប្រពន្ធដែលបានយកមាសក្លែងក្លាយ៣០ដុំនិងតាកំប៉ោង១មកលក់នៅផ្សារស៊ីធីម៉ល។ជនសង្ស័យដែលសមត្ថកិច្ចឃាត់ខ្លួនមាន១.ឈ្មោះ ZHANG JAI SHEN ភេទប្រុស អាយុ ៤៦ឆ្នាំ ។ ២ . ZHONG XIV LONG ភេទស្រី អាយុ ៤១ឆ្នាំ ជនជាតិចិន ។

លោកវរៈសេនីយឯក ជាវ វិបុល នាយកការិយាល័យនគរបាលព្រហ្មទណ្ឌកំរិតធ្ងន់ក្រសួងមហាផ្ធៃបានឲ្យដឹងថា កាលពីរសៀលថ្ងៃទី ០៤ មេសា ឆ្នាំ ២០១៧ វេលាម៉ោង ១៦និង៣០នាទី នៅក្នុងផ្សារសុីធីម៉ល ឈ្មោះ  ZHANG JAI SHEN ភេទប្រុស អាយុ ៤៦ឆ្នាំ និងឈ្មោះ ZHONG XIV LONG ភេទស្រី អាយុ ៤១ឆ្នាំ ជនជាតិចិន បានយកដុំមាសក្លែងក្លាយចំនួន៣០ដុំនិងរូបសំណាកតាកំប៉ោងពណ៌មាស១មកលក់ឲ្យ ឈ្មោះ ឈុន ថៃសាន ភេទប្រុស អាយុ ៥៧ឆ្នាំ ជនជាតិខ្មែរ ជាអាជីវករ ។

ក្រោយពីពិនិត្យឃើញដុំមាសទាំងនេះថាជារបស់ក្លែងក្លាយ លោក ឈុន ថៃសាន បានរាយការណ៍ទៅសមត្ថកិច្ចនគរបាលនាយកដ្ឋានព្រហ្មទ័ណ្ឌក្រសួងមហាផ្ទៃ ហើយសមត្ថកិច្ចបានសុំគោលការណ៍ ពីលោក ហ៊ឹង ប៊ុនថន ព្រះរាជអាជ្ញារងអមសាលាដំបូងរាជធានីភ្នំពេញដើម្បីធ្វើការនាំខ្លួនជនសង្ស័យទាំង២នាក់យកទៅក្រសួងមហាផ្ទៃ ដើម្បីធ្វើការសាកសួរនិងស៊ើបអង្កេតបឋមសិន ។

ក្នុងប្រតិបត្តិការនេះសមត្ថកិច្ចបានរឹបអូសយកដុំមាសក្លែងក្លាយទាំង៣០ដុំនិងរូបសំណាកតាកំប៉ោងពណ៌មាសទុជាវត្ថុតាងដើម្បីបញ្ជូនឡើងតុលាការ ៕

• នគរបាល
• ជនជាតិចិន
• ស៊ីធីម៉ល