អគ្គលេខាធិការអង្គការណាតូបានបញ្ចាក់ថា ណាតូនឹងពិភាក្សា ស្តីពី កិច្ចពិភាក្សាជាផ្លូវការជាមួយរុស្ស៊ីស្តីពីវិបត្តិនៅក្នុងប្រទេសអ៊ុយក្រែន។ ណាតូនិងរុស្ស៊ី​បានផ្អាកកិច្ចពិភាក្សាតាំងពីឆ្នាំ​២០១៤ ក្រោយពេលវិបត្តិនៅក្នុងប្រទេសអ៊ុយក្រែនកាន់តែខ្លាំងឡើងបន្ទាប់ពីរុស្ស៊ីលូកដៃចូល។

អគ្គលេខាធិការអង្គការណាតូ លោក​ Jens Stoltenberg មានប្រសាសន៍នៅក្នុងកិច្ចប្រជុំស្តីអំពីសេដ្ឋកិច្ចពិភពលោក ធ្វើឡើងនៅទីក្រុង Davos ប្រទេសស្វិស ថា«យើងចាំបាច់ត្រូវតែជម្រុញឲ្យមានកិច្ចពិភាក្សារវាងណាតូ និងរុស្ស៊ី ក្នុងការស្វែងរកដំណោះស្រាយបញ្ចប់វិបត្តិ។

តាមប្រសាសន៍របស់លោក ណាតូនិងទីក្រុងមូស្កូ ចាំបាច់ត្រូវតែនិយាយគ្នាត្រង់ៗទៅវិញទៅមក ចៀសវាងការយល់ច្រឡំ បង្ករឲ្យមានគ្រោះថ្នាក់ដូចករណីយន្តហោះចម្បាំងរុស្ស៊ីរងការវាយប្រហារពីប្រទេសទួគីជាដើមដែលជាសមាជិករបស់ណាតូផងដែរ។នៅពេលនេះមិនទាន់មានការសម្រេចស្តីអំពីកិច្ចពិភាក្សាជាមួយរុស្ស៊ីនៅឡើយទេ។ លោក Jens Stoltenberg មិនបានផ្តល់ព័ត៌មានលំម្អិតជុំវិញគោលបំណងចង់ពិភាក្សាជាមួយរុស្ស៊ីនោះដែរ។

 សម្ព័ន្ធមិត្តយោធាណាតូក្រោយការដឹកនាំរបស់អាមេរិក បានផ្អាក់រាល់សកម្មភាពទំនាក់ទំនងជាមួយរុស្ស៊ី ក្រោយពេលដែល ទីក្រុងមូស្កូដាក់បញ្ចូនតំបន់គ្រីមៀស្ថិតក្នុងការគ្រប់គ្រងរបស់រុស្ស៊ី​កាលពីឆ្នាំ​២០១៤ ។ ណាតូមានសមាជិកសរុប​២៨ប្រទេស ដោយមានរដ្ឋធម្មនុញ្ញ ការពារគ្នាទៅវិញទៅមកគិចផុតពីការគម្រាមកំហែងរបស់សត្រូវ។ ប្រទេសជាសមាជិកណាតូអាចបញ្ចូនកម្លាំងយោធាទៅជួយដល់ប្រទេសដែលមានសង្គ្រាមវាយប្រហារពីខាងក្រៅ៕

• ណាតូ
• រុស្ស៊ី