រាជធានីភ្នំពេញ ៖ មុខសញ្ញាចែកចាយគ្រឿងញៀនប្រុសស្រីយ៉ាងសកម្ម ២នាក់ រួមជាមួយថ្នាំញៀន ០៤កញ្ចប់តូចធំ ត្រូវបានកម្លាំងសមត្ថកិច្ចប៉ុស្តិ៍រដ្ឋបាលនគរបាលវាលស្បូវ សហការជាមួយកម្លាំងនគរបាល នៃអធិការដ្ឋានខណ្ឌច្បារអំពៅ បានធ្វើការចុះបង្ក្រាបជាក់ស្តែងនៅចំណុចផ្ទះសំណាក់ស្វីុតធី ( បន្ទប់លេខ៦០៤ ) ស្ថិតតាមបណ្តោយផ្លូវជាតិលេខ១ ក្នុងភូមិវាលស្បូវ សង្កាត់វាលស្បូវ ខណ្ឌច្បារអំពៅ កាលពីវេលាម៉ោង២១ និង ២០នាទីយប់ថ្ងៃទី២៣ ខែឧសភា ឆ្នាំ២០១៦ ។

ជនសង្ស័យទាំង២នាក់ទី១មានឈ្មោះមឿន ធារ៉ា ភេទប្រុស អាយុ២១ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅភូមិជ្រោយអំពិល សង្កាត់ក្បាលកោះ ខណ្ឌច្បារអំពៅ  និងម្នាក់ទៀតមានឈ្មោះសៅ កញ្ជណា ភេទស្រី អាយុ១៩ឆ្នាំ ជនជាតិខ្មែរ មុខរបរនៅផ្ទះ ស្នាក់នៅភូមិស្វាយតាអុក១ សង្កាត់វាលស្បូវ ខណ្ឌ ច្បារអំពៅ ។ ក្នុងការចាប់ខ្លួនជនសង្ស័យទាំង២នាក់ សមត្ថកិច្ចដកហូតបាន ម្សៅក្រាមសថ្លា ហៅម៉ាទឹកកក ០៤កញ្ចប់ ( ០១កញ្ចប់ថង់ធំល្មម និង០៣កញ្ចប់ថង់តូច ) ទូរសព្ទ័០៣គ្រឿង ម៉ូតូ០២គ្រឿង ម៉ាកលែតពណ៍ខ្មៅ ពាក់ស្លាក លេខ 1DD - 4136 និងមួយគ្រឿងទៀតម៉ាកវីវ៉ាពណ៍ខ្មៅ ពាក់ស្លាក លេខ 1X - 5394 ។

បច្ចុប្បន្នជនសង្ស័យ នឹងវត្ថុតាងត្រូវបានបញ្ចូនទៅកាន់  អធិការដ្ឋាននគរខណ្ឌច្បារអំពៅ ដើម្បីសាកសួរនាំបន្ថែម និងធ្វើកសាងសំណុំរឿងបញ្ចូនទៅតុលាការចាត់ការតាមផ្លូវច្បាប់ ៕

• ថ្នាំញៀន
• សង្កាត់វាលស្បូវ