អ៊ីរ៉ាក់៖ យ៉ាងហោចណាស់មនុស្សជាង៦៤នាក់ ត្រូវបានសម្លាប់ នៅពេលដែលគ្រាប់បែកមួយគ្រាប់បានផ្ទុះឡើងនៅក្នងផ្សារមួយនៃទីក្រុងបាដាដ នេះបើតាមការមន្ត្រីប៉ូលីសអីរ៉ាក់។
ក្រៅពីនេះក៏មានមនុស្ស ៨៧នាក់ផ្សេងទៀតបានរងរបួសធ្ងន់ស្រាល នៅក្នុងការវាយប្រហារនោះ។
រូបភាពជាច្រើននៃការផ្ទុះនោះ បានបង្ហាញមនុស្សជាច្រើន បានមកប្រមូលផ្តុំគ្នាយ៉ាងច្របូកច្របល់ក្បែរទីតាំងកើតហេតុ។
ឈាមហូរពាសពេញផ្លូវ រថយន្តរងការខូចខាតយ៉ាងដំណំ និងផ្លូវដើរត្រូវបានឆេះរោលទាំងស្រុង។
ក្រុម ISIS បានអះអាងទទួលស្គាល់ការវាយប្រហារនោះ តាមរយៈលិខិតមួយដែលបានបង្ហោះលើបណ្តាញង្គម ដោយបាននិយាយថា ពួគគេបានដាក់គោលដៅលើក្រុមទាហ៊ាន Shiite ។ ប៉ូលីសបាននិយាយថា គ្រាប់នោះត្រូវបានគេដាក់នៅក្រោមរថយន្តដែលចតទុកចោលមួយគ្រឿង៕
ប្រែសម្រួលដោយ៖ សិរីវុធ