មានករណីផ្ទុះគ្រាប់បែកនៅខាងក្រៅហាងលក់ទំនិញ​ស្ថិតនៅក្នុងខេត្ត ប៉ាតានី ប្រទេសថៃបណ្តាលឲ្យមនុស្សម្នាក់ស្លាប់និង​១៨នាក់រងរបួស។ ហេតុការផ្ទុះខាងលើកើតឡើងក្នុងពេលដែលពលរដ្ឋថៃកំពុងតែកាន់ទុក្ខ​ ការចូលទីវង្គត់របស់ព្រះមហាក្សត្រភូមិបុល

ហេតុការខាងលើកើតឡើងនៅវេលាម៉ោង​១៩ ថ្ងៃទី​២៤ខែតុលា  បណ្តាលឲ្យស្ត្រីម្នាក់ស្លាប់ និង ១៨នាក់រងរបួស ។ លោក​ Yutthakarn Chitmanee ​មន្ត្រីប៉ូលិសនៅស្រុក Muang Pattani បានឲ្យដឹងថា​ តាមសាក្សីនៅកន្លែងកើតហេតុ  មានមនុស្សជាច្រើនរងរបួសធ្ងន់ស្ថិតក្នុងសភាពគ្រោះថ្នាក់។

លោក​Pakpoom Jantarangsee មន្រ្តីប៉ូលិសស្រាវជ្រាវបានឲ្យដឹងថា «យើងកំពុងតែបើកការស្រាវជ្រាវពីមូលហេតុឲ្យបានច្បាស់លាស។

ហេតុការខាងលើកើតឡើងចំពេលខួបគម្រប់​១២ឆ្នាំនៃព្រិត្តិការ​Tak Bai កាលពីឆ្នាំ​២០០៤ ដែលមានអ្នកស្លាប់​៨៥នាក់ជាជនជាតិអិស្លាម ដោយត្រូវទាហានចាប់ដាក់រថយន្ត ប្រជ្រោតគ្នាថប់ដង្ហើមស្លាប់ទាំងអស់។

ហេតុការវាយប្រហារខាងលើកើតឡើងក្រោយរយៈពេល​ពីរខែ​ដែលមានការវាយប្រហារនៅតំបន់ទេសចរណ៍ ស្ថិតនៅភាគខាងត្បូងប្រទេសថៃ សម្លាប់មនុស្ស​៤នាក់ និងរាប់សិបនាក់ផ្សេងទៀតរងរបួស ក្នុងនោះមានជនបរទេសផងដែរ។
មកទលពេលនេះមានអ្នកស្លាប់​៦៥០០នាក់នៅក្នុងការបះបោរស្ថិតនៅខេត្តចំនួន​៣ភាគខាងត្បូងប្រទេសថៃ ក្នុងរយៈពេល​១២ឆ្នាំមកនេះ​ក្នុងនោះមានខេត្ត ប៉ាតានី យ៉ាឡា​និងណារ៉ាធិវាត។តំបន់នោះស្ថិតនៅជាប់ព្រំដែនប្រទេសម៉ាឡេស៊ី។

• ផ្ទុះគ្រាប់បែក
• ផ្សារាត្រី