|
 |
MENU
|
|
|
|
MENU
|
ខេត្តព្រះវិហារ៖ នៅព្រឹកថ្ងៃទី១៩ខែមេសាឆ្នាំ២០១៦នេះសម្តេចតេជោហ៊ុនសែន នាយករដ្ឋមន្រ្តី នៃព្រះរាជាណាចក្រកម្ពុជាបានអញ្ជើញជាអធិបតីភាពក្នុងពិធីសម្ភោធ ដាក់ឲ្យដំណើរការរោងចក្រផលិតស្កសរ របស់ក្រុមហ៊ុន រ៉ូយ ហ្វេង អភិវឌ្ឍដំណាំអំពៅផលិតស្ករស នៅលើទឹកដីខេត្តព្រះវិហារដែលមានទីតាំងស្ថិតក្នុងភូមិពោធិ៍ទាប ឃុំម្លូរព្រៃ ស្រុកឆែប ខេត្តព្រះវិហារ។
អាជ្ញាធរបាននិយាយថារោងចក្រននេះជារោងចក្រធំកម្រិតលើពិភពលោក ដែលក្នុងមួយថ្ងៃក្រុមហ៊ុនត្រូវការអំពៅចូលក្នុងរោងចក្រ ចំនួន២ម៉ឺនតោន ដើម្បីធ្វើការកិន នឹងចម្រាញ់យកស្ករស ហើយក្នុងមួយថ្ងៃ អាចទទួលបានស្ករស រហូតដល់ជាង១ពាន់តោនផងដែរ ។
គួរបញ្ជាក់ថា ការអភិវឌ្ឍដំណាំអំពៅរបស់ក្រុមហ៊ុនខាងលើ ចាប់តាំងពីឆ្នាំ២០១២មកម្ល៉េះ ដោយចំណាយទុនវិនិយោគសរុបប្រមាណជា ១០០០លានដុល្លារអាមេរិក រីឯការសាងសង់រោងចក្រផលិតស្ករស បានធ្វើការសាងសង់ តាំងពីខែមិថុនា ឆ្នាំ២០១៤ រហូតមកដល់ពេលនេះ នឹងគ្រោងសម្ភោធដាក់ឲ្យដំណើរការ នៅព្រឹក នេះ ដោយវត្តមានដ៏ខ្ពង់ខ្ពស់របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ។
រោងចក្រុផលិតស្ករតម្លៃ៣៦០លានដុល្លារនៅខេត្តព្រះវិហារនឹងបើកសម្ភោធនៅព្រឹកថ្ងៃទី១៩ ខែមេសា ឆ្នាំ២០១៦នេះដោយសម្តេច ហ៊ុន សែន នាយករដ្ឋមន្រ្តីនៃកម្ពុជា។បើតាមឯកឧត្តមចម ប្រសិទ្ឋិ រដ្ឋមន្ដ្រីឧស្សាហ៍កម្មនិងសិប្បកម្មត្រូវបានដកស្រង់សំដីឯកឧត្តមអោយដឹងកន្លងមកថាគម្រោងវិនិយោគទាំងមូលមានទឹកប្រាក់១០០០លានដុល្លារអាមេរិចក្នុងទាំងដីនិងរោងចក្រនិងការដាំដុះអំពៅ។ក្រុមហ៊ុនចិនRui Feng (Cambodia) International Co Ltdជាអ្នកម្ចាស់វិនិយោគលើគម្រោងនេះបានអោយដឹងថាខ្លួននឹងផលិតស្ករសប្រហែល២ម៉ឺនតោនក្នុងមួយថ្ងៃ៕
