ខេត្តកណ្ដាល ៖ ជនសង្ស័យពាក់ព័ន្ធគ្រឿងញៀន២នាក់ ត្រូវបានឃាត់ខ្លួន និង៣នាក់ទៀតបានរត់គេចខ្លួនបានកាលពីវេលាម៉ោង១៦និង២៥នាទី ថ្ងៃ១៧ ខែមករា ឆ្នាំ២០១៦ នៅចំណុចស្ថិតក្នុងភូមិព្រែកយាយហាយ ឃុំព្រែកថ្មី ស្រុកកោះធំ ខេត្តកណ្តាល ។ជនសង្ស័យដែលឃាត់ខ្លួន១.ឈ្មោះ ប្រាំង ភារៈ ភេទ ប្រុស អាយុ ២៧ ឆ្នាំ ជនជាតិ ខ្មែរ មុខរបរ កម្មកររោង ចក្រកាត់ដេរ រស់នៅក្នុង ភូមិកំពង់សំបួរលើ ឃុំព្រែកថ្មី ស្រុកកោះធំ ខេត្តកណ្តាល។ ២.ឈ្មោះ ឆុំ ស្រីមួយ ភេទ ស្រី អាយុ ២៨ ឆ្នាំ ជនជាតិ ខ្មែរ មុខរបរ មិនពិប្រាកដ រស់នៅក្នុង ភូមិត្រពាំងក្រឡាញ់ ឃុំអូរសារាយ ស្រុកត្រាំកក់ ខេត្តតាកែវ។ ចំណែកជនសង្ស័យរត់គេចខ្លួនបាត់ទី១.ឈ្មោះ ស្រ៊ី គុណ ភេទ ប្រុស អាយុ ៣៤ ឆ្នាំ ជនជាតិ ខ្មែរ មុខរបរ ពិតប្រាកដ រស់នៅក្នុង ភូមិព្រែកយាយហាយ ឃុំព្រែកថ្មី ស្រុកកោះធំ ខេត្តកណ្តាល។ ជនសង្ស័យ ០២ នាក់ ទៀតមិនស្គាល់អត្តសញ្ញាណ ។វត្ថុតាងចាប់បាន ៖ -ម្សៅក្រាមពណ៌សថ្លា(ម៉ាទឹកកក)២៨ កញ្ចប់ (ធំ ០១ និង តូច ២៧ កញ្ចប់) -ជញ្ជីងថ្លឹងថ្នាំញៀន ០១ -ទូរស័ព្ទចល័ត ០១ គ្រឿង -កាបូបយួរដៃចំនួន ០១ -សម្ភារៈសំរាប់ជក់គ្រឿងញៀន និង សំរាប់វេចខ្ចប់ចែកចាយមួយចំនួន ។

បច្ចុប្បន្នជនសង្ស័យទាំង ០២ នាក់នេះត្រូវបានមន្ត្រីនគរបាលយុត្តិធម៌នៃអធិការដ្ឋានកំពុងបន្តចាត់ការតាមនីតិវិធីច្បាប់៕

• ជនសង្ស័
• ថ្នាំញៀន