|
 |
MENU
|
|
|
|
MENU
|
ភ្នាក់ងារសារព័ត៌មានស៊ិនហ៊ួរបស់ចិនបានអះអាងថា បច្ចុប្បន្ននេះ ក្លឹបបាល់ទាត់ចិន Guangzhou Evergrande គឺជាក្លឹបដែលមានតម្លៃថ្លៃជាងគេលើពិភពលោក តាមរយៈការជួញដូរភាគហ៊ុនក្នុងទីផ្សារភាគហ៊ុនរបស់ចិន។
ក្រោយពីបានចុះបញ្ជីនៅលើផ្សារភាគហ៊ុនចិន (NEEQ) កាលពីខែវិច្ឆិកា ការជួញដូរភាគហ៊ុនដំបូងត្រូវបានបញ្ចប់កាលពីថ្ងៃអង្គារ ដែលមានទឹកប្រាក់សរុប ៣.៣៥ ពាន់លានដុល្លា។
កាលពីឆ្នាំ ២០១៥ ទស្សនាវដ្តី Forbes បានដាក់ឈ្មោះអោយក្លឹប Real Madrid ជាក្លឹបបាល់ទាត់ដែលមានតម្លៃថ្លៃជាងគេលើពិភពលោក ដែលមានតម្លៃ ៣.២៦ ពាន់លានដុល្លា ខណៈក្លឹប Barcelona ឈរក្នុងលំដាប់ទីបួនមានតម្លៃ ៣.១៦ ពាន់លានដុល្លា និងក្លឹប Manchester United ឈរក្នុងលំដាប់ទី៥ ដែលមានតម្លៃ ៣.១ ពាន់លានដុល្លា។
ភ្នាក់ងារសារព័ត៌មានស៊ិនហ៊ួបានអះអាងថា៖
ភាគហ៊ុនរបស់ក្លឹប Evergrande មានតម្លៃ ៥៥យ័ន ឬ ៨.៥ដុល្លា ក្នុង១ភាគហ៊ុន ដែលបានលក់អស់ ៣៥,០០០ ភាគហ៊ុន ស្មើរនឹង ១.៩៨ លានយ័ន ឬ ៣សែនដុល្លា ក្នុងការដាក់អោយជួញដូរលើកដំបូង ក្រោយពីបានចុះបញ្ជីភាគហ៊ុននៅខែវិច្ឆិកា ២០១៥ ក្នុងផ្សារភាគហ៊ុនចិន NEEQ ។ ក្នុងតម្លៃនេះ តម្លៃទីផ្សារភាគហ៊ុនរបស់ក្លឹប Evergrande មានតម្លៃ ២១.៨ ពាន់លានយ័ន ឬ ៣.៣៥ ពាន់លានដុល្លា ដែលមានភាគហ៊ុនសរុបចំនួន ៣៩៦.៧៣ លាន ភាគហ៊ុន។
គួរបញ្ជាក់ថា នៅដើមខែកុម្ភៈនេះ ក្លឹប Evergrande ដែលជាជើងឯកក្នុងលីគកំពូលរបស់ចិន និងជាជើងឯកពាន AFC Champions League ប្រចាំឆ្នាំ ២០១៥ បានទិញកីឡាករ Jackson Martinez ពីក្លឹប Atletico Madrid ក្នុងតម្លៃខ្លួន ៤២លានអ៊ឺរ៉ូ។
ប្រែសម្រួលដោយ៖ សិរីវុធ
ប្រភព៖ goal.com
