រាជធានីភ្នំពេញ៖  នៅព្រឹកថ្ងៃទី២៣ខែឧសភាឆ្នាំ២០១៧ចៅក្រមសើុបសួរសាលាដំបូងរាជធានីភ្នំពេញបានសម្រេចចេញដីកាឃុំ ខ្លួនបណ្តោះអាសន្នទៅលើមេក្លោងគ្រឿងញៀនពីនាក់ក្រោមការចោទប្រកាន់ពីបទៈ រក្សាទុកនឹងជួញដូរដោយខុសច្បាប់នូវសារធាតុញៀន។

កាលពីព្រឹកថ្ងៃទី២២ខែឧសភា កម្លាំងមន្ទីរប្រឆាំងគ្រឿងញៀនក្រសួងមហាផ្ទៃបានបញ្ជូនខ្លួន ជនសង្ស័យមេក្លោងម្នាក់ និងអ្នកដឹកជញ្ជូនគ្រឿងញៀនមកពីប្រទេសឡាវម្នាក់ទៅសាលាដំបូងរាជធានីភ្នំពេញ។

ជសង្ស័យម្នាក់ឈ្មោះ ស៊ី ឡាឡយ មុខងារជាឧកញ៉ាម្នាក់នៅខេត្តរតនគិរី(មេក្លោង) ជាអ្នកទទួលដុំមកពីក្រៅប្រទេស និងជាអ្នកលក់និងចែកចាយនៅក្នុងស្រុក និងម្នាក់ឈ្មោះ លូន សុផា ជាអ្នកទទួលបញ្ជារពីមេក្លោង យកថ្នាំញៀនមកស្តុកទុកនិងយកទៅប្រគល់ឲ្យអ្នកទិញ(ស៊ីឡាឡយ)ជាមេខ្លោង ។ ថ្នាំញៀនដែលសមត្តកិច្ចចាប់យករួមមាន៣ប្រភេទ ១.ហេរ៉ូអុីន ២.ម៉េតំហ្វេតាម៉ីនICE និង៣.ម៉េតំហ្វេតាម៉ីនគ្រាប់ WY ។

ក្នុងនោះមានថ្នាំញៀនប្រភេទហេរ៉ូអ៊ីនចំនួន១៥គីឡូក្រាម ថ្នាំញៀនប្រភេទមេតំហ្វេតាម៉ីនចំនួន១២គីឡូក្រាម និងថ្នាំញៀនប្រភេទមេតំហ្វេតាម៉ីនគ្រាប់ចំនួន២៩គីឡូក្រាម ។ បើតាមប្រភពព័ត៌មានបានបង្ហើបឲ្យដឹងថា ថ្នាំញៀនដែលសមត្តកិច្ចចាប់បានជាង៥៦គីឡូក្រាមនោះគិតជាទឹកប្រាក់ប្រមាណជាង១លានដុល្លារអាមេរិក ៕

• ចៅក្រម
• គ្រឿងញៀន
• គុកព្រៃស
• ពាក់ព័ន្ធ