រដ្ឋាភិបាលជប៉ុនបានបញ្ចាក់ថា ពលរដ្ឋជប៉ុន៦នាក់ត្រូវបានចិនចាប់ខ្លួនដោយចោទប្រកាន់ធ្វើសកម្មភាពខុសច្បាប់ចារកិច្ច ។ ពលរដ្ឋជប៉ុនដែលត្រូវចិនចាប់ខ្លួនកើនឡើងដល់១១នាក់ហើយចាប់តាំងពីឆ្នាំ២០១៥មកទលពេលនេះ។
ប្រធានការិយាល័យ នាយករដ្ឋមន្ត្រីជប៉ុន លោក Yoshihide suga កាលពីថ្ងៃទី ២២ខែឧសផា បានឲ្យដឹងថា ជនជាតិជប៉ុន៦នាក់ ខាងលើ ត្រូវបានចិនចាប់ខ្លួនតាំងពី ខែមីនាមកម៉្លោះនៅខេត្ត សឺងដុង និងហៃណាន ។
លោក Suga បញ្ចាក់ទៀតថា «យើងខ្ញុំទទួលបាន ការផ្តល់ព័ត៌មានពីភាគីចិនស្តីពីការចាប់ខ្លួនខាងលើដោយសារតែបំពាន់ច្បាប់ ក្នុងប្រទេសចិន»។នៅពេលនេះដែររដ្ឋាភិបាលទីក្រុងតូក្យូកំពុងតែពិភាក្សាតាមរយៈមន្ត្រីការទូត តែមិនទទួលទទួលបានដំណឹងជាផ្លូវការនៅឡើយ។
នៅទីក្រុងប៉េកាំ អ្នកនាំពាក្យក្រសួងការបរទេសចិនបានបញ្ចាក់ថា មនុស្ស៦នាក់ដែលបានចាប់ខ្លួននោះ កំពុងតែស្រាវជ្រាវ ទៅលើសកម្មភាពខុសច្បាប់របស់ មនុស្សទាំង៦នាក់ខាងលើ ហើយទីក្រុងប៉កាំងក៏បានផ្តល់ព័ត៌មានដល់ភាគីជប៉ុនបានដឹងផងដែរ។
សារព័ត៌មានAFP បានផ្សាយថា មនុស្ស៦នាក់ដែលត្រូវបានចាប់ខ្លួនកាលពីខែមីនាខាងលើ ស្ថិតនៅក្នុងក្រុមហ៊ុនជប៉ុន ដោយអ្នកទាំងនោះធ្វើដំណើរទៅកាន់ខេត្តសឺងដុង និង ហៃណាន ដើម្បីស្រាវជ្រាវពីទីតាំអភិវឌ្ឍន៍ ទឹកជ្រោះក្តៅ។
កាលពីឆ្នាំ២០១៥ ពលរដ្ឋជប៉ុន៥នាក់ក៏ត្រូវបានចាប់ខ្លួន ចោទប្រកាន់ពីបទចារកម្មនៅទីក្រុងប៉េកាំង សៀងហៃ ក្នុងនោះមាន៤នាក់បញ្ចូនទៅកាត់ទោសនៅក្នុងតុលាការ ដោយចោទប្រកាន់ពីបទ ឧក្រិត៕