ខេត្តពោធិ៍សាត់៖  សមត្ថកិច្ចបាននិយាយនៅថ្ងៃទី១០ខែឧសភាឆ្នាំ២០១៧ថាសង្ឃមួយអង្គមានវ័យរហូតដល់77ឆ្នាំទៅហើយសង្ស័យលូចលាក់មានស្រីស្នេហ៍នៅក្នុងកុដ្ឋត្រូវបានគេបណ្តេញចេញពីវត្តបន្ទាប់ពីគណៈកម្មការអាចារ្យតាមទាន់ឃើញនឹងភ្នែករួចមក។

ហេតុការណ៏លោកសង្ឃអង្គនេះធ្វើរឿងនោះគឺកើតឡើងនៅវេលាម៉ោង8និង40នាទីយប់ថ្ងៃទី8ខែឧសភាឆ្នាំ2017នេះនៅនិងកុដ្ឋលោកតែម្តងក្នុងវត្ត បន្ទាយក្រោម ស្ថិតក្នុងភួមិ ចេកចៅ ឃុំកំពង់ពោធិ ស្រុកក្រគរ ខេត្តពោធិសាត់។

លោក អែម រុន អធិការនគរបាលស្រុកក្រគរបានប្រាប់អោយដឹងថា សង្ឃកំហូចមានឈ្មោះ ទៀវ ឈួន មានអាយុ77ឆ្នាំមានទីលំនៅក្នុងភួមិពោធិអង្ក្រង ឃុំ បឹង កន្ទួត ស្រុកក្រគរ។បួសជាសង្ឃអស់រយៈពេល15ឆ្នាំនៅក្នុងវត្តខាងលើ។ដោយស្រីស្នេហ៏មានឈ្មោះ យិន សាម៉ុន អាយុ49ឆ្នាំមានទីលំនៅក្បែររបងវត្តក្នុងភួមិកើតហេតុខាងលើ។

លោកបានបញ្ជាក់ថាស្រ្តីដែលលួចលាក់មានស្នាមស្នេហ៏ជាមួយសង្ឃអង្គនេះគឺជាស្រ្តីមេម៉ាយប្តីពីររួចទៅហើយដោយនៅមុនហេតុការណ៏កើតឡើងក្រុមគណៈកម្មការអាចារ្យវត្តមានការសង្ស័យយូរមកហើយប៉ុន្តែតាមមិនដែលទាន់ទើបតែមកតាមទាន់នៅពេលនេះក៏បានឃាត់ទាំងសង្ឃកំហូចនិងស្រីស្នេហ៏រួចរាយការមកសមត្តកិច្ច អាជ្ញាធរមួលដ្ឋាន និងធម្មការស្រុកចុះមកផ្សឹករួចបណ្តេញចេញពីវត្តនៅព្រឹកថ្ងៃទី9ខែឧសភាឆ្នាំ2017នេះតែម្តង៕                       

• ចៅអធិការ
• សង្ស័យ