យន្តហោះទម្លាក់គ្រាប់ពីរគ្រឿង ប្រភេទ​ Tu-95 របស់រុស្ស៊ី ត្រូវបានយន្តហោះចម្បាំង បំបាំងកាយអាមេរិកពីរគ្រឿង ប្រភេទ​ F-22 Raptor ​ដែលជាយន្តហោះ ទំនើបបំផុត លើពិភពលោក បានទៅរារាំងយន្តហោះ រុស្ស៊ីដែលបានចូលទៅកាន់ដែនអាកាសអន្តរជាតិនៅឆ្នេរសមុទ្រ រដ្ឋ​ Alaska កាលពីថ្ងៃទី​១៧ខែមេសា។

ហេតុការខាងលើកើតឡើងក្នុងពេលដែលយន្តហោះរុស្ស៊ី បានចូលក្នុងដែនអាកាស​ ស្ថិតក្រោមការការពាររបស់អាមេរិក។ ព័ត៌មានខាងលើត្រូវបានមន្ទីបញ្ចកោណ អាមេរិក​ប្រកាស ឲ្យដឹងនៅថ្ងៃទី​១៨ខែមេសា។

មន្ត្រីយោធាអាមេរិកមួយរូបដែលមិនបញ្ចេញឈ្មោះបានឲ្យដឹងថា កម្លាំងទាហាន អាមេរិក បានបំពេញការងា​យ៉ាងល្អ ដើម្បីសុវត្ថភាព​​របស់អាមេរិក។ យន្តហោះរបស់រុស្ស៊ីបានហោះហើរចម្ងាយពី​កោះ Kodiak ​ប្រមាន​១៦០គីឡូម៉ែត្រ​។ នៅពេលដែលទៅរារាំង​ កម្លាំងទាហានអាកាសអាមេរិកនិង​រុស្ស៊ីមិនបានទំនាក់ទំនងណាមួយតាមវិទ្យុះទាក់ទងនោះឡើយ។

ហេតុការខាងលើ តំណាងរាស្ត្រអាមេរិកមកពីទីក្រុង​ Illinois លោក​ Adam Kinzinger  បានបញ្ចាក់ថា​ទីក្រុងមូស្កូរមានចេតនា បង្ហាញ អត្ថិពល យោធារបស់ខ្លួន  តាមរយៈការហោះហើរ ចូលទៅកៀក ទឹកដីអាមេរិក ​ក្នុងគោលដៅចង់ដឹងថាតើអាមេរិកមានប្រតិកម្មបែបណា។

លោក​ Adam Kinzinger  បញ្ចាក់ថា ការដែលរុស្ស៊ីបញ្ចូនយន្តយោះទម្លាក់គ្រាប់ទៅជាប់ព្រំដែនអាមេរិកគឺដើម្បីបង្ហាញពី សម្ថភាពយោធា  ឲ្យអាមេរិកបានដឹង ថា​រុស្ស៊ីមានកម្លាំងខ្លាំងប៉ុណ្ណា។

ទំនាក់ទំនងរវាងអាមេរិក​និង រុស្ស៊ី ប្រឈាមមុខតានតឹងដាក់គ្នាក្រោយពេលដែល​ប្រធានាធិបតីអាមេរិក ដូណាលត្រាំចេញបញ្ចារឲ្យ បាញ់មីស៊ីល​៥៩ដើម ប្រភេទ​ Tomahawk ​ទៅលើទីតាំងទាហានអាកាសរបស់ស៊ីរី​។ ខុសពីពេលឃោសនាបោះឆ្នោត លោកត្រាំ​ដូចជា បង្ហាញពីការមន្ទិលសង្ស័យ ខ្វះទំនុចចិត្ត​ទៅលើទំនាក់ទំនាក់ទំនងជាមួយរុស្ស៊ី។

កាលពីសប្តាហ៍កន្លងមក​ប្រធានាធិបតីអាមេរិកលោកដូណាលត្រាំ​បានប្រកាសនៅក្នុងសន្និសីទការសែតនៅសេតវិមានថា​ «ចាប់តាំងពីពេលនេះទៅ​ទំនាក់ទំនងរវាងអាមេរិកនិងរុស្ស៊ី​មិនល្អនោះឡើយ  ហើយអាចធ្លាក់ចុះក្នុងគម្រិតទាបបំផុតក្នុងប្រវត្តិសាស្ត្រ ។

ដោយឡែកប្រធានាធិបតីរុស្ស៊ីលោកពូទីន ក៏បានវាយតម្លៃ ពីគម្រិត ជឿរជាក់គ្នារវាងទីក្រុងមូស្កូនិងវ៉ាស៊ីនតោន បានធ្លាក់ចុះខ្លាំងបំផុតមិនធ្លាប់មាន​ចាប់តាំងពីប្រធានាធិបតីត្រាំឡើងកាន់តំណែង៕

• អាមេរិក
• យន្តហោះ
• រុស្ស៊ី