សារព័ត៌មាន​ AFP ​បានផ្សាយថា កាលពីថ្ងៃទី ២៩ខែមីនា មន្ត្រីការបរទេសអាមេរិកម្នាក់ ត្រូវបានចាប់ខ្លួនដោយចោទប្រកាន់ពីបទទទួលប្រាក់​ពីចារបុរសចិននៅទឹកប្រក់ជាច្រើន ។ ការទទួលប្រាក់ខាងលើតាមរយៈ ការជូនការ​ដូរពីមន្ត្រីចិន។  មន្ត្រីការបរទេសខាងលើ​រងការចោទប្រកាន់ថាបាននិយាយកុហក​ទៅលើជំនួបពិភាក្សាជាមួយចារបុរសចិន។

ក្រសួង យុត្តិធម៌ បារាំង បានឲ្យដឹងថា  លោកស្រី​ Candace Marie Claiborne ​អាយុ​៦០ឆ្នាំ​  បានដឹងថា បុរសជនជាតិចិនពីរនាក់​ដែលមានទំនាក់ទំនងជាមួយលោកស្រី​ តាំងពីពេល លោកស្រី កាន់តំណែង នៅក្នុងស្ថានទូតអាមេរិកប្រចាំនៅប្រទេសចិន ក៏ដូចជាប្រទេសដទៃទៀត​ ។ លោកស្រីក៏បានដឹងថា ការដែល មន្ត្រីក្នុងក្រសួងសន្តិសុខជាតិចិន ឲ្យលុយលោកស្រីគឺដើម្បីដោះដូរយកនៅការសម្ងាត់របស់ជាតិ អាមេរិក។

នៅក្នុងការប្រកាស ជំនួយការរដ្ឋមន្ត្រីក្រសួងយុត្តិធម៌អាមេរិក លោក​ Mary McCord ​បានបញ្ចាក់ថា លោកស្រី​ Claiborne បានប្រើប្រាស់ដំណែងរបស់ខ្លួន​ ដើម្បីចូលទៅកៀក​ឯកសារសំខាន់ៗរបស់ក្រសួងការបរទេសអាមេរិក ដើម្បីទទួលបានផលប្រយោជន៍ផ្ទល់ខ្លួន។

តាមការប្រកាសរបស់ក្រសួងយុត្តិធម៌អាមេរិក លោកស្រី​ Claiborne ត្រូវបានចាប់ខ្លួនកាលពីថ្ងៃទី២៨ខែមីនា  ។ លោកស្រី  Claiborne ​បានធ្វើការនៅក្នុងក្រសួង ការបរទេសអាមេរិកតាំងពីឆ្នាំ​១៩៩៩ ។

សកម្មភាពខាងលើបង្ករក្តីបារម្ភយ៉ាងខ្លាំងដល់សន្តិសុខជាតិអាមេរិក ក្នុងពេលដែលមន្ត្រីអាមេរិក ក៏មានអំពើពុករលួយ​ ដើម្បីប្រយោជន៍ខ្លួនឯង មិនបានគិត ប្រយោជនជាតិជាធំ ។ ចំណុចទាំងនោះហើយ​បានជាឯកសាសម្ងាតជាច្រើន របស់អាមេរិកត្រូវបានបែកធ្លាយ ដោយសារតែ អតីត មន្ត្រីការកិច្ចអាមេរិកជាអ្នកទម្លាយ ក្នុងនោះមានការលួចស្តាប់ ការសន្ទនារបស់ ប្រមុខដឹកនាំ សំខាន់ៗជុំវិញពិភពលោក៕

• មន្ត្រី
• ចាប់ខ្លួន
• អាមេរិក
• ចិន