រាជធានីភ្នំពេញ៖ កាលពីចុងសប្ដាហ៍មុននេះ សហព័ន្ធកីឡាយូដូកម្ពុជា បានទទួលការឧបត្តម្ភសម្ភារៈហ្វឹកហាត់ ដោយមានកម្រាលសម្រាប់ហ្វឹកហាត់១៥១ផ្ទាំង ពីសហព័ន្ធកីឡាយូដូ នៃប្រទេសជប៉ុនខណៈដែលសម្ភារៈទាំងនេះបាននាំយកមកអោយដោយលោក Hidehisa Horinouchi ឯកអគ្គរាជទូតជប៉ុន ប្រចាំកម្ពុជា។

លោក Hidehisa Horinouchi បានមានប្រសាសន៍ថា  សហព័ន្ធយូដូ ប្រទេសជប៉ុនបានឧបត្តម្ភសម្ភារៈនេះនៅក្នុងកម្មវិធីដែលមានឈ្មោះថា “កីឡាសម្រាប់ថ្ងៃស្អែក” វាជាកម្មវិធីផ្តួចផ្តើមឡើង ដោយរដ្ឋាភិបាលជប៉ុនដើម្បីផ្សព្វផ្សាយអំពីកីឡាទៅកាន់ ប្រជាជនជាង១០លាននាក់ ក្នុង១០០ប្រទេស រវាងឆ្នាំ២០១៤ និងឆ្នាំ២០២០ ជាឆ្នាំដែលទីក្រុងតូក្យូនឹងធ្វើជាផ្ចាស់ផ្ទះកីឡាអូឡាំពិក និងកីឡាអូឡាំពិករដូវក្តៅ។

លោកបញ្ជាក់ថា គោលដៅគឺដើម្បីផ្សព្វផ្សាយ គុណតម្លៃដែលបានហ្វឹកហាត់ តាមរយៈកីឡានិងបង្កើនការយល់ដឹងពីចលនាកីឡាអូឡាពិកនិងកីឡាអូឡាំពិកទៅកាន់ប្រជាជនគ្រប់ជំនាន់ នៅទូទាំងពិភពលោក។

គួរបញ្ជាក់ផងដែរថា ពិធីប្រគល់នេះដោយមានការអញ្ជើញ ចូលរួមពីលោក ហង់ ជួនណារ៉ុន ដ្ឋមន្រ្តីក្រសួងអប់រំយុវជន និងកីឡានិងលោក ឡាច វុទ្ធី ប្រធានខេមរៈ សហព័ន្ធយូដូកម្ពុជា៕

គួបញ្ជាក់ផងដែរថា ពិធីប្រគល់នេះដោយមានការអញ្ជើញ ចូលរួមពីលោក ហង់ ជួនណារ៉ុន ដ្ឋមន្រ្តីក្រសួងអប់រំយុវជននិងកីឡា និងលោក ឡាច វុទ្ធី ប្រធានខេមរៈ សហព័ន្ធយូដូកម្ពុជា៕ ដោយ បូរិន

• យូដូ
• ជប៉ុន
• ឧបត្តម្ភ
• សហព័ន្ធ
• កីឡា