កាលពីថ្ងៃទី២ខែមីនា មេដឹកនាំក្រុមភាគតិចនៅក្នុងព្រឹទ្ធភាអាមេរិក មកពីគណបក្សប្រជាធិបតេយ្យលោក Charles Schumer បានប្រកាសថា រដ្ឋមន្ត្រីក្រសួងយុត្តិធម៌ Jeff Sessions គួរតែចុះចេញពីតំណែង ហើយក្រសួងយុត្តិធម៌អាមេរិកត្រូវតែស្រាវជ្រាវ ដើម្បីបញ្ចាក់ឲ្យបានច្បាស់ថា តើលោក Sessions មានព្រមព្រៀងជាមួយរុស្ស៊ី ដើម្បីឲ្យរុស្ស៊ីជៈឥទ្ធិពលដល់ការបោះឆ្នោតនៅអាមេរិកនាពេលកន្លងមក។
តាមការបញ្ចាក់របស់សមាជិកព្រឹទ្ធភា Schumer បញ្ចាក់ថា លោក Sessions បានកុហក់សភា ពីការជួបពិភាក្សាជាមួយអគ្គរដ្ឋទូតរុស្ស៊ី លោក Sergei Kislyak នៅក្នុងការបោះឆ្នោត ប្រធានាធិបតីអាមេរិក ហើយលោក Sessions ចាំបាច់ត្រូវតែលាលេងពីតំណែងដើម្បីផលប្រយោជន៍របស់ប្រទេសជាតិ។
មានប្រសាសន៍នៅក្នុងសន្និសីទកាសែតលោក Schumer បានបញ្ចាក់ថា «រដ្ឋមន្ត្រីក្រសួងយុត្តិធម៌ Jeff Sessions មានរយៈពេលជាច្រើនសប្តាហ៍ដើម្បីកែទម្រងឯកសារដែលបានធ្វើជាមួយគណកម្មធិការយុត្តិធម៌របស់ព្រឹទ្ធសភា ប៉ន្តែលោកមិនបានធ្វើអ្វីឡើយនាពេលកន្លងមក។ ដើម្បីផលប្រយោជន៍ជាតិ លោក Sessions ចាំបាច់ត្រូវតែចុះចេញពីតំណែង។
ចំពោះស្ថានភាពខាងលើ មេដឹកនាំក្រុមភាគតិចនៅក្នុងរដ្ឋសភាអាមេរិក តំណាងរាស្ត្រ Nancy Pelosi ក៏បានអំពាវនាវ ឲ្យលោក Sessions ចុះចេញពីតំណែងផងដែរ ហើយបើកការស្រាវជ្រាវដោយឯករាជ្យស្តីពីទំនាក់ទំនងរវាងលោកនិងរុស្ស៊ី។
នៅក្នុងសេចក្តីប្រកាសកាលពីថ្ងៃទី២ខែមីនាលោកស្រី Nancy Pelosi បានបញ្ចាក់ថា «លោក Seesion មិនសមស្របក្នុងការកាន់តំណែងជាមន្ត្រីនៅក្នុងក្រសួងយុត្តធម៌នោះឡើយ លោកចាំបាច់ត្រូវតែចុះចេញពីតំណែង៕