MENU
|
កាលពីថ្ងៃទី៧ខែកុម្ភៈមេដឹកនាំសាសនាអីរ៉ង ដែលមានអត្ថិពលបំផុតនៅក្នុងប្រទេស គឺលោក Ali Khamenei បានថ្កោលទោសដល់ការសម្រេចរបស់អាមេរិកដាក់ទណ្ឌកម្មទៅលើប្រទេសអីរ៉ង ក្រោយការសាងល្បងកាំជ្រួចមីស៊ីល។ទទឹមនិងនោះលោកបានចាត់ទុកប្រធានាធិបតីត្រាំគឺ ជាមុខមាត់ពិតរបស់អាមេរិក។
នៅក្នុងសន្តរកថាតំបូងចាប់តាំងពីប្រធានាធិបតីត្រាំឡើងកាន់តំណែង លោក Khamenei បានអំពាវនាវឲ្យពលរដ្ឋអីរ៉ង ចូលរួមដង្ហែក្បួនព្យុះហយាត្រា នៅថ្ងៃទី១០ខែកុម្ភៈខាងមុខ ក្នុងឧកាសខួបអនុស្សាវរីយ៍ថ្ងៃបដិវត្តិអិស្លាមអីរ៉ងឆ្នាំ១៩៧៩ នឹងបង្ហាញការមិនភ័យខ្លាចចំពោះការគំរាមកំហែងពីអាមេរិក។
មានប្រសាសន៍ទៅកាន់មេបញ្ចាការកងទ័ពនៅទីក្រុងតេអីរ៉ង លោក Khamenei បានបញ្ចាក់យ៉ាងច្បាស់ថា «យើងដឹងគុណដល់លោកត្រាំ ដែលបានធ្វើឲ្យយើងបានដឹកនៅធាតុពិតរបស់អាមេរិក» ។
ជាមួយគ្នានេះដែរ រដ្ឋមន្ត្រីការបរទេសអីរ៉ងលោក Mohammad Javad Zarif បានបញ្ចាក់ថា ទីក្រុងតេអេរ៉ង នឹងមិនពិភាក្សាឡើងវិញទៅលើកិច្ចព្រមព្រៀងបរមាណូដែលលោកត្រាំបានបញ្ចាក់ថាជា «កាដូ»សម្រាប់ប្រទេសសាធារណរដ្ឋអិស្លាមអីរ៉ង។
ពាក់ព័ន្ធនិងករណីដាក់ទណ្ឌកម្មរបស់អាមេរិក ប្រទេសអ៊ីរ៉ង់ បានប្រកាសពីការប្ដេជ្ញា សងសឹកចំពោះសហរដ្ឋអាមេរិក បន្ទាប់ពី បានសម្រេចដាក់ទណ្ឌកម្មថ្មី ទៅលើអ៊ីរ៉ង់ ដើម្បីជាការឆ្លើយតប ទៅនឹងការធ្វើតេស្ដ ក្បាលគ្រាប់មីស៊ីលផ្លោង រយៈសម្ងាយមធ្យម កាលពីថ្ងៃទី២៩ ខែមករា ឆ្នាំ២០១៧កន្លងទៅនេះ ស្របពេលដែលបណ្ដាប្រទេស ក្នុងពិភពលោកមានបំណង ចង់លុបបំបាត់ អាវុធប្រល័យលោក និងនុយក្លេអ៊ែរ។
ទណ្ឌកម្មថ្មីមួយនេះ ជាលើកដំបូងហើយដែលដាក់ ទៅលើប្រទេស នៅតំបន់មជ្ឈឹមបូព៌ា ចាប់តាំងពីប្រធានាធិបតីថ្មី របស់សហរដ្ឋ អាមេរិកលោក ដូណាល់ ត្រាំ បានឡើងកាន់តំណែង កាលពីថ្ងៃទី២០ ខែមករា ប្រធានាធិបតីថ្មីរូបនេះ បានបង្ហាញពីជំហតឹងរ៉ឹង ចំពោះប្រទេសអ៊ីរ៉ង់ ដោយបានលើកឡើង ក្នុងបណ្ដាញសង្គម Twitter ឲ្យដឹងថា "អ៊ីរ៉ង់កំពុងប្រលែងលេង ជាមួយភ្លើង ពួកគេមិនបាន កោតសរសើរ ទឹកចិត្តល្អ របស់លោកប្រធានាធិបតី បារ៉ាក់ អូបាម៉ា ទៅលើពួកគេ មិនមែនខ្ញុំនោះទេ"៕