សភាអាមេរិកបានសម្រេចបោះឆ្នោតជ្រើសរើស អគ្គនាយក ក្រុមហ៊ុនប្រេង  ExxonMobil  លោក​ Rex Tillerson ធ្វើជារដ្ឋមន្ត្រីការបរទេសថ្មី  ដោយមានសម្លេងគាំ ទ្រ ៥៦ និងប្រឆាំង​៤៣។

សារព័ត៌មាន​ប៊ីប៊ីស៊ីបានផ្សាយថា ការបោះឆ្នោតខាងលើកើតឡើងក្រោយពេលដែល សមាជិកព្រឹទ្ធសភាមកពីគណបក្សសាធារណរដ្ឋ ផ្លាសប្តូរច្បាប់ដើម្បីអនុម័ត​ជ្រើសរើសលោក​ Tom Price និង​ Steven Mnuchin ជារដ្ឋមន្ត្រីក្រសួងសុខាភិបាលនិងក្រសួង ហិរញ្ញវត្ថុ បើទោះបីមានការជំទាស់ពីគណបក្សសាធារណរដ្ឋក្តី។

ពេលតំបូងសមាជិកមកពីគណបក្សសាធារណរដ្ឋ មានការប្រុងប្រយ័ត្ន និងព្រឹក្សាគ្នាយ៉ាងល្អិតល្អន់ ក្នុងការបោះឆ្នោត ជ្រើសរើសលោក​ Rex Tillerson​ជារដ្ឋមន្ត្រីការបរទេស ដោយសារតែលោកមិនមានបទពិសោធ នៅលើឆាកនយោបាយ និងមានទំនាក់ទំនងជិតស្និតជាមួយរុស្ស៊ី។ ប៉ុន្តែក្រោយមកគណបក្សសាធារណរដ្ឋ ទាំងមូលបានគាំទ្រ​លោក។

ក្រោយពេលលោក​ Rex Tillersonស្បថចូលកាន់តំណែងនៅថ្ងៃទី​១ខែកុម្ភៈ ប្រធានាធិបតីត្រាំ​មាន សមាជិក ដែលមិនមានបទពិសោធនៅក្នុងក្រុមសន្តិសុខជាតិ។

លោក​ Rex Tillerson​អាយុ​៦៤ឆ្នាំ ជាអតីត អគ្គនាយកក្រុមហ៊ុនប្រេង​ Exxon Mobil ដែលមានសាខាងនៅជាង​៥០ប្រទេសជុំវិញពិភពលោក ។ លោក​ Rex Tillersonជាអ្នកប្រឆាំងនិងច្បាប់ដាក់ទណ្ឌកម្មទៅលើប្រទេសរុស្ស៊ី  ហើយត្រូវបានប្រធានាធិបតីរុស្ស៊ីលោកពូទីន ផ្តល់ មេដាយមិត្តភាពកាលពីឆ្នាំ​២០១៣ ក្រោយពេលប៉ុន្មានឆ្នាំដែលក្រុមហ៊ុនប្រេងរបស់លោកដំណើរការនៅក្នុងប្រទេសរុស្ស៊ី។

ការសម្រេចតែងតាំងលោក​ Rex Tillerson កាន់តែធ្វើឲ្យទំនាក់ទំនងរវាងទីក្រុងវ៉ាស៊ីនតោននិងទីក្រុងមូស្កូរកាន់តែជិតស្និតថែមទៀត ធ្វើឲ្យសម្ព័ន្ធមិត្តអាមេរិកនៅអឺរ៉ុបកាន់តែព្រួយបារម្ភ នៅពេលដែលអឺរ៉ុបបានចូលរួមដាក់ទណ្ឌកម្មរុស្ស៊ីផងដែរ ។ចំណែកអាមេរិកដែលជាអ្នកផ្តើមដាក់ទណ្ឌកម្មនោះ​ក៏អាចនឹងលុបចោលគ្រប់ពេលក្រោយទំនាក់ទំនងល្អនិងគ្នាវិញ៕

• សភា
• អាមេរិក
• រដ្ឋមន្ត្រី
• រុស្ស៊ី