ជាការឆ្លើយតបនិងសំណើររបស់កូរ៉េខាងត្បូងនិងជាការ តបតទៅនិងសកម្មភាពសាកល្បងគ្រាប់បែកបរិមាណូរបស់កូរ៉េខាងជើង អាមេរិកបានបញ្ចូនយន្តហោះទម្លាក់គ្រាប់B 52 ដោយមានកាំជ្រួចមីស៊ីលបំពាក់ក្បាលគ្រាប់បរិមាណូ ល្មមកម្ទេសកូរ៉េខាងជើងឲ្យទៅជាផេះ ទៅកាន់ទីតាំងទ័ពអាកាស់កូរ៉េខាងត្បូង។
ភ្លាមៗនោះមេដឹកនាំគីមជុងអ៊ុនបានប្រកាស់ថាការសាល្បងបរមាណូរបសខ្លួនគឺដើម្បីពង្រឹងសម្ថភាពការពារតែប៉ុណ្ណោះជាសកម្មភាពត្រឹមត្រូវ គ្មានអ្នកណាម្នាក់អាចគម្រាមកំហែងបានឡើយ។សារព័ត៌មានយ៉ុនហាប់របស់កូរ៉េខាងត្បូងបានផ្សាយថា យន្តហោះទម្លាក់គ្រាប់យុទ្ធសាស្ត្រB 52 Stratofortres បានចាកចេញពីទីតាំងទ័ពអាកាសAndersen របស់អាមេរិកនៅលើកោះGuam ឆ្ពោះទៅកាន់ទីក្រុងOsan កូរ៉េខាងត្បូង។ យន្តហោះទម្លាក់គ្រាប់ខាងលើ ត្រូវបានយន្តហោះចម្បាំង៤គ្រឿងអមដំណើរការពារ គឺយន្តហោះចម្បាំងF-15K និង F-16 របស់កូរ៉េខាងត្បូង។នៅវេលាថ្ងៃត្រងថ្ងៃទី១០ខែមករាយន្តហោះខាងលើបានចូលទៅដល់ទីតាំងទ័ពអាកាសកូរ៉េខាងត្បូង។យន្តហោះទម្លាក់គ្រាប់ខាងលើត្រូវបានអាមេរិកប្រើប្រាស់តាំងពីឆ្នាំ១៩៥៥ អាចទៅទម្លាក់គ្រាប់នៅទីតាំងឆ្ងាយមិនចាំបាច់ចាក់សាំងបន្ថែម។ យន្តហោះនោះអាចផ្ទុកអាវុធបាន២៧តោន ។
ការដែលអាមេរិកសម្រេចបញ្ចូនយន្តហោះទម្លាក់គ្រាប់ខាងលើគឺដើម្បីបញ្ចាក់ពីការរួបរួមរបស់អាមេរិកនិងកូរ៉េខាងត្បូង ទប់ស្កាត់ការគម្រាមកំហែងពីកូរ៉េខាងជើង ក្រោយពេលដែលកូរ៉េខាងជើងសាកល្បងគ្រាប់បែកបរមាណូប្រកបដោយជោគជ័យ៕