MENU
|
មេដឹកនាំកោះតៃវ៉ានលោកស្រី Tsai Ing-wen បានបំពេញទស្សនកិច្ចទៅកាន់អាមេរិកហើយនៅថ្ងៃទី៨ខែមករា សមាជិកព្រឹទ្ធសភាអាមេរិកមកពីរដ្ឋតិចសាស៍ លោក Ted Cruz បានទទួលស្វាគមន៍មេដឹកនាំកោះតៃវ៉ានយ៉ាងកក់ក្តៅបំផុតបើទោះបីមានការប្រឆាំងពី មន្ត្រីការបរទេសអាមេរិកក្តី។
លោក Ted Cruz បានឲ្យដឹងថា នៅក្នុងពិភាក្សាជាមួយលោកស្រី Tsai Ing-wen ស្តីអំពីការទិញលក់អាវុធ ទំនាក់ទំនងការទូតនិងសេដ្ឋកិច្ច នៅក្នុងជំនួបនៅទីក្រុង Houston ។ លោក Ted Cruz ធ្លាប់ជាបេក្ខភាពប្រធានាធិបតីអាមេរិក កាលពីឆ្នាំ២០១៦ ប៉ុន្តែត្រូវបរាជ័យចំពោះលោកដូណាលត្រាំក្នុងការបោះឆ្នោតបឋមរបស់គណបក្ស។
លោក Ted Cruz បានបញ្ចាក់ថា « ការបង្កើនទំនាក់ទំនងសេដ្ឋកិច្ច រវាងអាមេរិកនិងតៃវ៉ាន់គឺជាអាទិភាព ហើយអាមេរិកនឹងបង្កើនការចូលទៅកាន់ទីផ្សានៅតៃវ៉ាន នឹងនាំមកនៅផលប្រយោជន៍ជាច្រើនដល់ពលរដ្ឋនៅក្នុងរដ្ឋតិចសាស៍»។
នៅមុនពេលជួបពិភាក្សាជាមួយមេដឹកនាំកោះតៃវ៉ាន មន្ត្រីនៅទីក្រុង Houston រដ្ឋតិចសាស៍ អាមេរិកទទួលបានលិខិតពីស្ថានទូតចិន ស្នើរឲ្យបណ្តាតំណាងរាស្ត្រ អាមេរិក មិនត្រូវទទួលស្វាគមន៍មេដឹកនាំកោះតៃវ៉ានឡើយ ហើយអាមេរិកត្រូវតែគោរព «ចិនតែមួយ» ។មិនត្រឹមតែប៉ុណ្ណោះចិនបានស្នើរឲ្យ អាមេរិកមិនត្រូវឲ្យយន្តហោះដឹកលោកស្រី Tsai Ing-wen ចូលទៅក្នុងដែនអាកាសអាមេរិកឡើង ប៉ុន្តែមិនទទួលបានការយលព្រមពីអាមេរិក។ មិនតែប៉ុណ្ណោះតំណាងរាស្ត្រដែលមានអត្ថិពលនៅអាមេរិកទទួលស្វាគមន៍យ៉ាងកក់ក្តៅទៀតផង។
ជាមួយគ្នានោះដែរ ប្រធានាធិបតីជាប់ឆ្នោតថ្មីអាមេរិកលោកដូណាលត្រំា ធ្លាប់បានប្រកាសថា លោកនឹងទទួលស្វាគមន៍មេដឹកនាំកោះតៃវ៉ានកក្រោយពេលលោកស្បថចូលកាន់តំណែងប្រធានាធិបតីអាមេរិក។
តំណើរទស្សនកិច្ចរបស់មេដឹកនាំកោះតៃវ៉ា់ន់ គឺលោកស្រី Tsai Ing-wen នៅថ្ងៃសៅរ៍ ទី៧មករា បានចាកចេញពី កោះតៃវ៉ាន់ហើយ សម្រាប់ដំណើរ ទស្សនកិច្ចទៅកាន់ អាមេរិកកណ្តាលរយៈពេល ៩ថ្ងៃ។ ដំណើរទស្សនកិច្ចនេះ ក៏ត្រូវបានប្រទេសចិន ពិនិត្យយ៉ាងយកចិត្តទុកដាក់បំផុត។
យោងតាមសារព័ត៌មាន The Guardian ចេញផ្សាយនៅថ្ងៃទី៧ ខែមករា ឆ្នាំ២០១៧ បានឲ្យដឹងថា ដំណើរទស្សនកិច្ច ដែលមានរយៈពេល ៩ថ្ងៃនេះ គឺដើម្បីជំរុញ ទំនាក់ទំនងរវាងកោះតៃវ៉ាន់ និងអាម៉េរិកកណ្តាល។ កន្លែងសំចតរបស់លោកស្រី Tsai នៅទឹកដីអាម៉េរិក នឹងត្រូវឃ្លាំមើលយ៉ាងដិតដល់បំផុត ព្រោះគេរំពឹងថា អាចនឹងមានការទាក់ទង រវាងលោកស្រី និងលោក ដូណាល់ ត្រាំ នៅក្នុងអាណត្តិក្រោយ ជាប់ឆ្នោត។
លោកស្រីប្រធានាធិបតី Tsai Ing-wen នឹងឆ្លងកាត់ទីក្រុង ហូស្តុន រដ្ឋតិចសាស់ នៅចុងសប្តាហ៍នេះ ហើយបន្ទាប់ពីត្រឡប់ទៅទីក្រុង តាយប៉ិ វិញ តាមទីក្រុង សាន់ ហ្វ្រាន់ស៊ីស្កូ នៅចុងសប្តាហ៍បន្ទាប់៕