កាលពីថ្ងៃទី​១៦ខែធ្នូ​ប្រធានាធិបតីហ្វីលីពីន បានធ្វើឲ្យទំនាក់ទំនងជាមួយអាមេរិកកាន់តែតានតឹង​ក្រោយពេល លោកឌូទឺរទេបានប្រកាសឲ្យកម្លាំងទាហានអាមេរិក​ត្រៀមលក្ខណ ក្នុងការលុយចោលកិច្ចព្រមព្រៀងការពារជាតិដ៏សំខាន់របស់ប្រទេសទាំងពីរ និងដកទាហានចេញពីប្រទេសនេះ។

កិច្ចព្រមព្រៀងការពារជាតិដែលប្រទេសទាំងពីរបានចុះហត្ថលេខា​កាលពីឆ្នាំ​១៩៩៨ ដោយក្នុងនោះបានអនុញ្ញាត្តិឲ្យ​ទាហានអាមេរិកឈរជើងនៅក្នុងប្រទេសតំបន់អាស៊ីភាគអាគ្នេយ៍មួយនេះ។ តាមរយៈកិច្ចព្រមព្រៀងនោះ​អាមេរិកបានបញ្ចូនសម្ភារៈយោធា​សម្រាប់បំពេញកិច្ចការធ្វើសមយុទ្ធ។

លោកឌូទឺរទេបញ្ចាក់ទៀតថា ហ្វីលីពីនអាចស្ថិតស្ថេបានដោយមិនចាំបាច់មានអាមេរិក មិនត្រូវការលុយអាមេរិក ឡើយ។ ការប្រកាសទាំងនោះកើតឡើងក្រោយពេលអាមេរិក ផ្អាក់ផ្តាល់ជំនួយ កាត់បន្ថយភាពក្រីក្រ។

ប្រធានាធិបតីឌូទឺរទេ បានបញ្ចាក់ទៀតថា លោកនឹងសម្រេចចុងក្រោយនៅពេលដ៏ខ្លីខាងមុខ បន្ទាបពីការវាយតម្លៃឡើងវិញនៅកិច្ចព្រមព្រៀងការពារជាតិអាមេរិក។

ក្នុងថ្ងៃជាមួយគ្នានោះ អ្នកនាំពាក្យក្រសួងការបរទេសអាមេរិក  Justin Higgins បានឲ្យដឹងថាមន្ត្រីអាមេរិកបានដឹងពីព័ត៌មានខាងលើ តែទីក្រុងវ៉ាស៊ីនតោន នៅមិនទាន់​ទទួលបានសំណើរណាមួយពីហ្វីលីពីននៅឡើយ ពីការបញ្ចប់កិច្ចព្រមព្រៀងការពារជាតិទ្វេភាគី៕

• ឌូទឺរទេ
• អាមេរិក
• ប្រធានាធិបតី
• ហ្វីលីពីន