រាជធានីភ្នំពេញ៖  សម្តេចតេជោនាយករដ្ឋមន្រ្តីហ៊ុនសែនកាលពីថ្ងៃទី៤ខែធ្នូឆ្នាំ២០១៦ថ្លាថាសម្តេច សូមអបអរសាទរ និងកោតសរសើរដល់កីឡាករប៉េតង់ សុខ ចាន់មាន ដែលដណ្តើមបាន “មេដាយមាសពិភពលោក” នៅក្នងការប្រកួតជើងឯកកីឡាប៉េតង់ពិភពលោក ដែលបាន ប្រព្រឹត្តិ ទៅចាប់ពីថ្ងៃទី១-៤ខែធ្នូ ឆ្នាំ ២០១៦ នៅប្រទេស ម៉ាដាកាស្ការ (Madagascar) ដែលមាន កីឡាករ ចូលរួមប្រកួតមកពី ៤៨ ប្រទេស។

សម្តេចនាយករដ្ឋមន្រ្តីហ៊ុនសែនបានសរសេរលើកបណ្តាញសង្គមហ្វេសប៊ុកថាទន្ទឹមនឹងនេះដែរ សូមអរគុណដល់គ្រូបង្វឹក គណកម្មាធិការជាតិអូឡាំពិកកម្ពុជា ក្រសួង អប់រំ យុវជននិងកីឡា និងសហពន្ឋកីឡាប៉េតង់កម្ពុជា ដែលបានខិតខំប្រឹង ប្រែង ហ្វឹកហ្វឺនកីឡាករ និងលើកកម្ពស់កីឡាប៉េតង់កម្ពុជា រហូតទទួលបានមេដាយ មាសនៅថ្ងៃនេះ។

សម្តេចបានលើកឡើងថា នេះគឺជាមោទនៈភាពរបស់កម្ពុជាទាំងមូល។សម្តេចលើកឡើងថាខ្ញុំនឹងទទួលស្វាគមន៍កីឡាករយើង នៅវេលា ម៉ោង ៤:០០ល្ងាចនាថ្ងៃសុក្រ ទី៩ ធ្នូ ២០១៦ នៅវិមានសន្តិភាព។សូមជូនពរដលល់ កីឡាករកម្ពុជា ទាំងអស់ទទួលបានជោគជ័យថ្មីៗនៅក្នុងការប្រកួតជាបន្តទៀត៕

• អបអរសាទរ
• ពិភពលោក
• កម្ពុជា