រាជធានីភ្នំពេញ៖  លោក ទេព រិទ្ធីវិទ្ធ អគ្គលេខាធិការសហព័ន្ធកីឡាវាយកូនបាល់កម្ពុជាបានដឹកនាំក្រុមកីឡាករកម្ពុជា ចូលរួមព្រឹត្តិការណ៍ Davis-Cup ឆ្នាំ២០១៧ កាលពីថ្ងៃទី១១ ខែមេសា ឆ្នាំ២០១៧ នៅប្រទេស ប្រទេសបារ៉ែន។

អគ្គលេខាធិការរូបនេះបានបញ្ជាក់ថា សម្រាប់ព្រឹត្តិការណ៍ Davis-Cup ឆ្នាំ២០១៧ អាស៊ីអូសេអានីមានក្រុម៤ នៅទីក្រុងអ៊ីសាថោននៃប្រទេសបារ៉ែ ដោយមាន១១ប្រទេសចូលរួម ហើយកម្ពុជាយើងគ្រោងនឹងទៅចូលរួមព្រឹត្តិការណ៍នេះ។ ព្រឹតិ្តការណ៍នេះមានដៃគូរប្រកួតប្រជែង ដូចជា ប្រទេស បារ៉ែន កៀហ្ស៊ីស៊ីស្ថាន ម៉ុងហ្គោលី បង់ក្លាដេស  អ៊ីរ៉ាក់ មីយ៉ាន់ម៉ា អូម៉ង់ អារ៉ាប៊ីសាអូឌីត សិង្ហបុរី និង តាជីគីស្ថាន។ កម្ពុជាបញ្ជូនកីឡាករចំនួន៤រូបទៅចូលរួមប្រកួតគឺ លោក ប៊ុន កេន្នី, លោកម៉ម ផល្គុណ, លោក ឡុង សំនៀង និង កីឡាថ្មី គឺ លោក ឱ សារិទ្ធ ។

សូមរំលឹកថា កម្ពុជាធ្លាប់ចាញ់នៅក្រុម៣ កាលពីឆ្នាំ២០១៦ ដោយសារតែកីឡាករមានរបួសច្រើន ពិសេសកីឡាករ ប៊ុន កេន្នី មានរបួសស្មា តែពេលនេះគេបានព្យាបាលជាសះស្បើយហើយ។ កាលពីឆ្នាំ២០១២ កម្ពុជាបានចូលរួមប្រកួតព្រឹត្តិការណ៍ Davis-Cup ជាលើកដំបូង ដោយបានទទួលជ័យជំនះដោយប្រកួតឈ្នះដណ្តើមបានចំណាត់ថ្នាក់លំដាប់ក្រុមទី៣។ កីឡាវាយកូនបាល់កម្ពុជា បានរក្សាតំណែងនៅក្នុងក្រុម៣ ក្នុងតំបន់អាស៊ីអូសេអានីរយៈពេល៣ឆ្នាំ គឺ ឆ្នាំ២០១៣ នៅឌូបៃ ឆ្នាំ២០១៤ នៅម៉ាឡេស៊ី ២០១៥ នៅអ៊ីរ៉ង់ និង ២០១៦ ក្រកួតនៅអ៊ីរ៉ង់ប៉ុន្តែកម្ពុជាចាញ់ហើយធ្លាក់ទៅលំដាប់ក្រុមទី៤ពេលនេះ៕ ដោយ បូរិន

• ទេព រិទ្ធីវិទ្ធ
• ក្រុមកម្ពុជា
• ប្រកួត