រាជធានីភ្នំពេញ ៖ យុវជនម្នាក់ដែលបានគំរាមសម្លាប់ និងជេរប្រមាថ ទៅលើ សម្តេចតេជោហ៊ុន សែន នាយរដ្ឋមន្ត្រី នៃព្រះរាជាណាចក្រកម្ពុជា តាមរយះប្រព័ន្ធហ្វេសបុកកាលពីពេលថ្មីៗកន្លងមកនោះ ពេលនេះត្រូវបានបញ្ចូនខ្លួនមកកាន់សាលាដំបូងរាជធានីភ្នំពេញហើយ ដើម្បីធ្វើការសាកសួរនាំ ។

សូមបញ្ជាក់ថា ជនថ្លើមធំខាងលើ មានឈ្មោះអ័រ អាយុ២៨ឆ្នាំ ។ រូបគេ ត្រូវបានកម្លាំងសមត្ថកិច្ច នៃស្នងការដ្ឋាននគរបាលខេត្តកំពង់ធំ ធ្វើការឃាត់ខ្លួន កាលពីល្ងាចថ្ងៃទី០៦ នៅចំណុចឃុំកោះ ស្រុកសន្ទុក ខេត្តកំពង់ធំ ពាក់ព័ន្ធនឹងការប្រើគណនេយ្យហ្វេសបុកក្លែងក្លាយ ជេរប្រមាថ និងគំរាមសម្លាប់ សម្តេចតេជោ នាយករដ្ឋមន្ត្រី កាលពីពេលថ្មីៗ កន្លងមក ។

សូមបញ្ជាក់បន្ថែមថា ក្រោយការឃាត់ខ្លួន យុវជនរូបនេះ បានឆ្លើយសារភាពថា ខ្លួនពិតជាបានប្រើគណនេយ្យហ្វេសបុកក្លែងក្លាយ ដោយប្រើឈ្មោះ ខុសពីឈ្មោះពិតរបស់ខ្លួន ហើយសរសេរជេរប្រមាថ និងគំរាមសម្លាប់ លើ Page គណនេយ្យរបស់សម្តេចនាយករដ្ឋមន្ត្រីពិតប្រាកដមែន ៕

• សម្តេចតេជោ
• គំរាមសម្លាប់
• ហ្វេសបុក
• តុលាការ
• Facebook