ប៉ុន្មាននាទីប៉ុណ្ណោះក្រោយការហោះហើរ យន្តហោះAirbus របស់ក្រុមហ៊ុនអាកាសចរណ៍ Daallo Airlines របស់ប្រទេសសូម៉ាស៊ីបានផ្ទុះធ្លាយត្រង់ពាក់កណ្តលខ្លួនពេលកំពុងហោះហើរក្នុងកំពស់ដល់ទៅ៣០០០ម៉ែត្រ។ នៅពេលជួបឧប្បទវហេតុខាងលើ យន្តហោះដឹកអ្នកដំណើររាប់រយនាក់។

ជើងហោះហើរលេខD 3159 ហោះហើរចេញពីអាកាសយានដ្ឋានទីក្រុង Aden Adde ប្រទេសសូម៉ាលី ទៅកាន់ទីក្រុងDjibouti ។ ក្រោយការហោះហើរបានប៉ុន្មាននាទីប៉ុណ្ណោះអ្នកដំណើរក៏បានឮស៊ូសម្លេងផ្ទុះខ្លាំង ហើយមានអណ្តាតភ្លើងឆាប់ឆេះទៀតផង។

ក្នុងស្ថានភាពដ៏គ្រោះថ្នាក់នេះ អាកាសយានិកក៏សម្រេចបញ្ចារយន្តហោះវិលត្រឡប់ទៅចុះចត់នៅក្នុងអាកាសយានដ្ឋាន Raas Cabbaad ដោយមានក្រុមអ្នកជួយសង្គ្រោះជាច្រើនបានរងចាំនៅខាងក្រោម។ ហេតុការផ្ទុះខាងលើបានធ្វើឲ្យអ្នកដំណើរពីរនាក់រងរបួស ស្ថានភាពនៅក្នុងយន្តហោះចលាចលយ៉ាងខ្លាំងដោយមានតែសម្លេងយំស្រែកប៉ុណ្ណោះ។

 មូលហេតុបណ្តាលឲ្យមានហេតុការផ្ទុះកើតឡើងមិនទាន់ដឹងនៅឡើយទេ។ អ្នកដំណើរទាំងអស់បានពាក់បំពងជំនួយដកដង្ហើម ចំណែកខាងក្នុងយន្តហោះមានខ្យល់យ៉ាងខ្លាំងចូលតាមប្រហោមធ្លាយនោះ។

• យន្តហោះ
• អ្នកដំណើរ