MENU
|
នៅពេលដែលកំពុងតែមានវិវាទជាមួយប្រទេសអារ៉ាប៊ីសាអូឌិត ហើយវិវាទទាំងនោះកំពុងជំរុញឲ្យអីរ៉ង និងសម្ព័ន្ធមិត្តអាមេរិក គឺអារ៉ាបីសាអូឌិត អាចឈានដល់ការផ្ទុះសង្គ្រាមនិងគ្នា ពេលដែលភាពតានតឹងមិនអាចគ្រប់គ្រងបាន។
ក្នុងពេលដែលស្ថានភាពរសើបបំផុត អឺរ៉ុបក៏បានបង្ហាញឃ្លាំងកាំជ្រួចមីស៊ីលឆ្លងទ្វីបទំនើបៗបំផុតដែលមិនធ្លាប់បង្ហាញពីមុនមក ធ្វើឲ្យអាមេរិកនិង អារ៉ាបីសាអូឌិត បើកភ្នែកធំៗ ដោយមិននឹកស្មានថាអីរ៉ង មានអាវុធទំនើបបែបនេះ។ នៅក្នុងឃ្លាំងអាវុធក្រោមដីដែលអីរ៉ងទើបតែបង្ហាញនោះមានទាំងមីស៊ីលនាំផ្លូវEmad ដែលអាមេរិកបានចោទប្រកាន់ថាជាមីស៊ីលដែលអាចបំពាក់ក្បាលគ្រាប់បរមាណូ។ ការផលិតមីស៊ីលទាំងនោះគឺបំពាន់ទៅនិងសេចក្តីសម្រេចរបស់ក្រុមព្រឹក្សាសន្តិសុខអង្គការសហប្រជាជាតិកាលពីឆ្នាំ២០១០។
បណ្តាញព័ត៌មានTasnim របស់អីរ៉ងបានផ្សាយថា ឃ្លាំងអាវុធខាងលើស្ថិតនៅរូងភ្នុំ ក្រោមការការពារយ៉ាងតឹងតែងបំផុតពីកម្លាំងបដិវត្តិប្រជាជនអីរ៉ង។ កាលពីខែតុលាឆ្នាំ២០១៥អីរ៉ងបានបង្ហាញឃ្លាំងមីស៊ីលទីមួយរបស់ខ្លួនឲ្យពិភពលោកបានដឹងក៏ដូចជាក្រុមស៊ើបអង្គេតរបស់អង្គការត្រួតពិនិត្យថាមពលបរមាណូIAEA បន្ទាប់ពីអីរ៉ងបានព្រមព្រៀងជាប្រវត្តិសាស្ត្រស្តីពីកម្មវិធីបរមាណូជាមួយប្រទេស៥បូក១ ដែលមាន អាមេរិក រុស្ស៊ី ចិន អង់គ្លេស បារាំង និងអាល្លឺម៉ង ។ ចំណែកឃ្លាំងអាវុធទី២នេះដែលមានមីស៊ីលទំនើបបំផុត អីរ៉ងមិនបានបង្ហាញឡើយពីមុនមក ទើបតែនៅពេលនេះបង្ហាញជាសាធារណក្រោយពេលមានជម្លោះជាមួយប្រទេសសាឌីអារ៉ាប៊ី។
សកម្មភាពនាពេលនេះរបស់អីរ៉ងត្រូវបានគេចាត់ទុកថា ជាការប្រឈមមុខជាមួយរដ្ឋាភិបាលទីក្រុងវ៉ាស៊ីនតោនដ៏ដូចជាប្រទេសអារ៉ាបីសាអូឌិត។ នៅក្នុងកិច្ចព្រមព្រៀងបរមាណូ អីរ៉ងព្រមបោះបង់ចោលកម្មវិធីបរមាណូ ប៉ុន្តែមិនបោះបង់កម្មវិធីកាំជ្រួចមីស៊ីលនោះឡើយ។ ប្រធានាធិបតីអីរ៉ងលោក Hasan Rouhani បានចេញបញ្ចាកឲ្យក្រសួងការពារជាតិ ពង្រីកកម្មវិធីកាំជ្រួចមីស៊ីលទៀតផងដើម្បីការពារផលប្រយោជន៍ជាតិគេចផុតពីការគម្រាមកំហែងពីសត្រូវ។
កាលពីថ្ងៃទី១ខែមករាឆ្នាំ២០១៦ អគ្គមេបញ្ចាការកងទ័ពអីរ៉ងលោកHosein Salami បញ្ចាក់ថា ឃ្លាំងអាវុធមីស៊ីលរបស់អីរ៉ងមានច្រើន ហើយមីស៊ីលបានដាក់ពេញអស់ទៅហើយរកកន្លែងសសម្រាប់ដាក់មីស៊ីលថ្មីទៀតមិនបាន។