យោងតាមគេហទំព័ររបស់ឯកឩត្តម កឹម សុខា ដែលមានខឹមសារទាំងស្រុងដូចខាងក្រោម

        នៅព្រឹកថ្ងៃអង្គារ ទី២៦ ខែមករា ឆ្នាំ២០១៦    នេះ ខ្ញុំ ដឹកនាំប្រតិភូគណបក្សសង្គ្រោះជាតិជួបពិភាក្សាការងារជាមួយឯកឧត្តម ចន ឃើរី(John Kerry) រដ្ឋមន្ដ្រីក្រសួងការបរទេសសហរដ្ឋអាមេរិក។  ក្នុងកិច្ចពិភាក្សានេះ ខ្ញុំបានលើកឡើងអំពី៖

១.ស្ថានភាពនយោបាយបច្ចុប្បន្ន និងបរិយាកាសមុនការបោះឆ្នោត ដូចជា៖ ការគំរាមកំហែងនយោបាយ ការប្រើអំពើហិង្សា ការចាប់ខ្លួនសកម្មជននយោបាយ និងការប្រើប្រាស់ប្រព័ន្ធតុលាការ ដើម្បីកៀបសង្កត់ខាងនយោបាយជាដើម។

២.កិច្ចការបោះឆ្នោត៖ ខ្ញុំបានសុំឲ្យសហរដ្ឋអាមេរិក និងសហគមន៍អន្ដរជាតិ ផ្ដោតការយកចិត្តទុកដាក់ឲ្យកាន់តែខ្លាំងដើម្បីឲ្យការបោះឆ្នោតឆ្នាំ២០១៧ ឆ្នាំ២០១៨ ប្រព្រឹត្ដទៅដោយសេរី ត្រឹមត្រូវ និងយុត្ដិធម៌ ជៀសវាងអំពើហិង្សា។ ជាពិសេស សូមសហរដ្ឋអាមេរិក បញ្ជូនអ្នកសង្កេតការណ៍ មកសង្កេតមើលការបោះឆ្នោតឲ្យបានច្រើនទូរទាំងប្រទេស។

៣.បញ្ហារំលោភសិទ្ធិមនុស្សទូទៅ លើប្រជាពលរដ្ឋ។

៤.ខ្ញុំបានលើកផងដែរថា គណបក្សសង្គ្រោះជាតិធ្វើដំណើរឆ្ពោះទៅរកការបោះឆ្នោតដោយអហិង្សា និងបន្ដការជជែកគ្នា ជាមួយភាគីគណបក្សកាន់អំណាច ដើម្បីដោះស្រាយបញ្ហា ដោយសន្ដិវិធី។

ក្នុងកិច្ចពិភាក្សានេះ គឺប្រកបទៅដោយបរិយាកាសស្និតស្នាល និងចំហ ដែលបង្ហាញឲ្យឃើញនូវក្ដីសង្ឃឹមចំពោះដំណើរការលទ្ធិប្រជាធិបតេយ្យនៅប្រទេសកម្ពុជាយើង ទៅថ្ងៃមុខ។

• ឯកឩត្តម កឹម សុខា
• ំ
• John Kerry