ភ្នំពេញ ៖ បុរស២ក្រុមឈានដល់ការផ្ទុះអាវុធដាក់គ្នារហូតដល់មានរងរបួសទាំងសងខាងដោយសារតែ ភាគីម្ខាងបានទៅនិយាយលេបខាយដាក់ស្រីស្នេហ៍របស់ភាគីម្ខាងទៀត បង្ករអោយមានការភ្ញាក់ផ្អើល កាលពីវេលាម៉ោង ១១.០០​ នាទីយប់ថ្ងៃទី ២៣ ខែមករាឆ្នាំ២០១៦ ត្រង់ចំណុចផ្លូវ ១៥៤កែងផ្លូវ ៤៩ ស្ថិតក្នុងសង្កាត់ផ្សារថ្មីទី៣ខណ្ឌ័ដូនពេញ ។

          បើតាមសាក្សីដែលបានឃើញហេតុការណ៍បានអោយដឹងថា មុនពេលកើតហេតុគេបានឃើញ បុរសមួយក្រុមជិះរថយន្តមួយគ្រឿងម៉ាក TOYOTA TUNTRA ពណ៍ស្ករពាក់ស្លាកលេខ ខេមរភូមិន្ទ02 2-9993 មកផឹកស៊ីនៅហាងចិញ្ចើមថ្នល់ត្រង់ចំណុចផ្លូវ១៥៤កែង ៤៩ ពេលដែលកំពុកតែផឹកស៊ីនោះ ស្រាប់តែមានស្រ្តីម្នាក់ដើរចូលមកនិយាយលេងជាមួយអ្នកលក់ ឃើញដូច្នេះបុរសម្នាក់ក្នុងចំណោមបក្ស ពួក៣នាក់បាននិយាយផ្តោះផ្តងលេងជាមួយស្ត្រីនោះ គាប់ជួនសង្សារស្ត្រីរូបនោះក៏នៅក្បែរនោះដែរមាន ការអាក់អន់ចិត្ត ក៏ហៅស្ត្រីនោះអោយទៅផ្ទះវិញ ហើយបុរសជាសង្សារនោះក៏ដើរទៅមុន ស្រាប់តែភាគី ដែលនិយាយញ៉ែរសង្សារគេនោះបានដើរតំរង់ទៅរថយន្ត របស់ខ្លួននិងបានដកកាំភ្លើងខ្លីហើយដើរតាម ពីក្រោយ ពេលដើរទៅដល់កាំជណ្តើរឡើងផ្ទះក៏ អាម៉េកាំភ្លើងបំរុងបាញ់ ស្រាប់តែបុរសដែលជាសង្សារ ស្ត្រីរូបនោះដឹងខ្លួនមុនក៏បាញ់សំដៅភាគីដែលញ៉ែរសង្សារគេនោះបានមុនបណ្តាលអោយរងរបួសដៃ ខាងឆ្វេង បន្ទាប់មកបុរសដែលញ៉ែរសង្សារគេនោះក៏បានបាញ់មួយគ្រាប់វិញដែរត្រូវចំជើង ។ សាក្សីក៏ បានបន្ថែមទៀតថា បន្ទាប់ពីបាញ់ម្នាក់មួយគ្រាប់រងរបួសទាំងសងខាងរួចមក ភាគីទាំងពីរក៏បានរត់គេច ដោយ ភាគីដែលញ៉ែរសង្សារគេបានឡើងរថយន្តទៅព្យាបាលនៅមន្ទីរពេទ្យ 179 ចំណែកឯភាគីម្ខាង ទៀតបានរត់ឡើងលើផ្ទះបាត់ស្រមោលទាំងរបួសជើង ។

          ក្រោយពេលកើតហេតុខាងកំលាំងមានសម្ថកិច្ចរួមមានអាវុធហត្ថ និងប៉ូលីស ក៏បានទៅដល់ភ្លាមៗដែរ និងបានរកឃើញសំបកគ្រាប់ចំនួន២ យកមករក្សាទុកនៅប៉ុស្តិ៍ផ្សារថ្មីទី៣ ។ ចំណែកខាងអាវុធ ហត្ថបាននាំកំលាំងជាច្រើនដើម្បីស្វែងរងខាងភាគីម្ខាងទៀតដែលត្រូវរបួសជើង តែតាមរកមិនឃើញទេ ដោយសារតែបុរសរូបនោះបានគេចខ្លួនបាត់ទៅហើយ ។ គួរបញ្ជាក់ផងដែរថា បន្ទាប់ពីក្រុមអ្នកសារពត៌មានទៅដល់ប៉ុស្តិ៍ផ្សារថ្មី៣ ហើយសុំថតផ្តិតយករូបសំបកគ្រាប់ដែលរើសបាននោះ បែរជាខាងប៉ូលីស មិនព្រមសហការជាមួយ ហាក់ដូចជាមានការបិទបាំងរឿងអ្វីមួយអញ្ចឹង ៕

• ដកកាំភ្លើង
• ំ