ខេត្តបាត់ដំបង៖ តាមសេចក្តីរាយការណ៏ពីភ្នាក់ងារសារពត៌មានសម្លេងសហគមន៏ខ្មែរកាលពីព្រឹកថ្ងៃទី ១៣ ខែ មករា ឆ្នាំ ២០១៦ នៅតំបន់ច្រកអូររំដូល ស្រុក ភ្នំព្រឹក ខេត្ត បាត់ដំបងបានឲ្យដឹងថា ប្រជាសហគមន៏ដែលរស់នៅតំបន់នោះ ពួកគាត់មានការពិបាកក្នុងការនាំទំនិញចេញចូលទៅប្រទេសថៃ ដោយសារការបង់ពន្ធក្បាលឡាននៅតាមច្រកព្រំដែនមានតំលៃខ្ពុស់។

តាមប្រភពប្រជាពលរដ្ឋនៅ​​​​​​​​​​ទីនោះសុំមិនបញ្ចេញឈ្នោះបានឲ្យដឹងថាមន្រ្តីប្រចាំនៅច្រកអូររំដូលបានយកតំលៃសេវាដឹកជញ្ជូនក្នុងក្បាលឡានមួយមានតំលៃ៣៥០០០០រៀលនិងពេលដឹកទំនិញត្រលប់ពីប្រទេសថៃវិញក៏បង់៣៥០០០០រៀលដែរ។

ប្រពភដដែលបានស្នើរសុំដល់រាដ្ឋាភិបាលឲ្យជួយសម្រួលដល់មន្រ្តីគយ កាំកុងត្រួលប្រចាំនៅច្រកអូរំដូលនិងច្រកផ្សេងៗទៀតឲ្យពិនិត្យឡើងវិញលើតំលៃក្បាលឡាននេះដើម្បីឲ្យពួកគាត់មានការងាយស្រួលក្នុងការដឹងជញ្ជូនកសិផលទៅលក់នៅឯប្រទេសថៃផង។

បើតាមមន្រ្តីប្រចាំការនៅច្រកអូរំដូល លោកបានឆ្លើយប្រាប់សារពត៌មានយើងថា រឿងនេះលោកមិនបានដឹងទេឲ្យភ្នាក់ងារសួរទៅថ្នាក់លើទៅ។ ខណៈពេលនោះថ្នាក់លើមិននៅប្រចាំការកន្លែងនោះដែរ រីឯលេខទូរស័ព្ទក៏គ្មានដើម្បីធ្វើការទំនាក់ទំនង។

បើយោងតាមមន្រ្តីអជ្ងាធរម្នាក់នៅទីនោះសុំមិនបញ្ចាញឈ្មោះបានឲ្យដឹងថារឿងនេះធ្លាប់មានបទបញ្ជាពីថ្នាក់លើឲ្យយកតំលៃក្បាលឡានតែ ២០០០០រៀលទៅ ៥០០០០រៀល តែប៉ុណ្ណោះ រីឯតម្លៃបច្ចុប្បន្នយ៉ាងណានោះលោកពុំហ៊ានអះអាងយ៉ាងណានោះទេ។

• ពន្ធក្បាលឡាន
• ប្រទេសថៃ
• កសិផល