រាជធានីភ្នំពេញ៖  សមត្ថកិច្ចនគរបាលកម្លាំងចំរុះចុះឆែកឆេរទីតាំងលក់ផលិតផលនិងចែកចាយក្លែងក្លាយគ្រឿងសំអាងនិងឡេលាបខ្លួននិងឃាត់ម្ចាស់ផ្ទះនិងដកហូតវត្ថុតាងចំរុះប្រហែលជាង២០តោន កាលវេលាម៉ោង២និង០០នាទីល្ងាចថ្ងៃទី២២ ខែ ឧសភា ឆ្នាំ ២០១៧នៅចំណុចផ្ទះលេខ៤៤ ផ្លូវ៣៥៨ ក្រុម៣២ ស្ថិតភូមិ៤ ខណ្ឌចំការមន រាជធានីភ្នំពេញ ។

ឧត្ដមសេនីយ៍ត្រី ទូច យុទ្ធាជាអនុប្រធានលេខាធិការដ្ឋាននៃគណ:កម្មាធិការប្រយុទ្ធប្រយុទ្ធឆាំងផលិតផលក្លែងក្លាយក្រសួងមហាផ្ទៃបានប្រាប់អ្នយកពត៍មានយើងថាដោយចុះប្រតិបត្តិការឆែកឆេរផ្ទះលក់គឿងសំអាងដោយមានការបញ្ជាផ្ទាល់ពីឯកឧត្ដមមៀច សុផាន់ណាជាប្រធានលេខាធិការដ្ឋានបន្ទាប់ពីធ្វើការសើុបអង្កេតតាមជំនាញហើយដឹងទីតាំងលក់ក្លែងក្លាយផលិតផលសំអាងចំរុះនិងមានការសហការជាមួយលោក ងិន ពេជ ព្រះរាជអាជ្ញារងអមសាលាដំបូងរាជធានីភ្នំពេញនិងតំណាងកាំកុងត្រូល មន្រ្តីតំណាងសុខាភិបាលតំណាងគយនិងសហការជាមួយមន្រ្តីមូលដ្ឋានផងដែរ ។

លោកឧត្ដមសេនីយ៍ត្រី ទូច យុទ្ធាជាអនុប្រធានលេខាធិការដ្ឋានបានបន្តថាដោយរសៀលនេះបានចុះឆែកឆេរផ្ទះលក់ក្លែងក្លាយផលិតផលសំអាងនិងឡេលាបខ្លួននិងដុះខ្លួនសង្កាត់ទួលស្វាយព្រៃទី១ ខណ្ឌចំការមន ហើយក៏ធ្វើការឆែកឆេររកឃើញផលិតផលគ្រឿងសំអាងមួយចំនួនធំក្លែងក្លាយដែលបង្កគ្រោះថ្នាក់មានហានិភ័យខ្ពស់ដល់សុខភាពនិងសុវត្ថិភាពសង្គម។

លោកបន្តថា ក្រោយពីធ្វើការត្រួតពិនិត្យជាមួយកម្លាំងជំនាញចុះប្រតិបត្តិការនិងឯកភាពពីលោក ងិន ពេជព្រះរាជអាជ្ញារងអមសាលាដំបូងរាជធានីភ្នំពេញអនុញ្ញាតិធ្វើការដកហូតគ្រឿងសំអាងក្លែងក្លាយទាំងអស់ដែលមានការសង្ស័យចំនួនជាង២០តោន។

សមត្ថកិច្ចបានហៅម្ចាស់ទីតាំងមានឈ្មោះ ហ៊ឹម ទូច  ភេទប្រុស អាយុ៤៥ឆ្នាំជាម្ចាស់ផ្ទះលេខ៤៤Eoផ្លូវ៣៥៨យកទៅសាកសួរនាំនៅលេខាធិការដ្ឋាននៃគណ:កម្មាធិការប្រយុទ្ធប្រឆាំងផលិតផលក្លែងក្លាយក្រសួងមហាផ្ទៃជាបណ្ដោះអាសន្នដើម្បីសួរនាំអោយបានច្បាស់លាស់ពីផលិតផលដែលគេដាក់តាំងលក់នេះហើយចំណែកផ្ទះផ្ទុបនិងលក់ផលិតផលក្លែងក្លាយនេះត្រូវបានបិទទ្វារជាបណ្ដោះអាសន្នសិនរងចាំសាកសួរចប់និងអនុញ្ញាតិពីព្រះរាជអាជ្ញាទើបអាចប្រើប្រាស់បានវិញ ៕

• សមត្ថកិច្ច
• នគរបាល
• ក្រសួងមហាផ្ទៃ
• គ្រឿងសំអាង