រាជធានីភ្នំពេញ ៖ មន្ត្រីយោធាចិត្តសឿងម្នាក់ ដែលព្រោះតែរឿងខឹងគេរាំរែកកាច់ចង្កេះប្រពន្ធ បន្តិចបន្តួច រួចយកកាំភ្លើង បាញ់រៈជិត ១០គ្រាប់ នៅចំណុចក្លឹប  Holiday  បណ្តាលអោយសន្តិសុខ ក្លឹបកម្សាន្ត២នាក់ត្រូវរងរបួសធ្ងន់ធ្ងរនោះ នៅព្រឹកថ្ងៃទី ១៣ ខែមករា ឆ្នាំ២០១៦នេះ ត្រូវបានកម្លាំង កងរាជអាវុធហត្ថរាជធានីភ្នំពេញ បញ្ចូនខ្លួនមកកាន់សាលាដំបូងរាជធានីភ្នំពេញ ជាលើកទី២ ដើម្បីធ្វើ ការសាកសួរនាំបន្ថែម ។ សូមបញ្ជាក់ថា ជនរូបនេះ ត្រូវបានបញ្ចូនមកកាន់តុលាការម្តងរួចមកហើយ កាលពីព្រឹកថ្ងៃទី១២ ម្សិលមិញ ក្រោមការសាកសួររបស់ព្រះរាជអាជ្ញាររងអមសាលាដំបូងរាជធានី ភ្នំពេញលោកស៊ិន វិរៈ ដោយគិតមកត្រឹមម៉ោង ១០ និង ០០នាទីថ្ងៃនេះ លោកព្រះរាជអាជ្ញាររង ពុំទាន់ សម្រេចយ៉ាងណាទាំងអស់ ។

សូមបញ្ជាកក់ថា មន្ត្រីយោធាចិត្តសឿង ខាងលើ មានឈ្មោះ ចៅ រង្ស៊ី អាយុ ភេទប្រុស អាយុ៣១ឆ្នាំ មុខរបរជាមន្ត្រីយោធា  មានទីលំនៅផ្ទះលេខ ១១ E0 សង្កាត់ស្រះចក ខណ្ឌដូនពេញ រាជធានីភ្នំពេញ ។        គួររំលឹកថា មន្ត្រីយោធារូបនេះ ត្រូវបានកម្លាំងកងរាជអាវុធហត្ថខណ្ឌដូនពេញ ចាប់ឃាត់ខ្លួនកាលពី វេលាទាបភ្លឺថ្ងៃទី១១ ខែមករា ឆ្នាំ២០១៦ បន្ទាប់ពីរូបគេធ្វើសកម្មភាពបាញ់រះជិត ១០គ្រាប់ នៅចំណុច មុខក្លឹបកម្សាន្ត  មេនហាន់ធឺ ហូលីដេ  ដោយប្រើកាំភ្លើង អឹមសី បណ្តាលអោយសន្តិសុខ ក្លឹបកម្សាន្ត ខាងលើ រងរបួសធ្ងន់ធ្ងរនាក់ បញ្ចូនទៅសង្គ្រោះបន្ទាន់ភ្លាមៗ ។ គួរបញ្ជាក់ថា ដំណើររឿងមុនធ្វើអោយ មន្ត្រីយោធាខាងលើ ចិត្តសឿងបាញ់រះរហូតជិត ១០គ្រាប់ គឺដំបូងឡើយ មន្ត្រីយោធារូបនេះ បាននាំ ប្រពន្ធ និងប្អូន៣ ទៅ៤នាក់ផ្សេងទៀត ចូលទៅរាំរែកកម្សាន្តនៅក្នុងក្លឹបកម្សាន្តខាងលើ តាំងពីវេលា ម៉ោង ១២ មកម្លេះ ។ រហូតមកទល់វេលាទាបភ្លឺខាងលើ ស្រាប់តែកើតមន្ត្រីយោធារូបនេះ ស្រាប់តែកើត ទំនាស់ជាមួយ យុវជនមួយក្រុមដែលកំពុងរាំរែកនៅក្នុងនោះដែរ ដោយពួកគេ បានរាំប៉ះចង្កេះរបស់ ប្រពន្ធខ្លួន ។  ក្រោយកើតការខឹងសម្បារួចមក មន្ត្រីរូបនេះ បានជិះម៉ូតូរបស់ខ្លួនម៉ាក  PCX  ពណ៌ស ទៅផ្ទះយកកាំភ្លើងអឹមសី ដាក់ក្នុងកែបម៉ូតូ រួចជិះត្រឡប់មកកាន់ក្លឹបកម្សាន្តខាងលើវិញ ដោយរូបគេ ឈប់ម៉ូតូរួច ដកកាំភ្លើងចេញពីក្នុងកែបម៉ូតូ ហើយដើរសំដៅចូលទៅក្នុងក្លឹប បំណង រករឿងក្រុមយុវជន ដែលរាំរែកប៉ះចង្កេះប្រពន្ធខ្លួន ។ ប៉ុន្តែភ្លាមៗនោះ ត្រូវបានកម្លាំងសន្តិសុខដែលយាមកាម យាមឃាត់ មន្ត្រីយោធារូបនេះ មិនអោយចូលទៅខាងក្នុង ដោយសាររូបគេកាន់កាំភ្លើងជាប់នឹងដៃស្រាប់ ខ្លាចកើត មានរឿងធំដុំ ។ ដោយសារតែសន្តិសុខហាមឃាត់មិនអោយរូបគេចូលទៅក្នុង រូបគេ ក៏បានលើកកាំភ្លើ ង ឡើងធ្វើសកម្មភាពបាញ់រៈជិត ១០គ្រាប់បណ្តាលអោយសន្តិសុខ ២នាក់ត្រូវរងរបួសធ្ងន់ធ្ងរ បញ្ចូន ទៅសង្គ្រោះបន្ទាន់នៅមន្ទីរពេទ្យកាល់ម៉ែត្រភ្លាមៗ ។ ដោយឡែកជនបង្ក ក៏ត្រូវបានកម្លាំងកងរាជអាវុធ ហត្ថខណ្ឌដូនពេញ​ ចុះអន្តរាគមន៍ឃាត់ខ្លួនបានភ្លាមៗ ផងដែរ ៕

• បាញ់បោះ
• ក្លឹប Holiday