|
 |
MENU
|
|
|
|
MENU
|
រាជធានីភ្នំពេញ៖ កីឡាករ ចាន់ វឌ្ឍនា ដែលកំពុងក្លឹបជប៉ុន Fujieda MYFC និងកីឡាករ ធារី ចាន់ថាប៊ីន ក្លឹបថៃ Krabi FC ត្រូវគ្រូបង្គោលថ្មីរបស់សហព័ន្ធបាល់ទាត់កម្ពុជាសម្រេចឱ្យជាប់ឈ្មោះជម្រើសជាតិដដែលសម្រាប់ជំនួបជាមួយក្រុមបាល់ទាត់ប្រទេសឥណ្ឌា ថ្ងៃទី២២ ខែមីនា ឆ្នាំ២០១៧ខាងមុខនេះ។
លោក ឡេអូណាដូ ល្វីស ដែលជាគ្រូបង្គោលថ្មីក្នុងពិធីសន្និសីទកាសែតប្រកាសឈ្មោះជម្រើសជាតិកាលពីព្រឹកថ្ងៃទី១០ ខែមីនា ឆ្នាំ២០១៧។ បានឱ្យដឹងថា ជម្រើសដំបូង២៣ត្រូវបានប្រកាសជាផ្លូវការហើយប្រកាសបែបនេះដើម្បីកុំមហាជននិងប្រព័ន្ធផ្សព្វផ្សាយចេះយល់ច្រឡំ ហើយធ្វើការរិះគន់ដល់ក្រុមបាល់ទាត់សម្រាប់ការប្រកួតអន្តរជាតិជារើយៗ។
លោកសូមផ្តាំផងដែរប្រសិនបើសហព័ន្ធមិនចេញឈ្មោះកីឡាករណាមួយក្នុងបញ្ចីរនោះទេសូមមេត្តាកុំផ្សាយព័ត៌មានមិនផ្លូវការបើទោះបីជាក្លឹបបាល់ទាត់នីមួយៗបង្ហើបឱ្យដឹងក៏ដោយ។
គ្រូបង្វឹករូបនេះបានបញ្ជាក់ថា កីឡាករ ធារី ចាន់ថាប៊ីន ដែលទើបតែជាប់ទៅក្លឹបថៃ Krabi FC ក៏នៅតែមានឈ្មោះ សម្រាប់ការជម្រើសហើយ មូលហេតុដែលយកកីឡការ ចាន់ វឌ្ឍនាកា កំពុងតែនៅជប៉ុនមកដាក់លេងសម្រាប់ជំនួបជាមួយ ឥណ្ឌា នោះដោយសារទម្រង់លេងរបស់កីឡាករនេះនៅតែល្អសម្រាប់ក្រុមជម្រើសជាតិ ប៉ុន្តែក្នុងនោះក៏មានចលនាមួយចំនួនតម្រូវឱ្យកែប្រែ ឱ្យប្រសើរជាងនេះប្រសិនបើកីឡាករវ័យក្មេងរូបនេះអាចមកហ្វឹកហាត់និងលេងជាមួយក្រុមជម្រើសជាតិកម្ពុជាវិញ។ លោកផ្ទាល់ក៏បានទាក់ទងទៅ ចាន់ វឌ្ឍនាកា រួចហើយដោយតបមកវិញព្រមមកលេងជាមួយក្រុមកម្ពុជាវិញខ្លាំងណាស់ ។
សូមបញ្ជាក់ ក្នុងបញ្ចីរឈ្មោះ ២៣រូប ត្រូវបានបង្ហាញឱ្យឃើញមានទាំងកីឡាករថ្មីនិងចាស់ដែលជាប់ឈ្មោះជម្រើសជាតិចេញមកពីក្លឹប ក្រសួងការពារជាតិ មានដូចជា កីឡាករ ជ្រឹង ពលរដ្ឋ កីឡាករ អ៊ុំ សេរីរ័ត្ន កីឡាករ សួរ ពិសិដ្ឋ និង កីឡាករ ផម តុលា ។
មកកពីក្លឹបណាហ្កាវើល មានដូចជា កីឡាករ ឆេង ម៉េង កីឡាករ ស៊ូ សូហាណា និង កីឡាករ សួង វីរៈ ។
មកពីក្លឹបនគរបាលជាតិ មានដូចជា កីឡាករ អ៊ុល រ៉ាវី និង ទិត្យ ឌីណា។ ក្លឹបភ្នំពេញក្រោន កីឡាករ កែវ សុខភេង កីឡាករ កែវ សុខសិលា កីឡាករ Kok Boris កីឡាករ Seut Baraing និង កីឡាករ Chum Piza ។
ក្លឹបមានប្រាំរូបផងដែរត្រូវបានជាប់នោះដូចជា កីឡាករ ប្រាក់ មុន្នីឧត្តម កីឡាករ សំ អឿនពិដោរ កីឡាករ សឿយ វិសាល និង អ៊ុំ ឧត្តម។
មកពីក្លឹបបឹងកេតអង្គរមានពីររូបដូចជា កីឡាករ ឃួន ឡាបូរ៉ាវី កីឡាករ កីឡាករ រស់ សំអឿន , កីឡាករ ធារី ចន្ថាប៊ីនមកពីក្លឹបថៃ Krabi FC និង កីឡាករ ចាន់ វឌ្ឍនាកា មកពីក្លឹបជប៉ុន Fujieda MYFC ក៏មានឈ្មោះផងដែរ៕ ដោយ បូរិន
