ព្រះមហាក្ស័ត្រគុយវែត Sabah Al Ahmad បានចេញរាជបញ្ចាឲ្យរំលាយរដ្ឋសភាជាបន្ទាន់ ដើម្បីរៀបចំថ្មីឡើងវិញ។
សកម្មភាពខាងលើកើតឡើងក្នុងរយៈពេល២៤ម៉ោង ក្រោយប្រធានរដ្ឋភាគុយវែតលោក Marzouk al Ghanem បានអំពាវនាវឲ្យមានការបោះឆ្នោតមុនអាណាត្តិ ក្នុងពេលដែលប្រទែសនេះប្រឈមនិងបញ្ហាជាច្រើនលើវិស័យសេដ្ឋកិច្ចនិងសន្តិសុខ។
តាមរដ្ឋធម្មនុញ្ញគុយវែត ការបោះឆ្នោតមុនអាណាត្តិនិងត្រូវបានធ្វើឡើងក្នុងរយៈពេល២ខែក្រោយការសម្រេចរំលាយរដ្ឋភា។ ការបោះឆ្នោតសភាចុងក្រោយរបស់គុយវែតនៅចុងឆ្នាំ២០១៣។
គុយវែតគឺជាប្រទេសនាំប្រេងចេញច្រើននៅក្នុងតំបន់ ប៉ុន្តែដោយសារតម្លៃប្រេងចុះថោកបានធ្វើឲ្យមានវិវាទយ៉ាងខ្លាំង នៅក្នុងថ្នាក់ដឹកនាំ។
ពេលកន្លងមកថ្មីៗគុយវែត បានប្រឈមមុខនិងការវាយប្រហាររបស់ក្រុម IS ទៀតផង។ កាលពីឆ្នាំ២០១៥ IS បានចេញមុខទទួលខុសត្រូវពីការវាយប្រហារគ្រាប់បែកនៅព្រះវិហារអិស្លាមShia ស្ថិតនៅកណ្តាលទីក្រុងគុយវែតសម្លាប់មនុស្ស២៧នាក់និងរាប់សិបនាក់រងរបួស។