MENU
|
នៅព្រឹកថ្ងៃទី១៤ខែតុលា ជាថ្ងៃដំបូងក្នុងរយៈពេល៧០ឆ្នាំកន្លងមកដែលពលរដ្ឋថៃភ្ញាក់ពីដេកដោយមានអារម្ភខ្វល់ខ្វាល ដោយសារតែពួកគត់មិនមានព្រះមហាក្សត្រ ទៀតឡើយក្នុងពេលដ៏ខ្លីនេះ។
តាមសារព័ត៌មានរ៉យទ័រ ការបាត់បង់នោះគឺជារឿងធំធេងសម្រាប់ពលរដ្ឋថៃទាំងមូល ដោយក្នុងរយៈពេលជាច្រើនទស្សវត្តកន្លងមក ព្រះមហាក្សត្រថៃដូចជាឪពុកបង្កើតមិនអាចខ្វះបាន ដែលជាសេ្តចនាំប្រទេសថៃឆ្ពោះទៅកាន់ភាពរីកចម្រើនយ៉ាងខ្លាំង។
ជាច្រើនឆ្នាំកន្លងមកព្រះសុខភាពរបស់ស្តេចBhumibol Adulyadej មិនល្អឡើង ទោះពលរដ្ឋដឹងថា ព្រះអង្គមិនអាចគេផុតពីមជ្ជរាជ្យឡើយ ប៉ុន្តែការចូលទីវង្គត់នោះ គឺជាការតក់ស្លុតបំផុតសម្រាប់ប្រទេសជាតិដែលមានពលរដ្ឋ៦៧លាននាក់ស្ថិតនៅតំបន់អាស៊ានមួយនេះ។
ព្រះរាជ្យបុត្រ Maha Vajiralongkorn នឹងឡើងស្នងដំណែងពីព្រះបិតា ប៉ុន្តែប់ទោះបីបែបណាក្តីព្រះរាជ្យបត្រមិនទទួលបានការគោរពស្រឡាញ់ពីពលរដ្ឋថៃដូចជាព្រះបិតានោះឡើយ។ រយៈពេលកន្លងមក ថែប្រឈមនិងការវាយប្រហារពិក្រុមបះបោរ និងវិបត្តិនយោបាយជាងមួយទស្សវត្តកន្លងមក ដោយមានការធ្វើរដ្ឋប្រហារពិលើក និងការធ្វើបាតុកម្មបង្ហូរឈាម ។ វិបត្តិទាំងនោះព្រះមហាក្សត្រថៃ បានក្លាយជាតំណាងនៃការសមគ្គី ផ្សះផ្សា ភាពតានតឹងនៅក្នុងប្រទេស។ ទាំងនោះហើយពលរដ្ឋថៃមានការព្រួយបារម្ភពេលប្រទេសជាតិ មិនមានព្រះអង្គគងនៅទៀតនោះ។
នាយករដ្ឋមន្ត្រីថៃលោកប្រាយុទ្ធចាន់អូចា បានមានប្រសាសន៍ថា នេះគឺជាការឈឺចាប់និងជាការបាត់បង់ដ៏ធំធេងសម្រាប់ប្រទេសជាតិនិងពលរដ្ឋថៃទាំងមូល។ លោកបានបញ្ចាក់ទៀតថា សន្តិសុខគឺជារឿងសំខាន់ ដែលជាអាទិភាពនាពេលនេះ ។លោកក៏បានអំពាវនាវដល់បណ្តាលក្រុមហ៊ុន ឧស្សាហកម្មធំ បន្តសកម្មភាព មិនត្រូវធ្វើឲ្យមានភាពហ្វឹកវរដល់ទីផ្សាមូលប័ន របស់ថៃឡើយ។
នៅថ្ងៃទី១៤ខែតុលានេះ បណ្តាលធនាគានិងទីផ្សាមូលម័តបន្តដំណើរការធម្មតា ។ សន្តិសុខត្រូវបានរិតបន្តឹង នៅតាមទីតាំសំខាន់!ៗមានវត្តអារ៉ាម និងក្រសួងនានា ព្រំទាំងទីប្រជុំជន ដោយខ្លាចក្រុមជ្រុលនិយមប្រើប្រាស់ឧកាសដែលពលរដ្ឋថៃកំពុងតែមានទុក្ខ វាយប្រហារបង្ករភាពចលាចល។
ចំណែកព្រះរាជ្យបុត្រ Vjiralongkorn ដែលត្រូវស្នងតំណែងគ្រោងរាជ្យសម្បត្តិពីព្រះបីតា បានមានព្រះបន្ទូលថា នឹងលើកពេលវេលា រៀបចំការឡើងគ្រោងរាជ្យ ដោយទុកពេលវេលាជាមួយប្រជារាស្ត រៀបចំពីធីបុណ្យ ជូនព្រះបិតាសិន។
ព្រះមហាក្សត្រBhumibol Adulyadej គ្រោងរាជ្យយូបំផុតលើពិភពលោក។ ព្រះអង្គបានប្រសូត្រនៅទីក្រុង Cambridge,Massachusetts អាមេរិកនាថ្ងៃទី៥ខែធ្នូឆ្នាំ១៩២៧។ព្រះបិតារបស់ព្រះអង្គ គឺព្រះរាជ្យបុត្រ Mahidol Adulyadej ដែលកំពុងសិក្សានៅ harvard ។ក្រោយមក ក៏បានវិលត្រឡប់មកប្រទេសថៃវិញ។
អត្ថិពលរបស់ព្រះមហាក្សត្រថៃកាន់តែចុះខ្សោយក្រោយពេលលុបចោលរបបគ្រប់គ្រងដោយស្តេចកាលពីឆ្នាំ១៩៣២។ តាំពីពេលនោះមកការដឹកនាំរដ្ឋបាលរបស់ថៃ គឺជាប្រទេសប្រជាធិបតេយ្យ រាជានិយមអាស្រ័យធម្មនុញ្ញា។
ថៃត្រូវបានគេចាតទុកថាជាប្រទេសមានវិវាតនយោបាយផ្ទសក្នុងច្រើនបំផុតនៅតំបន់អាស៊ីភាគអាគ្នេយ៍ដោយប្រទេសនេះបានឆ្លងកាត់ការធ្វើរដ្ឋប្រហាររហូតដល់ជាង២០លើកចាប់តាំងពីឆ្នាំ១៩៣២ ក្នុងនោះមានការធ្វើរដ្ឋប្រហារយោធា១១លើកទទួលបានជោគជ័យ។ ការធ្វើរដ្ឋប្រហារចុងក្រោយគឺទម្លាក់នាយករដ្ឋមន្ត្រីយីងឡាក់ស៊ីណាវ៉ាត្រា ៕