បាំងកក ៖ យោងតាមព័ត៌មានយ៉ាងច្បាស់ការណ៍ពីគេហទំព័រដ៏ល្បីមួយរបស់ប្រទេសថៃ បានអោយដឹងថា  ព្រះអង្គ ភូមិបុល អាប់ឌុលយ៉ាដេត ព្រះមហាក្សត្រ នៃប្រទេសថៃ ទ្រង់បានយាងចូលទិវង្គត់ហើយ នៅវេលារសៀលថ្ងៃ១៣ តុលា ២០១៦ នេះ ក្នុងព្រះជន្ម ៨៨វស្សា ។

ការយាងចូលទិវង្គត់របស់ទ្រង់ ធ្វើអោយប្រជាពលរដ្ឋស្ទើរទូទាំងប្រទេសថៃ នាំគ្នាបញ្ចេញអារម្មណ៍សោកសង្វែក សោកស្តាយយ៉ាងពន់ពេក ចំពោះការយាងចូលទិវង្គត់របស់ទ្រង់ ដែលជាការយាងទៅរហូត ពុំវិលវិញឡើយ ។

សូមបញ្ជាក់ថា បន្ទាប់ពីព្រះមហាក្សត្រថៃ ព្រះអង្គ ភូមិបុល អាប់ឌុលយ៉ាដេត បានយាងចូលទិវង្គត់ នៅវេលារសៀលថ្ងៃ១៣ តុលា ២០១៦ នេះ លោកនាយករដ្ឋមន្ត្រីថៃ ប្រាយុទ្ធ ចាន់អូចា បានធ្វើការប្រកាសថា នឹងមានការកាន់ទុក្ខរយៈពេល១ឆ្នាំពេញនៅទូទាំងប្រទេស ។ នេះបើតាមការចេញផ្សាយដោយសារព័ត៌មានថៃនាយប់ថ្ងៃទី១៣ តុលា ។

លោកប្រាយុទ្ធ ចាន់ទអូឆា នាយករដ្ឋមន្ត្រីថៃ បានប្រកាសទៀតថា បុត្រា Maha Vajiralongkorn របស់ព្រះមហាក្សត្រ Bhumibol Adulyadej នឹងឡើងគ្រងរាជបន្ត នេះបើយោតាមរដ្ឋធម្មនុញ្ញរបស់ថៃ ដែលយោងតាមសារព័ត៌មានរបស់ AP និងសារព័ត៌មាន BBC ចេញផ្សាយ នាល្ងាចថ្ងៃខែដដែលនេះ។

គួររំលឹកថា ព្រះមហាក្សត្រថៃព្រះបាទភូមិបុល អាប់ឌុលយ៉ាដេត បានសោយទិវង្គត់ពិតប្រាកដ នាវេលាម៉ោង៣ និង៥២នាទីរសៀលថ្ងៃនេះ ។ បើតាមប្រភពព័ត៌មាន បានឲ្យដឹងកាលពីយប់ថ្ងៃទី១២ តុលា ថា ព្រះអង្គ Bhumibol Adulyadej ដែលមានព្រះជន្ម៨៨ព្រះវស្សា កំពុងស្ថិតស្ថានភាពគ្មានលំនឹងនៅឡើយ ដោយសម្ពាធឈាមរបស់ព្រះអង្គ បន្តធា្លក់ចុះនៅថ្ងៃអង្គារនេះ ជីពចររបស់ព្រះអង្គដើរកាន់តែលឿនជាងមុន ហើយឈាមរបស់ព្រះអង្គ មានជាតិអាស៊ីតកាន់តែច្រើនឡើង។ ព្រះកាយរបស់ព្រះអង្គមានផ្ទុកវីរ៉ុស ហើយមុខងារថ្លើមរបស់ព្រះអង្គ មិនមានភាពប្រក្រតីនោះទេ ៕

• ព្រះមហាក្សត្រ
• ថៃ
• ព្រះជន្ម