រញ្ជួយដីកំរិតធ្ងន់ ៦.៧ រ៉ិចទ័រ នៅតៃវ៉ាន់ បានសម្លាប់មនុស្សយ៉ាងហោច ២នាក់ និងរលំអគារមួយចំនួន កាលពីយប់ម្សិលមិញនេះ ( មានវីឌីអូ )

រញ្ជួយដីកំរិតធ្ងន់ ៦.៧ រ៉ិចទ័រ នៅតៃវ៉ាន់ បានសម្លាប់មនុស្សយ៉ាងហោច ២នាក់ និងរលំអគារមួយចំនួន កាលពីយប់ម្សិលមិញនេះ ( មានវីឌីអូ
)

ព័ត៌មានអន្តរជាតិ | ថ្ងៃសៅរ៍ ទី០៦ កុម្ភៈ ២០១៦, ០៩:១៧ | ៧២២ ដង | ចុចបញ្ចេញមតិ (០)

ក្រុមអ្នកជួយសង្រ្គោះបានព្យាយាម ករកាយរកមនុស្សដែលត្រូវកំទេចថ្មនៃអគារសង្គត់ ក្រោយពីទទួលរងនូវការរញ្ជួយដីកំរិតធ្ងន់ ៦.៧ រ៉ិចទ័រ កាលពីវេលាម៉ោង ៧ ៥៧នាទី យប់ថ្ងៃសុក្រម្សិលមិញនេះ ពេលគេកំពុងតែគេងលង់លក់ នៅភាគខាងត្បូងទីក្រុង តៃណាន នៃប្រទេសតៃវ៉ាន់។

របាយការណ៍បានបង្ហាញថា យ៉ាងហោចណាស់អគារ៤ខ្នងត្រូវបានរលំ ដោយក្នុងនោះមានទាំងអគារលំនៅឋានខ្ពស់ៗផងដែរ ហើយមនុស្សជាង ១២០នាក់ ត្រូវបានសង្រ្គោះ។

លោកប្រធានាធិបតី Ma Ying-Jeou កំពុងធ្វើដំណើរទៅទីក្រុងតៃណាន ដែលទីក្រុងនេះមានប្រជាជន ២លាននាក់កំពុងរស់នៅ។

ក្រុមអ្នកជួយសង្រ្គោះព្យាយាមទាំងអារម្មណ៍តក់ស្លុតបំផុត ក្នុងការស្វែងរកមនុស្សដែលត្រូវកំទេចថ្មសង្កត់ ដោយប្រើជណ្តើរសម្រាប់ឡើងលើគំនរថ្មីបាក់បែកធំៗជាច្រើន។

ភ្នាក់ងារការសែតផ្លូវការណ៍របស់តៃវ៉ាន់បាននិយាយថា យ៉ាងហោចណាស់មនុស្ស ២៣នាក់ ត្រូវបានរងរបួសក្នុងអគារស្នាក់នៅច្រើនជាន់ ដែលមាន ៦០គ្រួសារ និងមានមនុស្សសរុបប្រហែល ២០០នាក់កំពុងរស់នៅ។

រញ្ជួយដីកំរិតធ្ងន់ ៦.៧ រ៉ិចទ័រ នៅតៃវ៉ាន 05-Feb-2016
រញ្ជួយដីកំរិតធ្ងន់ ៦.៧ រ៉ិចទ័រ នៅតៃវ៉ាន បានសម្លាប់មនុស្សយ៉ាងហោច ២នាក់ និងរលំអគារមួយចំនួន កាលពីយប់ម្សិលមិញនេះអានបន្ត៖ http://vokc.org/article/218
Posted by VOKC News on Friday, February 5, 2016

អ្នករស់នៅតៃណានម្នាក់ឈ្មោះ នាង អ៊ែមម៉ា បានប្រាប់ BBC World News ថា ប្រជាជនភ័យខ្លាចនឹងមានការរញ្ជូយនៅពេលក្រោយទៀត។ នាងបាននិយាយថា “ខ្ញុំមានអារម្មណ៍ថាមានការរញ្ជួយដី ហើយវាពិតជាធ្ងន់ធ្ងរណាស់។”

លោក Barry Knapp ជនជាតិអង់គ្លេស ដែលកំពុងរស់នៅទីក្រុងតៃវ៉ាន់បាននិយាយថា គាត់នៅឆ្ងាយពីទីតាំងរញ្ជួយជាង ២៤០ គីឡូម៉ែត ប៉ុន្តែគាត់នៅតែមានអារម្មន៍ភ័យខ្លាច។ គាត់បានបន្ថែមថា “ខ្ញុំកំពុងតែគេងរៀបនឹងលក់ទៅហើយ ស្រាប់តែការញ័រក៏ចាប់ផ្តើមកើតឡើង។”