ភ្នំពេញៈដោយមានការអនុញាតិពីលោក ចែ សុង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ ក៏បានឲ្យកម្លាំងប្រឆាំងការជួញដូរគ្រឿងញៀន ចុះប្រតិបត្តិការបង្ក្រាបជាក់ស្ដែង នៅសណ្ឋាគារ សុខា ក៏បានធ្វើការឃាត់ខ្លួនជនសង្ស័យប្រុសស្រីចំនួន៤នាក់ និងដកហូតថ្នាំញៀនជិត១គីឡូ ។ក្នុងការប្រតិបត្តិការបង្ក្រាបនេះបានធ្វើឡើងកាលពីវេលាម៉ោង២០និង១៥នាទីយប់ ថ្ងៃទី៣ ខែកុម្ភះ ឆ្នាំ២០១៦ នៅក្នុងបន្ទប់លេខ៥០៧និង៥៦៥ នៃសណ្ឋាគារ សុខា ផ្លូវទន្លេសាប ក្រុម១០ ភូមិ១ សង្កាត់ជ្រោយចង្វារ ខណ្ឌជ្រោយចង្វារ។

        បើតាមប្រភពព័ត៌មានពីសមត្ថកិច្ចបានបង្ហើបប្រាប់ឲ្យដឹងថា ដោយមានប្រជាពលរដ្ឋបានរាយការណ៍ប្រាប់ថាមានក្រុមជនសង្ស័យខាងលើបានធ្វើសកម្មភាពជួញដូរគ្រឿងញៀន នៅក្នុងសណ្ឋាគារ សុខា ហើយក៏ជាមុខសញ្ញាចាស់របស់សមត្ថកិច្ចតាមដានជាយូរមកហើយ ។ក្រោយមកកម្លាំសមត្ថកិច្ចក៏បានសុំការអនុញាតិពីលោក ចែ សុង ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ និងមានការសហការជាមួយមន្ត្រីក្រោមឱវាទ ក៏បានធ្វើការចុះបង្ក្រាបជាក់ស្ដែងដល់កន្លែងកើតហេតុខាងលើ ក៏បានឃាត់ខ្លួនជនសង្ស័យប្រុសស្រីចំនួន៤នាក់ រួមទាំងដកហូតថ្នាំញៀនជិត១គីឡូផងដែរ។

       ជនសងសង្ស័យដែលឃាត់ខ្លួនបានទាំង៤

នាក់នេះមានឈ្មោះទី១ លី គីមឆាយ ភេទប្រុស អាយុ១៨ឆ្នាំ ជនជាតិចិន ទី២ ស៊ូ ណាំងណាំង ភេទប្រុស អាយុ២១ឆ្នាំ ជនជាតិចិន ទី៣ ហាយ យៀន ភេទស្រី អាយុ៣៣ឆ្នាំ ជនជាតិចិននិងទី៤ហ្វាម គីមដុង ភេទស្រី អាយុ២៥ឆ្នាំ ជនជាតិវៀតណាម។

        ប្រភពដដែលបានប្រាប់ឲ្យដឹងទៀតថា ក្រោយមកកម្លាំងរបស់លោកបានបន្តនាំយកជនសង្ស័យប្រុសស្រីទាំង៤នាក់នោះមកចង្អុលបង្ហាញពីទីតាំងកន្លែងរស់នៅ ដែលនៅក្បែរនិងភោជនីយ៍ដ្ឋាន តាយ តាយ ជាប់ផ្លូវលេខ២០០ ក្នុងបន្ទប់ជួលលេខ២២០ ភូមិ៧ សង្កាត់បឹងរាំង ខណ្ឌដូនពេញ ហើយក៏បានធ្វើការឆែកឆេរក្នុងបន្ទប់ជួលរបស់ជនសង្ស័យទាំងនោះ ក៏បានរកឃើញមានប្រដាប់ប្រើប្រាស់មានដូចជា ជញ្ចីងសម្រាប់ថ្លឹងគ្រឿងញៀនចំនួនមួយ ឧបករណ៍សម្រាប់ប្រើប្រាស់ចំនួនបី

 ស្បោងសម្រាប់ច្រកគ្រឿងញៀនមួយចំនួន ក្រដាសអាលុយមីញ៉ូមចំនួនមួយដុំ ដែកកេះ២ និងកន្ត្រៃដែកចំនួន១ផងដែរ។

        ក្រោយពេលធ្វើការចុះបង្ក្រាបនិងឆែកឆេររួចហើយ ជនសងសង្ស័យប្រុសស្រីទាំង៤នាក់ រួមទាំងវត្ថុតាង ត្រូវបានកម្លាំងសមត្ថកិច្ចប្រឆាំងការជួញដូរគ្រឿងញៀន ដឹកយកទៅកាន់សាលាដំបូងរាជធានីភ្នំពេញ ដើម្បីកសាងសាណុំរឿងចាត់ការតាមនីតិវិធីច្បាប់៕

• ជនជាតិចិន