|
 |
MENU
|
|
|
|
MENU
|
ភ្នំពេញ ៖ នាព្រឹកថ្ងៃទី០៣ ខែ កុម្ភៈ ឆ្នាំ ២០១៦ នគរបាលខណ្ឌជ្រោយចង្វា បានធ្វើការបង្ហាញមុខសញ្ញាសេព និងចែកចាយថ្នាំញៀនប្រុសស្រី២១នាក់ ថ្នាំញៀន១០កញ្ចប់ នឹងម៉ូតូ ០៩គ្រឿង ប្រព្រឹត្តិទៅនៅក្នុងអធិការដ្ឋាននគរបាលខណ្ឌជ្រោយចង្វារ ។
បើតាមសំដីសមត្ថកិច្ចបានបញ្ជាក់ថា មុនដំបូងកម្លាំងសមត្ថកិច្ចយើងបានចុះអនុវត្តច្បាប់ចរាចរនៅមុខវត្តកៀនឃ្លាំង នៅថ្ងៃទី ០២ ខែ កុម្ភៈ ឆ្នាំ ២០១៦ វេលាម៉ោង ១៦និង០០នាទីល្ងាច ហើយក៏បានប្រទះឃើញជនសង្ស័យទាំង ០៩នាក់ ជិះម៉ូតូ ៤គ្រឿង ដោយពួកគេជិះម៉ូតូមិនបានពាក់មួកសុវត្ថិភាព និងមិនបានដាក់កញ្ជក់ ទើបកម្លាំងសមត្ថកិច្ចយើងបានធ្វើការឃាត់ខ្លួនជនសង្ស័យចំនួន ០៩នាក់ ដោយក្នុងនោះបានធ្វើការឆែកឆេរក៏រកឃើញថ្នាំញៀនចំនួន ០៥កញ្ចប់តូច ។ លុះដល់យប់ថ្ងៃទី ០៣ ខែឆ្នាំដដែល វេលាម៉ោង ២និង០០នាទីយប់ កម្លាំងល្បាតរបស់អធិការដ្ឋាននគរបាលខណ្ឌ ក៏បានប្រទះឃើញជនសង្ស័យទាំង ១២នាក់ផ្សេងទៀត ក៏បានធ្វើការឃាត់ខ្លួន នឹងឆែកឆេរក៏រកឃើញថ្នាំញៀនចំនួន ៥កញ្ចប់ ក្នុងនោះមាន ៤កញ្ចប់តូច នឹង ១កញ្ចប់ធំ ។ ក្រោយមកកម្លាំងសមត្ថកិច្ចក៏បានចាប់បញ្ចូនជនសង្ស័យទាំង ២១នាក់ រួមទាំងវត្ថុតាង នឹងម៉ូតូ ០៩គ្រឿងទៅអធិការដ្នានគរបាលខណ្ឌជ្រោយចង្វារ ។
គួរបញ្ជាក់ផងដែរថា នៅពេលដែលកម្លាំងសមត្ថកិច្ចយើងបានធ្វើការបង្ក្រាបនោះ កម្លាំងយើងបានធ្វើការដកហូតវត្ថុតាងមួយចំនួនរួមមាន: ម្សៅក្រាម ពណ៍ សថ្លា ប្រភេទម៉ាកទឹកកកច្រកក្នុងថង់បាស្ទិកចំនួន ០៩កញ្ចប់តូច ០១កញ្ចប់ធំ និងម៉ូតូចំនួន ០៩គ្រឿង ។
បច្ចុប្បន្នជនសង្ស័យទាំង ២១នាក់ ត្រូវបានកម្លាំងសមត្ថកិច្ចឃុំខ្លួនជាបណ្តោះអាសន្ននៅអធិការដ្ឋាននគរបាលខណ្ឌជ្រោយចង្វារ ដើម្បីកសាងសំណុំរឿងបញ្ចូនទៅកាន់តុលាការ ចាត់ការបន្តតាមផ្លូវច្បាប់ ៕
